വിലക്കയറ്റത്തിനൊപ്പം ഉദ്യോഗസ്ഥരുടെ അശ്രദ്ധ; 9 ലക്ഷം കുടുംബത്തിന് റേഷനരി നഷ്ടമായി
Perinthalmanna RadioDate: 03-11-2022പൊതു വിപണിയില് അരിവില കുതിക്കുമ്പോള് സ്ഥിരമായി റേഷന് വാങ്ങുന്ന ഒന്പതു ലക്ഷം കുടുംബങ്ങള്ക്ക് അരി നഷ്ടപ്പെട്ടു. സ്ഥിരമായി റേഷനരി വാങ്ങാന് എത്താത്ത 9.5 ലക്ഷം കുടുംബങ്ങള് ഉള്പ്പെടെ 18.51 ലക്ഷം കുടുംബങ്ങള്ക്കുള്ള അരിവിതരണമാണ് കഴിഞ്ഞമാസം പാളിയത്. റേഷന്കടകളില് സ്റ്റോക്ക് എത്തിക്കുന്നതില് സിവില്സപ്ലൈസിനുണ്ടായ വീഴ്ചയാണു കാരണം.സംസ്ഥാനത്തെ 92.86 ലക്ഷം കാര്ഡുടമകളില് 74.34 ലക്ഷം പേര്ക്കു മാത്രമാണ് ഒക്ടോബറില് റേഷന് നല്കാനായത്. ശരാശരി 83 ലക്ഷം പേര്ക്ക് അരി നല്കുന്ന സ്ഥാനത്താണിത്. പതിവു വിഹിതത്തിനുപുറമേ പി.എം.ജി.കെ.എ.വൈ. പദ്ധതിപ്രകാരം നല്കുന്ന സൗജന്യറേഷനും കിട്ടാത്തവര് ഏറെയുണ്ട്.ഒക്ടോബറിലെ അരി 25-നുശേഷമാണ് മിക്ക കടകളിലുമെത്തിയത്. ചിലയിടത്ത് പി.എം.ജി.കെ.എ.വൈ. വിഹിതം 31-നുമാണ് എത്തിയത്. ഈ സാഹചര്യത്തില് കഴിഞ്ഞമാസത്തെ വിതരണം നവംബറിലേ...
