Local

Perinthalmanna RadioDate: 25-11-2023പെരിന്തൽമണ്ണ: ഷൊർണൂർ- നിലമ്പൂർ റെയിൽവേ പാതയിൽ നാളെ ഉച്ചയ്ക്ക് 12 മുതൽ വൈകിട്ട് 4 വരെ മെഗാ ബ്ലോക്ക് ഏർപ്പെടുത്തി. ഈ സമയങ്ങളിൽ സർവീസ് നടത്തേണ്ട രണ്ട് ട്രെയിനുകൾ റദ്ദാക്കി. അടിയന്തര റെയിൽ-ട്രാക്ക് നവീകരണത്തിനും വെൽഡിങ് പ്രവൃത്തികൾക്കുമായാണ് മെഗാ ബ്ലോക്ക്. അറ്റകുറ്റപ്പണിക്കായി ദിവസം മുഴുവൻ ട്രാക്ക് അടച്ചിട്ട് ട്രെയിനുകൾ ഒഴിവാക്കുന്നതിനു പകരം ചില ട്രെയിനുകൾ മാത്രം ഒഴിവാക്കി ആ സമയം അറ്റകുറ്റപ്പണി നടത്തുന്ന രീതിയാണിത്. ഉച്ചയ്ക്ക് 2.05 ന് ഷൊർണൂരിൽ നിന്ന് പുറപ്പെട്ട് 3.45 ന് നിലമ്പൂരിൽ എത്തുന്ന 06465 നമ്പർ ട്രെയിനും വൈകിട്ട് 4.10 ന് നിലമ്പൂരിൽ നിന്ന് പുറപ്പെട്ട് രാത്രി 7.25 ന് പാലക്കാട് എത്തുന്ന 06464 ട്രെയിനുമാണ് റദ്ദാക്കിയത്................................................കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശി...

Perinthalmanna RadioDate: 24-11-2023മൊബൈൽ റീചാർജുകൾക്ക് ഫീസ് ഈടാക്കി ഗൂഗിൾ പേ. ഇപ്പോൾ കൺവീനിയൻസ് ഫീസ് എന്ന ഇനത്തിൽ മൂന്നു രൂപയോളമാണ് അധികമായി ഈടാക്കിത്തുടങ്ങിയിരിക്കുന്നത്. വർഷങ്ങളോളം ഉപയോക്താക്കളെ പ്രീപെയ്ഡ് പ്ലാൻ റീചാർജ് ചെയ്യാനും അധിക ചെലവില്ലാതെ ബില്ലുകൾ അടയ്ക്കാനും അനുവദിച്ചതിന് ശേഷമാണ് ഗൂഗിൾ പേ പുതിയ മാറ്റം കൊണ്ടു വരുന്നത്.ഗൂഗിൾ പേ റീച്ചാർജുകൾക്ക് ഫീസ് ഈടാക്കുന്നുണ്ട് എന്ന് ഒരു യൂസർ വെളിപ്പെടുത്തി. ഇതിന് പിന്നാലെയാണ് ഇക്കാര്യം പലരുടെയും ശ്രദ്ധയിൽപ്പെട്ടിരിക്കുന്നത്. കൺവീനിയൻസ് ഫീസ് ജിഎസ്ടി ഉൾപ്പെടെയുള്ളതാണെന്ന് സ്‌ക്രീൻഷോട്ടിൽ വ്യക്തമാണ്. എന്നാൽ ഗൂഗിൾ ഇത് സംബന്ധിച്ച് ഔദ്യോഗികമായി പ്രഖ്യാപനം ഒന്നും നടത്തിയിട്ടില്ല.നൂറ് രൂപ വരെ ചെലവ് വരുന്ന റീച്ചാർജുകൾക്ക് അ‌ധിക ഫീസ് നൽകേണ്ടതില്ല. 101 രൂപ മുതൽ 200 രൂപ വരെയുള്ള തുകയുടെ റീച്ചാർജുകൾക്ക് 2 രൂപ ഫീസ് നൽകണം. 301 രൂപയ്ക്ക് മുക...

Perinthalmanna RadioDate: 24-11-2023നവംബര്‍ 30ന് മുഖ്യമന്ത്രി പിണറായി വിജയനും മന്ത്രിമാരും പങ്കെടുക്കുന്ന നവ കേരള സദസ്സ് പെരിന്തല്‍മണ്ണയില്‍ നടക്കാനിരിക്കെ മുഖ്യമന്ത്രിയുടെ ശ്രദ്ധയില്‍പ്പെടുത്താൻ  പെരിന്തൽമണ്ണയിലെ ചില വികസന പ്രശ്നങ്ങൾ ഇതാ പെരിന്തൽമണ്ണ റേഡിയോ ചൂണ്ടിക്കാണിക്കുന്നുപെരിന്തൽമണ്ണ : 'ജില്ലാ ആശുപത്രിയെന്നത് ബോർഡിൽ മാത്രമേയുള്ളു. പെരിന്തൽമണ്ണയിലേത് താലൂക്ക് ആശുപത്രി തന്നെ'  മുൻപ് സംസ്ഥാനത്തെ ആരോഗ്യമന്ത്രി പെരിന്തൽമണ്ണ ജില്ലാ ആശുപത്രിയെ കുറിച്ച് നിയമസഭയിൽ നടത്തിയ പ്രസ്താവന ആണിത്. ജില്ലാ ആശുപത്രിയുടെ ശോച്യാവസ്‌ഥ സംബന്ധിച്ച് എംഎൽഎ ഉന്നയിച്ച ചോദ്യത്തിനുള്ള മറുപടിയായിരുന്നു ഇത്.2014 ൽ അന്നത്തെ യുഡിഎ ഫ് സർക്കാരാണ് പെരിന്തൽമണ്ണയിലെ താലൂക്ക് ആശുപത്രി ജില്ലാ ആശുപത്രിയായി ഉയർത്തിയത്. എന്നാൽ പദവി ഉയർത്തി ബോർഡ് മാറ്റി സ്ഥാപിച്ചതല്ലാതെ ജില്ലാ ആശുപത്രിക്ക് വേണ്ട ഒരു സൗ...

Perinthalmanna RadioDate: 24-11-2023പെരിന്തൽമണ്ണ നിയമസഭാ തെരഞ്ഞെടുപ്പിലെ വോട്ടെണ്ണലിന്റെ വീഡിയോ ദൃശ്യങ്ങൾ ഹാജരാക്കാൻ ഹൈക്കോടതി ഉത്തരവിട്ടു. വരണാധികാരിയായിരുന്ന ജില്ലാ കലക്ടർക്കാണ് ജസ്റ്റിസ് സി എസ് സുധയുടെ നിർദേശം. നജീബ് കാന്തപുരം എംഎൽഎയുടെ തെരഞ്ഞെടുപ്പ് ചോദ്യം ചെയ്ത് ഇടതുമുന്നണി സ്ഥാനാർഥിയായിരുന്ന മുഹമ്മദ് മുസ്തഫ നൽകിയ അപേക്ഷയിലാണ് കോടതി നിർദേശംകോവിഡ് രോഗികളുടേതടക്കം കിട്ടിയ 348 വോട്ടുകൾ വരണാധികാരി നിരസിച്ചത് നിയമ വിരുദ്ധമാണെന്നും നടപടികളുടെ വീഡിയോ ദൃശ്യങ്ങൾ ഹാജരാക്കണമെന്നുമാണ്‌ ഹർജിക്കാരന്റെ ആവശ്യം. അതേ സമയം, കോടതിയിലുള്ള രേഖകൾ തുറന്നു പരിശോധിക്കരുതെന്ന നജീബ് കാന്തപുരത്തിന്റെ ആവശ്യം കോടതി തള്ളി. തെരഞ്ഞെടുപ്പ് ഹർജിയിൽ പരാമർശിക്കാത്ത രേഖകൾ കോടതി പരിശോധിക്കരുത്‌ എന്നാണ്‌ ആവശ്യപ്പെട്ടത്‌. രേഖകൾ ഹൈക്കോടതി പരിശോധിച്ചെന്നും തെരഞ്ഞെടുപ്പ് ഹർജി നിയമാനുസൃതമാണെന്ന് സുപ്രീംകോടതി വ്യക്തമാ...

Perinthalmanna RadioDate: 24-11-2023കരിപ്പൂർ ∙ കോഴിക്കോട് വിമാനത്താവളം വലിയ വിമാന സർവീസുകൾക്കു സജ്ജമാണെന്നും ഉടൻ വലിയ വിമാന സർവീസുകൾ തിരിച്ചെത്തിക്കാനുള്ള നടപടി സ്വീകരിക്കണമെന്നും വിമാനത്താവള ഉപദേശക സമിതി ആവശ്യപ്പെട്ടു. 2020 ഓഗസ്റ്റ് 7ന് ഉണ്ടായ വിമാനാപകടത്തെ തുടർന്നാണ് വലിയ വിമാനങ്ങൾക്ക് വിലക്ക് ഏർപ്പെടുത്തിയത്. എന്നാൽ, അപകടത്തിൽ പെട്ടത് ചെറുവിമാനമാണെന്നും അപകട കാരണം വിമാനത്താവളത്തിന്റെ പരിമിതികളല്ലെന്ന് അന്വേഷണ റിപ്പോർട്ടിൽ വ്യക്തമാക്കിയിട്ടുണ്ടെന്നും യോഗം വിലയിരുത്തി. റൺവേ റീ കാർപറ്റിങ് പൂർത്തിയായ വിമാനത്താവളം വലിയ വിമാനങ്ങൾക്ക് അനുയോജ്യമാണെന്നും റെസ (റൺവേ എൻഡ് സേഫ്റ്റി ഏരിയ) വികസനം പൂർത്തിയാകുംവരെ കാത്തിരിക്കേണ്ട സാഹചര്യമില്ലെന്നും യോഗം ചൂണ്ടിക്കാട്ടി. കൂടുതൽ രാജ്യാന്തര, ആഭ്യന്തര സർവീസുകൾ ആരംഭിക്കണമെന്നും യോഗം ആവശ്യപ്പെട്ടു. വിമാനത്താവള വികസനത്തിനു സ്ഥലം വിട്ടുനൽകിയ പ്...

Perinthalmanna RadioDate: 24-11-2023പെരിന്തൽമണ്ണ : ജോലിക്കിടെ ബസിൽ നിന്ന് വീണു പരിക്കേറ്റ് മരിച്ച സഹ പ്രവർത്തകന്റെ കുടുംബത്തിന് കൈത്താങ്ങായി നടത്തിയ സ്വകാര്യ ബസുകളുടെ കാരുണ്യയാത്ര സമാപിച്ചു. മൂന്നു ദിവസങ്ങളിലായി നടത്തിയ കാരുണ്യ യാത്രയുടെ ഭാഗമായത് പെരിന്തൽമണ്ണ ഏരിയയിലെ 71 ബസുകളാണ്. സമാപന ദിവസമായ വ്യാഴാഴ്ച 34 ബസുകളാണ് ഇന്ധനച്ചെലവ് മാത്രമെടുത്ത് ബാക്കി തുക സഹായ നിധിയിലേക്ക് നൽകി സർവീസ് നടത്തിയത്. ബസിലെ ജീവനക്കാരും വേതനം സഹായ നിധിയിലേക്ക് നൽകി സേവനവുമായി കൂടെച്ചേർന്നു. അറ്റകുറ്റപ്പണികളാൽ ഓടാതിരുന്ന ഒരു ബസ് വെള്ളിയാഴ്ച കാരുണ്യയാത്ര നടത്തും. വ്യാഴാഴ്ച മലപ്പുറം-മഞ്ചേരി, അരക്കുപറമ്പ്-വെട്ടത്തൂർ, വളപുരം- പെരിന്തൽമണ്ണ, പട്ടാമ്പി-പെരിന്തൽമണ്ണ, മഞ്ചേരി-പെരിന്തൽമണ്ണ റൂട്ടിലെ ബസുകളാണ് കാരുണ്യ യാത്രയിൽ പങ്കെടുത്തത്. 21-ന് വിവിധ റൂട്ടുകളിലെ 29 ബസുകളും 22-ന് കോഴിക്കോട്-പാലക്കാട് റൂട്ടിലെ എട്ട് ബസു...

Perinthalmanna RadioDate: 24-11-2023അങ്ങാടിപ്പുറം: വെള്ള, നീല, ഇളം ചുവപ്പു നിറങ്ങളിലുള്ള റെയിൽവേ സ്‌റ്റേഷൻ ബോർഡുകളെന്ന നീക്കം റെയിൽവേ ഉപേക്ഷിച്ചു. കാലാവസ്ഥ‌ാ വ്യതിയാനങ്ങളിലും ദൂരക്കാഴ്ച സാധ്യമാക്കുന്ന, മഞ്ഞ പ്രതലത്തിൽ കറുത്ത അക്ഷരങ്ങളുള്ള ബോർഡുകൾ ഒഴിവാക്കേണ്ടതില്ല എന്നാണു തീരുമാനം.അമൃത് ഭാരത് സ്‌റ്റേഷൻ പദ്ധതിയുടെ ഭാഗമായി നവീകരിക്കുന്ന റെയിൽവേ സ്‌റ്റേഷനുകളിൽ ഇനി കാഴ്ചപരിമിതർക്കുള്ള ബ്രെയ്ലി ബോർഡുകൾ കൂടി ഏർപ്പെടുത്തും.ടിക്കറ്റ് കൗണ്ടറുകൾ, വിശ്രമ മുറികൾ, ശുചി മുറികൾ തുടങ്ങിയവയുടെ ബോർഡുകൾ തൊട്ടറിഞ്ഞ് യാത്ര ചെയ്യാനുള്ള സൗകര്യമാണ് ഏർപ്പെടുത്തുന്നത്.റെയിൽവേ ‌സ്റ്റേഷനുകളിൽ സ്‌ഥലം പാഴാക്കുന്ന അനാവശ്യ നിർമിതികൾ ഒഴിവാക്കി സൗകര്യം വർധിപ്പിക്കുന്നതിന് പരിഗണന നൽകും. സ്റ്റേഷന് ഉൾവശം നിറക്കൂട്ടു കൊണ്ടു മനോഹരമാക്കാം. വിമാന താവള മാതൃകയിൽ റെയിൽവേ സ്റ്റേഷനുകൾ വികസിപ്പിക്കുന്ന പദ്ധതികളാണ് ...

Perinthalmanna RadioDate: 23-11-2023സംസ്ഥാനത്ത് റേഷൻ സാധനങ്ങൾ കയറ്റിപ്പോകുന്ന 1700ൽ പരം വാഹനങ്ങൾ ഒടുവിൽ ജിപിഎസ് ഘടിപ്പിച്ച വെഹിക്കിൾ ട്രാക്കിങ് ആൻഡ് ഫ്ലീറ്റ് മാനേജ്മെന്റ് (വിടിഎഫ്എംഎസ്) സോഫ്റ്റ്‌വെയറിന്റെ നിരീക്ഷണത്തിലായി. ഇതു കൃത്യമായി നടപ്പാക്കിയാൽ മാത്രമേ ഒക്ടോബർ മുതൽ റേഷൻ സാധനങ്ങളുടെ ട്രാൻസ്പോർട്ട് ചെലവ് നൽകൂ എന്നു കേന്ദ്ര ഭക്ഷ്യമന്ത്രാലയം അറിയിച്ച സാഹചര്യത്തിലാണിത്.സെപ്റ്റംബറിൽ കേരളം സന്ദർശിച്ച കേന്ദ്ര ഭക്ഷ്യ സെക്രട്ടറി സഞ്ജീവ് ചോപ്ര സംസ്ഥാനത്തെ ഉദ്യോഗസ്ഥരുമായി നടത്തിയ ചർച്ചയിലും ഇക്കാര്യം ആവശ്യപ്പെട്ടിരുന്നു. പിന്നാലെ, കേന്ദ്രം സംസ്ഥാനത്തിനു കത്തെഴുതിയത്.ഗോഡൗണുകളിൽ നിന്നു റേഷൻ കടകളിലേക്കു സാധനങ്ങളുടെ ‘വാതിൽപ്പടി’ വിതരണച്ചുമതലയുള്ള സപ്ലൈകോയ്ക്കാണ് വിടിഎഫ്എംഎസ് നിരീക്ഷണച്ചുമതല. വാഹനങ്ങൾ സ്വകാര്യ ഗോഡൗണുകളിലേക്കു ‘വഴിമാറി’ സഞ്ചരിച്ച് സാധനങ്ങളിൽ തിരിമറി നടത്തുന്നതു തടയുകയ...

Perinthalmanna RadioDate: 23-11-2023കരിപ്പൂര്‍: നിപ പശ്ചാത്തലത്തിൽ കരിപ്പൂർ വിമാനത്താവളത്തിൽ പഴം, പച്ചക്കറി കയറ്റുമതിക്ക് ഏർപ്പെടുത്തിയ നിയന്ത്രണം എടുത്തു മാറ്റി. കരിപ്പൂരിൽ നിന്നും കയറ്റുമതി ചെയ്യുന്ന വസ്തുക്കൾക്കും നിപ ഫ്രീ സർട്ടിഫിക്കറ്റ് നൽകും.കോഴിക്കോട് നിപ സ്ഥിരീകരിച്ചതിന് പിന്നാലെയാണ് പഴം, പച്ചക്കറി കയറ്റുമതിക്ക് നിയന്ത്രണം വന്നത്. നിപ റിപ്പോർട്ട് ചെയ്ത പ്രദേശത്തോട് ഏറ്റവും അടുത്ത് നിൽക്കുന്ന കണ്ണൂർ വിമാനത്താവളത്തിനു പോലും ഇളവ് നൽകി. നിപ ഭീതി ഒഴിഞ്ഞ് മാസങ്ങൾ കഴിഞ്ഞിട്ടും കരിപ്പൂരിൽ നിയന്ത്രണം തുടരുകയായിരുന്നു.മറ്റ് വിമാന താവളങ്ങളിൽ നിന്നുള്ള നിപ ഫ്രീ സർട്ടിഫിക്കറ്റ് ഹാജരാക്കിയാണ് കയറ്റുമതി നടത്തിയിരുന്നത്. കരിപ്പൂരിലെ ഈ കയറ്റുമതി പ്രതിസന്ധി പെരിന്തൽമണ്ണ റേഡിയോ ഉൾപ്പെടെയുള്ള മാധ്യമങ്ങൾ റിപ്പോർട്ട് ചെയ്തിരുന്നു. ആരോഗ്യ വകുപ്പ് അഡീഷണൽ സെക്രട്ടറി ഇറക്കിയ ഉത്തരവ് പ്രകാരം...

Perinthalmanna RadioDate: 23-11-2023കൊവിഡിന് ശേഷം ചൈന മറ്റൊരു പകര്‍ച്ചവ്യാധി ഭീഷണിയെ നേരിടുകയാണ്. നിഗൂഢ ന്യൂമോണിയ (മിസ്റ്ററി ന്യൂമോണിയ) രോഗം കുട്ടികളിലാണ് പടര്‍ന്നു പിടിക്കുന്നത്. ആശുപത്രികള്‍ കുട്ടികളാല്‍ നിറഞ്ഞിരിക്കുന്നുവെന്നാണ് റിപ്പോര്‍ട്ട്. മറ്റൊരു മഹാമാരിയാകുമോ ഇത് എന്ന ആശങ്ക ആരോഗ്യ വിദഗ്ധര്‍ക്കുണ്ട്. ലോകാരോഗ്യ സംഘടന രോഗത്തെ കുറിച്ച് ചൈനയോട് വിശദമായ റിപ്പോര്‍ട്ട് തേടിയിട്ടുണ്ട്.ചൈനയിൽ ശ്വാസകോശ സംബന്ധമായ അസുഖങ്ങൾ വർദ്ധിക്കുന്നതായി നവംബർ 13 ന് നടത്തിയ വാര്‍ത്താ സമ്മേളനത്തിൽ ദേശീയ ആരോഗ്യ കമ്മീഷന്‍ അംഗങ്ങള്‍ വ്യക്തമാക്കിയിരുന്നു. കൊവിഡ് നിയന്ത്രണങ്ങള്‍ പിന്‍വലിച്ചതാണ് ഇതിനുള്ള ഒരു കാരണമായി ചൈനീസ് അധികൃതര്‍ ചൂണ്ടിക്കാട്ടിയത്. നിരീക്ഷണ സംവിധാനം ശക്തിപ്പെടുത്തേണ്ടതുണ്ടെന്നും കൂടുതല്‍ രോഗികളെ ഉള്‍ക്കൊള്ളാന്‍ കഴിയും വിധം ആശുപത്രി സംവിധാനങ്ങള്‍ വികസിപ്പിക്കണമെന്നും  ചൈനീസ് അ...