Local

Perinthalmanna RadioDate: 21-11-2023പെരിന്തൽമണ്ണ: ബസിൽ നിന്ന് വീണു മരിച്ച  സഹ പ്രവർത്തകന്റെ കുടുംബത്തെ സഹായിക്കാൻ സ്വകാര്യ ബസുകളുടെ 3 ദിവസത്തെ കാരുണ്യ യാത്ര തുടങ്ങി. നാട്ടുകൽ 53 മണലുംപുറത്തെ തലയപ്പാടിയൻ ഫൈസൽ ബാബു(38) കഴിഞ്ഞ 14ന് രാവിലെ പെരിന്തൽമണ്ണ–പട്ടാമ്പി റോഡിൽ വച്ചാണ് ബസിൽ നിന്ന് താഴെ വീണത്.  ഗുരുതര പരുക്കുകളോടെ ആശുപത്രിയിൽ ചികിത്സയിലിരിക്കെ 15 ന് പുലർച്ചെ മരിച്ചു. ബസു‌ടമകളും തൊഴിലാളികളും ചേർന്നാണ് സഹായ പദ്ധതി ഒരുക്കുന്നത്. ഫൈസൽ ബാബുവിന്റെ കുടുംബത്തിന് താങ്ങാവാൻ ഇന്നലെ 30 ബസുകളാണ് കാരുണ്യ യാത്ര നടത്തിയത്. ബസുകളിൽ ബക്കറ്റുമായാണ് കണ്ടക്‌ടർ യാത്രക്കാരുടെ മുന്നിലെത്തിയത്. അറിയാത്തവർക്കായി കാര്യം വിശദീകരിച്ചു. യാത്രക്കാർ മിക്കവരും ബസ് ജീവനക്കാരുടെ നല്ല മനസ്സിനെ അഭിനന്ദിച്ച് നന്മയുടെ ഭാഗമായി പണം നൽകി. ഇതിനു പുറമേ ബസ് സ്‌റ്റാൻഡുകളിലും ബസ് ജീവനക്കാർ ബക...

Perinthalmanna RadioDate: 21-11-2023മേലാറ്റൂർ: പുഴയിൽ യഥേഷ്ടം വെള്ളമുണ്ടെങ്കിലും സമീപത്തെ കുടിവെള്ള പദ്ധതിയുടെ കിണറ്റിൽ നിന്ന് കുടിവെള്ളം കിട്ടാൻ ഗുണഭോക്താക്കൾ ഇനി പത്തു ദിവസത്തോളം കാത്തിരിക്കേണ്ടിവരും. മോട്ടോർ കത്തിയതിനെ തുടർന്ന് പമ്പിങ് മുടങ്ങിയതാണ് കാരണം. മേലാറ്റൂർ ശുദ്ധജല വിതരണ പദ്ധതിയെ ആശ്രയിക്കുന്ന ഗുണഭോക്താക്കൾക്കാണ് ഈ ദുർഗതി. പ്രദേശത്തെ കുടിവെള്ളവിതരണം ഒരാഴ്ചത്തേക്കു മുടങ്ങും.ഒരു മാസം മുൻപും മോട്ടോർ കത്തിയതിനാൽ ദിവസങ്ങളോളം കുടിവെള്ളവിതരണം മുടങ്ങിയിരുന്നു. അതു നന്നാക്കി പ്രവർത്തനം പുനരാരംഭിച്ചിട്ട് ദിവസങ്ങൾ മാത്രമേ ആയിട്ടുള്ളൂ. ശനിയാഴ്ചയാണ് മോട്ടോർ വീണ്ടും കത്തിയത്. വെള്ളിയാറിന്റെ തീരത്തുള്ള കിണറ്റിൽനിന്ന് വില്ലേജ് ഓഫീസ് വളപ്പിലുള്ള സംഭരണയിലേക്ക് വെള്ളം പമ്പു ചെയ്ത് എത്തിച്ചാണ് വിതരണം നടത്തുന്നത്.പുത്തൻകുളം, പുല്ലിക്കുത്ത്, ചെമ്മാണിയോട്, വലിയപറമ്പ്, മേലാറ്റൂർ ടൗൺ തു...

Perinthalmanna RadioDate: 20-11-2023അങ്ങാടിപ്പുറം: വര്‍ഷങ്ങളായി തകര്‍ന്നുകിടക്കുന്ന അങ്ങാടിപ്പുറം വളാഞ്ചേരി റോഡിന് ശാപമോക്ഷമാകുന്നു. ഈ റോഡിലെ രണ്ടാംഘട്ട ടാറിംഗ് പ്രവൃത്തികള്‍ ഉടനുണ്ടാകുമെന്നും രണ്ടു ദിവസത്തിനുള്ളില്‍ നടപടിക്രമങ്ങള്‍ ആരംഭിക്കുമെന്നും മഞ്ഞളാംകുഴി അലി എംഎല്‍എ പറഞ്ഞു.ഫയല്‍ നമ്പര്‍ കിട്ടാനുള്ള കാല താമസമായിരുന്നു പുത്തനങ്ങാടി മുതല്‍ മാലാപറമ്പ് ജാറം വരെയുള്ള റോഡിന്റെ ടാറിംഗ് വൈകാനുള്ള കാരണമെന്നും അത് ലഭിച്ചുവെന്നും എംഎല്‍എ പറഞ്ഞു. അങ്ങാടിപ്പുറം മുതല്‍ വെങ്ങാട് വരെയുള്ള റോഡാണ് വര്‍ഷങ്ങളായി തകര്‍ച്ച നേരിട്ടു റീ ടാറിംഗ് നടത്താതെ കിടക്കുന്നത്.18 കോടി രൂപയാണ് അങ്ങാടിപ്പുറം മുതല്‍ വെങ്ങാട് വരെ റോഡ് നവീകരിക്കാന്‍ വേണ്ട തുക. ഇതില്‍ എട്ടുകോടി മാത്രമാണ് പാസായത്. അതില്‍ തന്നെ മൂന്നു കോടിരൂപയുടെ നവീകരണ പ്രവൃത്തികള്‍ അങ്ങാടിപ്പുറം മുതല്‍ പുത്തനങ്ങാടി വരെ നടത്തിയിരുന്നുവെങ്കില...

Perinthalmanna RadioDate: 21-11-2023പെരിന്തൽമണ്ണ : നഗരസഭയിൽ ഉപഭോക്താക്കൾക്ക് സൗജന്യ കുടിവെള്ള കണക്‌ഷൻ നൽകുന്ന അമൃത് 2.0 പദ്ധതി തുടങ്ങുന്നു. 10.33 കോടി രൂപയാണ് ഇതിനു വകയിരുത്തിയിട്ടുള്ളത്.18 കിലോമീറ്റർ പൈപ്പുകൾ ബലപ്പെടുത്തലും 10 കിലോമീറ്റർ പൈപ്പ് നീട്ടലും പദ്ധതിയുടെ ഭാഗമായി നടക്കും. 3000 ഗാർഹിക കണക്‌ഷനുകൾ നൽകാനാകും. നഗരസഭയിലെ ബി.പി.എൽ., എസ്.സി., വിധവ കുടുംബങ്ങൾക്കാണ് ആദ്യഘട്ടത്തിൽ കണക്‌ഷൻ ലഭ്യമാകുക.ഗുണഭോക്താക്കൾക്ക് കൗൺസിലർമാരിൽനിന്നും നഗരസഭാ ഓഫീസ് മുഖാന്തരവും അപേക്ഷകൾ ലഭിക്കും. ഒന്നുമുതൽ 17 വരെയുള്ള വാർഡുകളിലെ അപേക്ഷ 27-നും 18 മുതൽ 34 വരെയുള്ള വാർഡുകളിലെ അപേക്ഷ 28-നും നഗരസഭയിൽ പ്രത്യേകം തയ്യാറാക്കിയ കൗണ്ടറിൽ നേരിട്ടെത്തി ഗുണഭോക്താക്കൾ നൽകണം. ഉടമസ്ഥാവകാശ സർട്ടിഫിക്കറ്റ്, റേഷൻകാർഡ് പകർപ്പ്, ആധാർ കാർഡ് പകർപ്പ് എന്നിവ അപേക്ഷയ്ക്കൊപ്പം സമർപ്പിക്കണം.....................................

Perinthalmanna RadioDate: 20-11-2023കെഎസ്ആർടിസിയി ജീവനക്കാരുടെ യൂണിഫോം കാക്കിയിലേക്ക് മാറും. വിവിധ വിഭാഗം ജീവനക്കാരുടെ യൂണിഫോം പരിഷ്ക്കരിച്ച് ഉത്തരവിറക്കി. ഡ്രൈവര്‍ക്കും കണ്ടക്ടര്‍ക്കും ഇന്‍സ്പെക്ടര്‍ക്കും വീണ്ടും കാക്കി വേഷമാകും. പുരുഷ ജീവനക്കാർക്ക് കാക്കി നിറത്തിലുള്ള പാന്‍സും, ഒരു പോക്കറ്റുളള ഹാഫ് സ്ലീവ് ഷർട്ടും (പോക്കറ്റിൽ കെഎസ്ആർടിസി എംബ്ലം), വനിതാ ജീവനക്കാർക്ക് കാക്കി നിറത്തിലുള്ള ചുരിദാറും, സ്ലീവ്ലെസ്സ് ഓവർകോട്ടും ആയിരിക്കും വേഷം.മെക്കാനിക്കല്‍ ജീവനക്കാര്‍ക്ക് നേവി ബ്ലൂ യൂണിഫോം ആയിരിക്കും.പരിഷ്ക്കാരം ഉടൻ നടപ്പാക്കും. 60,000 മീറ്റർ തുണി കേരള ടെക്സ്റ്റൈൽ കോർപറേഷൻ കൈമാറിനിലവില്‍ കണ്ടക്ടര്‍മാരുടെയും ഡ്രൈവര്‍മാരുടെയും യൂണിഫോം നീല ഷര്‍ട്ടും കടും നീല പാന്‍റുമാണ്. മെക്കാനിക്കല്‍ ജീവനക്കാര്‍ക്ക് ചാര നിറവും ഇന്‍സ്പെക്ടര്‍മാരുടേത് മങ്ങിയ വെള്ള ഷര്‍ട്ടും കറുത്ത പാന്‍റുമാണ് ഇപ്പ...

Perinthalmanna RadioDate: 20-11-2023സംസ്ഥാനത്ത് അടുത്ത അഞ്ച് ദിവസം ശക്തമായ മഴയ്ക്കുള്ള സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ്. 24-ാം വരെ വിവിധ ജില്ലകളില്‍ മഞ്ഞ അലര്‍ട്ട് പ്രഖ്യാപിച്ചിട്ടുണ്ട്. നാളെ എറണാകുളം, ഇടുക്കി, പാലക്കാട്, മലപ്പുറം ജില്ലകളിലാണ് മഞ്ഞ അലര്‍ട്ട് പ്രഖ്യാപിച്ചിട്ടുള്ളത്. 22ന് തിരുവനന്തപുരം, പത്തനംതിട്ട, ഇടുക്കി, മലപ്പുറം ജില്ലകളിലും 23നും 24നും പത്തനംതിട്ട, എറണാകുളം, ഇടുക്കി, മലപ്പുറം ജില്ലകളിലുമാണ് മഞ്ഞ അലര്‍ട്ട്.ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. മഞ്ഞ അലര്‍ട്ട് ആണ് നല്‍കിയിരിക്കുന്നതെങ്കിലും ഓറഞ്ച് അലര്‍ട്ടിന് സമാനമായ മഴയ്ക്ക് സാധ്യത ഉള്ളതിനാല്‍ പ്രത്യേക ജാഗ്രത പുലര്‍ത്തണമെന്ന് കാലാവസ്ഥ വകുപ്പ് അറിയിച്ചു. മഞ്ഞ അലര്‍ട്ട് പ്രഖ്യാപിച്ച സാഹചര്യത്തില്‍ മഴ ശക്തമാകാന്‍ സാധ്യതയുള്ള മലയോര മേഖലകളില്‍ അതീവ ജാഗ്രത പുലര്‍ത്തേണ്ടതാണെന്നു...

Perinthalmanna RadioDate: 20-11-2023തിരുവനന്തപുരം: റോഡപകടങ്ങളുടെ എണ്ണത്തിൽ കേരളം മൂന്നാം സ്ഥാനത്തേക്ക്‌. കേന്ദ്ര ഉപരിതല ഗതാഗത മന്ത്രാലയം പ്രസിദ്ധീകരിച്ച 2022-ലെ റോഡ് ആക്സിഡന്റ് വിവരപ്പട്ടികയിലാണ് സംസ്ഥാനം ഉത്തർപ്രദേശിനെയും കർണാടകത്തെയും പിൻതള്ളി മുന്നിലെത്തിയത്.സംസ്ഥാനത്ത് എ.ഐ. ക്യാമറകൾ ഘടിപ്പിക്കുന്നതിന് മുമ്പുള്ള വിവരങ്ങളാണ് കണക്കുകൾക്ക് അടിസ്ഥാനം. 2023 ജൂണിനുശേഷം കേരളത്തിൽ വാഹനാപകട മരണനിരക്ക് കുറഞ്ഞുവെന്നാണ് സർക്കാരിന്റെ കണക്ക്.2022-ൽ സംസ്ഥാനത്ത് 43,910 അപകടങ്ങളുണ്ടായപ്പോൾ 2021-ൽ അത് 37,729 ആയിരുന്നു. 64,105 വാഹനാപകടങ്ങൾ നടന്ന തമിഴ്‌നാടാണ് ഒന്നാം സ്ഥാനത്തുള്ളത്. മധ്യപ്രദേശ് രണ്ടാം സ്ഥാനത്തുണ്ട്. 54,432. 2019 മുതൽ രാജ്യത്തെ വാഹനാപകടങ്ങളിൽ തമിഴ്‌നാട് മുന്നിലാണ്. 2019 മുതലുള്ള കണക്കുകൾ പരിശോധിച്ചാൽ കേരളം സ്ഥിരമായി അഞ്ചാം സ്ഥാനത്തായിരുന്നു. അതേസമയം 2022-ൽ അപകടമരണത്തിൽ സംസ്ഥ...

Perinthalmanna RadioDate: 20-11-2023പെരിന്തൽമണ്ണ: ബസിൽ നിന്ന് വീണു മരിച്ച സ്വകാര്യ ബസ് കണ്ടക്‌ടറുടെ കുടുംബത്തെ സഹായിക്കാൻ കാരുണ്യ യാത്രയ്ക്കൊരുങ്ങി 70 സ്വകാര്യ ബസുകൾ. 3 ദിവസങ്ങളിലായാണ് ഇത്രയും ബസുകൾ സർവീസ് നടത്തുക. നാട്ടുകൽ 53 മണലുംപുറത്തെ തലയപ്പാടിയൻ ഫൈസൽ ബാബു(38) കഴിഞ്ഞ 14ന് രാവിലെ പെരിന്തൽമണ്ണ–പട്ടാമ്പി റോഡിൽ വച്ചാണ് ബസിൽ നിന്ന് താഴെ വീണത്.  ഗുരുതര പരുക്കുകളോടെ ആശുപത്രിയിൽ ചികിത്സയിലിരിക്കെ 15ന് പുലർച്ചെ മരിച്ചു. ഫൈസൽ ബാബുവിന്റെ കുടുംബത്തിനു താങ്ങാകാൻ ഇന്ന് 30 ബസുകളാണ് കാരുണ്യ യാത്ര നടത്തുക. 23നും 25നുമായി 40 ബസുകൾ കാരുണ്യ വഴിയിൽ സർവീസ് നടത്തും. ഇന്ന് പെരിന്തൽമണ്ണ – ആലിപ്പറമ്പ്– കാമ്പ്രം, മുറിയങ്കണ്ണി – ചെത്തല്ലൂർ– പാറക്കണ്ണി, മണ്ണാർക്കാട്– പെരിന്തൽമണ്ണ, പുത്തൂർ– അലനല്ലൂർ, ചാമപ്പറമ്പ്, പെരിന്തൽമണ്ണ– മലപ്പുറം, വലമ്പൂർ എന്നീ റൂട്ടുകളിലോടുന്ന ബസുകളാണ് പങ്കാളികളാകുന്നത്. ...

Perinthalmanna RadioDate: 20-11-2023പെരിന്തൽമണ്ണ: രണ്ട് പാനലുകളിലായി യുഡിഎഫ് ചേരിതിരിഞ്ഞു മത്സരിച്ച പെരിന്തൽമണ്ണ സർവീസ് സഹകരണ ബാങ്ക് തിരഞ്ഞെടുപ്പിൽ മുൻ ബാങ്ക് പ്രസിഡന്റും നഗരസഭാംഗവുമായ പച്ചീരി ഫാറൂഖിൻ്റെ നേതൃത്വത്തിലുള്ള പാനലിന് വിജയം.മുസ്ലിം ലീഗ് ജില്ലാ സെക്രട്ടറിയും മുൻ ബാങ്ക് ഡയറക്ടറുമായ താമരത്ത് ഉസ്മാൻ നേതൃത്വം നൽകിയ പാനലിലെ മുഴുവൻ പേരും പരാജയപ്പെട്ടു. 19257 വോട്ടർമാരിൽ 5522 പേരാണ് വോട്ട് രേഖപ്പെടുത്തിയത്. 243 വോട്ടുകൾ അസാധുവായി.പെരിന്തൽമണ്ണ ഗവ.ഗേൾസ് ഹയർ സെക്കൻഡറി സ്കൂ‌ളിലാണ് ഇന്നലെ രാവിലെ മുതൽ വോട്ടെടുപ്പ് നടന്നത്. വോട്ടെണ്ണൽ കേന്ദ്രത്തിന് പുറത്ത് വലിയ തോതിൽ പക്ഷം തിരിഞ്ഞ് യുഡിഎഫ് പ്രവർത്തകർ തടിച്ചുകൂടി.സംഘർഷ സാധ്യത പരിഗണിച്ച് പൊലീസ് സംഘവും സ്ഥലത്ത് ഉണ്ടായിരുന്നു. ഓരോ ബൂത്തിലും 3 കാബിനുകൾ വീതം 14 ബുത്തുകളാണ് വോട്ടടുപ്പിന് ക്രമീകരിച്ചിരുന്നത്2 പാനലുകൾക്കും യുഡി...

Perinthalmanna RadioDate: 19-11-2023ഇന്ത്യയെ തോല്‍പ്പിച്ച് ഓസ്ട്രേലിയ ലോകകപ്പ് ക്രിക്കറ്റ് കിരീടം ചൂടി. ജയിക്കാന്‍ 241 റണ്‍സ് വേണ്ടിയിരുന്ന ഓസ്ട്രേലിയ നാലു വിക്കറ്റ് നഷ്ടത്തില്‍ 43 ഓവറില്‍ ലക്ഷ്യം കണ്ടു. ഓസ്ട്രേലിയയുടെ ആറാം കിരീട നേട്ടമാണിത്.തുടക്കത്തിലെ പതര്‍ച്ചയ്ക്കു ശേഷം ടീമിനെ തിരിച്ചു കൊണ്ടു വന്ന  ട്രാവിസ് ഹെഡിന്റെ സെഞ്ചറിയാണ് ഓസീസ് ജയത്തില്‍ നിര്‍ണായകമായത്. ഹെഡ് 120 പന്തുകളില്‍ നിന്നും 137 റണ്‍സ് നേടി പുറത്തായി. 58 റണ്‍സുമായി ലബുഷെയ്ന്‍ മികച്ച പിന്തുണ നല്‍കി. തുടക്കത്തിലെ തിരിച്ചടിക്കു ശേഷമാണ് ഓസ്ട്രേലിയ പൊരുതിക്കയറിയത്. ഏഴു റണ്‍സെടുത്ത ഡേവിഡ് വാര്‍ണറും 15 റണ്‍സെടുത്ത മിച്ചല്‍ മാര്‍ഷും നാലു റണ്‍സെടുത്ത സ്മിത്തും തുടക്കത്തിലെ പുറത്തായി. ജസ്പ്രീത് ബുംറ രണ്ടു വിക്കറ്റുകളെടുത്തു. മുഹമ്മദ് ഷമിയും സിറാജും ഓരോ വിക്കറ്റുകള്‍ വീതം നേടി.ടോസ് നഷ്ടപ്പെട്ട് ബാറ്റിങ്ങിനിറങ്ങി...