Local

Perinthalmanna RadioDate: 16-11-2023പെരിന്തൽമണ്ണ: നഗരസഭയുടെ 19-ാം വാർഡായ ആനത്താനത്തെ 60 വയസ്സ് കഴിഞ്ഞവരെ പങ്കെടുപ്പിച്ച് നടത്തിയ സ്വർണരാവ് സമാപിച്ചു. കൗൺസിലർ കെ.പി. ഹുസൈൻ റിയാസിന്റെ നേതൃത്വത്തിൽ നടത്തിയ പരിപാടിയിൽ 60 കഴിഞ്ഞ 184 പേരെ ക്ഷണിച്ചതിൽ 130 പേർ പങ്കെടുത്തു. ഇവരെ മഞ്ഞളാംകുഴി അലി എം.എൽ.എ. പൊന്നാടയണിയിച്ച് ഉപഹാരംനൽകി ആദരിച്ചു. കളികളും വർത്തമാനങ്ങളും കലാപരിപാടികളുമായി എല്ലാവർക്കും ആസ്വാദ്യകരമായ പരിപാടി നജീബ് കാന്തപുരം എം.എൽ.എ. ഉദ്ഘാടനംചെയ്തു. പെരിന്തൽമണ്ണ സബ്കളക്ടർ ശ്രീധന്യ സുരേഷ് മുഖ്യാതിഥിയായി.വിശിഷ്ടാതിഥികൾക്ക് രാജാരവിവർമ ദേശീയ പുരസ്‌കാരജേതാവ് അനൂപ് കെ. ടോൺ വരച്ച ചിത്രങ്ങൾ സമ്മാനിച്ചു. സംഗമത്തിനെത്തിയവർക്കായി ആയുർവൈദ്യ മനയുടെ മെഡിക്കൽക്യാമ്പും മാജിക്കൽ എന്റർടെയ്ൻമെന്റ് പരിപാടിയുമുണ്ടായിരുന്നു.കൊളക്കാടൻ അസീസ്, കെ. ജാനകി, ഡോ. ബാബു മുണ്ടേക്കാട്, എ. ആനന്ദമൂർത്തി, എം. വേ...

Perinthalmanna RadioDate: 16-11-2023പെരിന്തൽമണ്ണ : സാഹോദര്യത്തിൽ പൊതിഞ്ഞ ബിരിയാണി പൊതികളുമായി വാഹനങ്ങളും ആളുകളും പലയിടങ്ങളിലേക്കെത്തി. വൃക്കകൾ തകരാറിലായ നാട്ടുകാരിക്ക് ചികിത്സാ സഹായത്തിനായുള്ള തുക കണ്ടെത്തുകയായിരുന്നു ലക്ഷ്യം. സ്‌കൂളുകളും കോളേജുകളും സ്വകാര്യ സ്ഥാപനങ്ങളും ബിരിയാണി വാങ്ങി സഹായിച്ചു.പെരിന്തൽമണ്ണ നഗരസഭയിലെ മുട്ടുങ്ങലിലെ ആറ്റുപറമ്പിൽ അനിത(45)യ്ക്കു വേണ്ടിയാണ് ജനകീയ ചികിത്സാ സമിതിയുടെ നേതൃത്വത്തിൽ നാടൊരുമിച്ചത്. ചൊവ്വാഴ്ച രാത്രിയോടെ ബിരിയാണി തയ്യാറാക്കൽ തുടങ്ങി. ബുധനാഴ്ച രാവിലെ ആറു മുതൽ പായ്ക്കറ്റുകളാക്കുന്നതിന് സ്ത്രീകളടക്കം നാട്ടുകാരും വിവിധ ക്ലബ്ബംഗങ്ങളും റെസിഡെൻസ് അസോസിയേഷനുകളും ചേർന്നു.ബിരിയാണി ചലഞ്ചിലൂടെ 15 ലക്ഷം രൂപയാണ് സമിതി ലക്ഷ്യമിട്ടത്. വൃക്ക മാറ്റിവെക്കലിന് 35 ലക്ഷം രൂപയാണ് ചെലവ് കണക്കാക്കുന്നത്. നാട്ടിലെ കൂട്ടായ്‌മകളും സുഹൃദ്സംഘങ്ങളും 15 ലക്ഷത്തോളം ...

Perinthalmanna RadioDate: 15-11-2023മുംബൈ ∙ കഴിഞ്ഞ ലോകകപ്പിന്റെ സെമിയിലേറ്റ പരാജയത്തോട് ന്യൂസീലൻഡിനോട് കണക്കു തീർത്ത് ഇന്ത്യ. അന്ന് ഓൾഡ് ട്രാഫോർഡിലേറ്റ പരാജയത്തിന്റെ പ്രകാരം ഇന്ന് വാങ്കഡെയില്‍ തീർത്തു. സൂപ്പർ താരം വിരാട് കോലിയും ശ്രേയസ് അയ്യരും ബാറ്റിങ്ങിലും പേസർ മുഹമ്മദ് ഷമി ബോളിങ്ങിലും തിളങ്ങിയപ്പോൾ കിവീസിനെതിരെ 70 റണ്‍സിന്റെ തകർപ്പൻ ജയവുമായി ഇന്ത്യ ഫൈനലിൽ പ്രവേശിച്ചു. ഇന്ത്യ ഉയർത്തിയ കൂറ്റൻ വിജയലക്ഷ്യത്തിലേക്ക് ബാറ്റേന്തിയ ന്യൂസീലൻഡിന്റെ മറുപടി 327 റൺസിൽ അവസാനിച്ചു. സ്കോർ: ഇന്ത്യ – 50 ഓവറിൽ 4ന് 397. ന്യൂസീലൻഡ് – 48.5 ഓവറിൽ 327ന് പുറത്ത്.ദീപാവലി കഴിഞ്ഞെങ്കിലും വാങ്കഡെയിലെ കാണികൾക്ക് കാഴ്ചവിരുന്നൊരുക്കാൻ താരങ്ങൾ മത്സരിച്ച ദിനം കൂടിയാണിന്ന്. റെക്കോർഡ് പ്രകടനങ്ങളുമായി വിരാട് കോലിയും മുഹമ്മദ് ഷമിയും നിറഞ്ഞാടിയ മത്സരത്തിൽ ശ്രേയസ് അയ്യരും രോഹിത് ശർമയും, കിവീസ് നിരയിൽ ഡാരില്‍ മിച്ച...

Perinthalmanna RadioDate: 15-11-2023വല്ലപ്പുഴ റെയിൽവേ സ്റ്റേഷൻ സമീപം ട്രെയിൻ പാളം തെറ്റി. പശു ട്രെയിനിനു മുന്നിൽ ചാടിയതാണ് പാളം തെറ്റാൻ കാരണമെന്ന് റയിൽവെ അറിയിച്ചു. നിലമ്പൂരിൽ നിന്ന് പാലക്കാട്ടേക്ക് പോവുകയായിരുന്ന പാസഞ്ചറിൻ്റെ എൻജിനുകളാണ് പാളം തെറ്റിയത്. ആർക്കും പരിക്കില്ല. റയിൽവെ സ്റ്റേഷൻ എത്തുന്നതിന് ഒരു കിലോമീറ്റർ അടുത്താണ് സംഭവം. അപകടത്തെ തുടർന്ന് നിലമ്പൂർ - ഷൊർണൂർ പാതയിൽ ട്രെയിൻ ഗതാഗതം തടസപ്പെട്ടു. ഷൊർണൂർ- നിലമ്പൂർ, നിലമ്പൂർ -ഷൊർണൂർ പാസഞ്ചറുകൾ റദ്ദാക്കി. രാജ്യറാണി എക്സ്പ്രസ് 2 മണിക്കൂർ കഴിഞ്ഞേ പുറപ്പെടൂ. ഉടൻ പ്രശ്നം പരിഹരിക്കുമെന്ന് റയിൽവെ അറിയിച്ചു. ട്രെയിൻ എഞ്ചിൻ മാത്രമാണ് പാളം തെറ്റിയത്. കോച്ചുകൾക്ക് പ്രശ്നമില്ല................................................കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക-----------------------------...

Perinthalmanna RadioDate: 15-11-2023പട്ടിക്കാട്: അറ്റകുറ്റപ്പണി നടക്കുന്നതിനാൽ നിലമ്പൂർ - ഷൊർണ്ണൂർ റെയിൽ പാതയിലെ പട്ടിക്കാട് റെയിൽവേ ഗേറ്റ് നവംബര്‍ 18 (ശനി) രാവിലെ എട്ടു മണി മുതല്‍ വൈകീട്ട് ആറു മണി വരെ അടച്ചിടുമെന്ന് റെയിൽവേ അധികൃതർ അറിയിച്ചു. വാഹനങ്ങൾ പട്ടിക്കാട്- വലമ്പൂര്‍- ഓരാടംപാലം റോഡ് വഴിയും പാണ്ടിക്കാട്- മേലാറ്റൂര്‍- പെരിന്തല്‍മണ്ണ റോഡ് വഴിയും കടന്നു പോകണം................................................കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക----------------------------------------------പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുകhttps://chat.whatsapp.com/EebnOh7UX6U4OzkN4Y860b---------------------------------------------®Perinthalmanna Radioവാർത്തക...

Perinthalmanna RadioDate: 15-11-2023സ്വകാര്യ ബസ്സുകളിൽ സുരക്ഷാ ക്യാമറ നിർബന്ധമാക്കുന്നത് ഹൈക്കോടതി സ്റ്റേ ചെയ്തു. ട്രാൻസ്പോർട്ട് കമ്മീഷണർ ഇറക്കിയ സർക്കുലറാണ് കോടതി സ്റ്റേ ചെയ്തത്. ഈ മാസം ഒന്ന് മുതൽ നിർബന്ധമാക്കിയ നിർദേശത്തിനാണ് സ്റ്റേ. സ്വകാര്യ ഉടമകൾ നൽകിയ ഹർജിയിലാണ് ഹൈക്കോടതിയുടെ ഇടപെടൽ.കേന്ദ്ര നിയമത്തിന് വിരുദ്ധമായാണ് സർക്കുലർ എന്ന് ചൂണ്ടിക്കാട്ടിയാണ് കോടതി സ്റ്റേ അനുവദിച്ചത്. സുരക്ഷാ മാനദണ്ഡങ്ങൾ മുൻനിർത്തിയാണ് തീരുമാനമെന്ന് സർക്കാർ വാദിച്ചെങ്കിലും കോടതി വഴങ്ങിയില്ല. സംസ്ഥാനത്തിന് ഇത്തരത്തിൽ ഒരു തീരുമാനം എടുക്കാനുള്ള അധികാരം ഇല്ലെന്നായിരുന്നു കോടതി വിലയിരുത്തൽ.സ്വകാര്യ ബസ്സുകളുടെ മത്സരയോട്ടം മൂലമുള്ള അപകടസാഹചര്യങ്ങൾ ചർച്ചചെയ്യാൻ കൊച്ചിയിൽ ഗതാഗത മന്ത്രി ആന്റണി രാജു വിളിച്ചുചേർത്ത യോഗത്തിൽ കെ.എസ്.ആർ.ടി.സി. ഉൾപ്പെടെ സംസ്ഥാനത്ത് ഓടുന്ന എല്ലാ ബസ്സുകളിലും ഫെബ്രുവരി 28-ന് മുൻപ്...

Perinthalmanna RadioDate: 15-11-2023കൊളത്തൂർ : പെരിന്തൽമണ്ണ - വളാഞ്ചേരി റൂട്ടിൽ ഓണപ്പുട അങ്ങാടിയിൽ തകർന്ന ഓവുപാലം പുനരുദ്ധാരണ പ്രവർത്തനത്തിനു തുടക്കമായി. ചൊവ്വാഴ്ച രാവിലെയാണ് തകർന്ന പാലത്തിന്റെ ഒരു ഭാഗം പൊളിക്കുന്ന പ്രവൃത്തിക്ക് തുടക്കമായത്. മറു ഭാഗത്ത് കൂടിയാണ് നിലവിൽ വാഹനങ്ങൾ പോകേണ്ടത്. ഇപ്പോൾ പൊളിക്കുന്ന ഭാഗത്ത് ആദ്യം പുനരുദ്ധാരണ പ്രവർത്തനം നടക്കും. പണി പൂർത്തിയാവുന്ന മുറക്ക് മറു ഭാഗവും പൊളിച്ചു പണിയുന്ന നിലയിലാവും പ്രവർത്തനം നടക്കുക. പെരിന്തൽമണ്ണ -വളാഞ്ചേരി, പുലാമന്തോൾ - മലപ്പുറം ഭാഗങ്ങളിലേക്ക് ചെറുതും വലുതുമായ നൂറു കണക്കിന് വാഹനങ്ങൾ കടന്നു പോവുന്ന ഈ ഭാഗത്ത് റോഡ് പാടേ അടച്ചിട്ട് പ്രവൃത്തി നടത്തുന്നത് അപ്രായോഗികമാണ്. കൂടാതെ റൂട്ടിലെ വിദ്യാർഥികളടക്കം സ്ഥിരം യാത്രക്കാർ ഏറെ ബുദ്ധിമുട്ട് നേരിടേണ്ടി വരുമെന്നുമാണ് അധികൃതരുടെ വിലയിരുത്തൽ. 25 ലക്ഷം രൂപ വകയിരുത്തിയാണ് ഓണപ്പുടയിൽ പാലം പു...

Perinthalmanna RadioDate: 15-11-2023ഏകദിന ലോകകപ്പ് സെമിഫൈനലില്‍ ഇന്ത്യ ഇന്ന് ന്യൂസീലന്‍ഡിനെതിരെ. 2019 സെമിയില്‍ മാഞ്ചസ്റ്ററില്‍ ഏറ്റ തോല്‍വിക്ക് മുംൈബയില്‍ കണക്കുതീര്‍ക്കാനാണ് ഇന്ത്യ ഇറങ്ങുന്നത്. ഇന്ത്യന്‍ പ്ലെയിങ് ഇലവനില്‍ മാറ്റങ്ങള്‍ക്ക് സാധ്യതയില്ല.  രണ്ടുമണിക്ക് വാങ്കഡെ സ്റ്റേഡിയത്തിലാണ് മല്‍സരം. മൂന്നാം കിരീടം തേടി ഇന്ത്യയിറങ്ങുമ്പോള്‍ കന്നിക്കിരീടമാണ് ആദ്യ കിരീടത്തിനായി ന്യൂസീലന്‍ഡിന്‍റെ ലക്ഷ്യം.2011ല്‍ കിരീടം നേടിത്തന്ന എംഎസ് ധോണിയുടെ ത്രസിപ്പിച്ച സിക്സറിന്‍റെ ഓര്‍മയുള്ള വാങ്ക‍ഡെ. 2019ല്‍ സെമിയില്‍ ധോനിയെ വീഴ്ത്തി ഇന്ത്യയെ തോല്‍പിച്ച കിവീസ്. മല്‍സരം തീപാറാന്‍ ഇതില്‍ കൂടുതല്‍ എന്ത് വേണം. പ്രാഥമിക ഘട്ടത്തിലെ ഒന്‍പത് മല്‍സരങ്ങളും ജയിച്ച് ആധികാരികമായാണ് ഇന്ത്യ സെമിക്കിറങ്ങുന്നത്. അഞ്ചെണ്ണത്തില്‍ ജയിച്ചും നാലെണ്ണം തോറ്റും ഏറ്റവുമൊടുവില്‍ സെമിയുറപ്പിച്ച ടീമാണ് ന്യൂസീലന്‍...

Perinthalmanna RadioDate: 15-11-2023പെരിന്തൽമണ്ണ: കേരള സംസ്ഥാന ഭാഗ്യക്കുറിയുടെ ഒന്നാംസമ്മാനം വീണ്ടും പെരിന്തൽമണ്ണയിൽ. സ്ത്രീശക്തി ഭാഗ്യക്കുറിയുടെ ചൊവ്വാഴ്ചത്തെ നറുക്കെടുപ്പിലാണ് 75 ലക്ഷം രൂപയുടെ ഒന്നാംസമ്മാനം ഇവിടെ എത്തിയത്. ഓഗസ്റ്റ് മൂന്നിന് കാരുണ്യപ്ലസ് ഭാഗ്യക്കുറിയുടെ 80 ലക്ഷം ഒന്നാംസമ്മാനം ലഭിച്ച ടിക്കറ്റ് വിറ്റ അതേ കടയിൽനിന്നാണ് ഈ ടിക്കറ്റും വിറ്റിട്ടിട്ടുള്ളത്.പെരിന്തൽമണ്ണ പട്ടാമ്പി റോഡിൽ 'അഞ്ജലി' ലോട്ടറി ഏജൻസി നടത്തുന്ന വളാംകുളം സ്വദേശി ഉണ്ണിക്കൃഷ്ണനാണ് സമ്മാനടിക്കറ്റ് വിറ്റത്. സമ്മാനാർഹനെ കണ്ടെത്തിയിട്ടില്ല. ചൊവ്വാഴ്ച രാവിലെ പെരിന്തൽമണ്ണയിലെ തന്നെ 'നന്ദനം' ഭാഗ്യക്കുറി ഏജൻസിയിൽ നിന്ന് വാങ്ങിയ ടിക്കറ്റുകളിലൊന്നിനാണ് സമ്മാനം ലഭിച്ചത്. സമ്മാനവിവരം അറിഞ്ഞതോടെ കടയിലെത്തിയവർക്കെല്ലാം മധുരം വിതരണം ചെയ്ത് ഉണ്ണിക്കൃഷ്ണൻ സന്തോഷം പങ്കിട്ടു.............................................

Perinthalmanna RadioDate: 14-11-2023മലപ്പുറം: ജില്ലാ ശിശുക്ഷേമ സമിതിയുടെ നേതൃത്വത്തിലുള്ള ശിശുദിനാഘോഷ പരിപാടികൾ  മലപ്പുറത്ത് സമാപിച്ചു. മലപ്പുറം മുനിസിപ്പാലിറ്റിയിലെ വിവിധ സ്‌കൂളുകളിൽ നിന്നായി നിരവധി കുട്ടികളാണ് മുത്തുക്കുടകളുടെയും ബാന്റ് വിദ്യത്തിന്റെയും അകമ്പടിയോടെ ശിശുദിന റാലിയിൽ അണിനിരന്നത്. കളക്ടറുടെ വസതിയുടെ മുമ്പിൽ നിന്ന് ആരംഭിച്ച റാലി ജില്ലാ കളക്ടർ വി.ആർ വിനോദ് ഫ്ലാഗ് ഓഫ് ചെയ്തു. എൻ.സി.സി, സ്‌കൗട്ട്, ഗൈഡ്, ജെ.ആർ.സി വിഭാഗങ്ങളും റോളർ സ്‌കേറ്റിങ്ങ് കുട്ടികളും റാലിയിൽ പങ്കെടുത്തു. റാലി ടൗൺ ഹാൾ പരിസരത്ത് സമാപിച്ചു. ടൗൺ ഹാളിൽ നടന്ന ശിശുദിന സംഗമത്തിന് എൽ.പി-യു.പി വിഭാഗം പ്രസംഗ മത്സരത്തിലെ വിജയികളായ കുട്ടികളുടെ പ്രസിഡൻറ് ടി.എം മുഹമ്മദ് നോഷിൻ, കുട്ടികളുടെ  സ്പീക്കർ പി.കെ എമിൻ റാബിയ, കുട്ടികളുടെ പ്രധാന മന്ത്രി പി.കെ റിയ സൻഹ എന്നീ നിലകളിൽ ശിശുദിന സംഗമം നിയന്ത്രിച്ചു. അഗ്ന ആ...