Local

Perinthalmanna RadioDate: 13-10-2025 മലപ്പുറം: രാജ്യത്ത് ആദ്യമായി ഗവൺമെൻറ് മേഖലയിൽ സമ്പൂർണ്ണമായി എയർകണ്ടീഷൻ ചെയ്ത  മോഡേൺ ഹൈടെക് സ്കൂൾ മലപ്പുറം നഗരസഭയിൽ നിർമ്മാണം പൂർത്തിയായി. മേൽമുറി മുട്ടിപ്പടി ഗവ.എൽ.പി.സ്കൂളിലാണ് സമ്പൂർണമായും എയർ കണ്ടീഷൻ ചെയ്ത പുതിയ കെട്ടിടം നിർമിച്ചത്. കെട്ടിടത്തിന്റെ ഉദ്ഘാടനം ഒക്ടോബർ    19ന് വൈകുന്നേരം നാലിന് ഇ.ടി. മുഹമ്മദ് ബഷീർ എം.പി. നിർവഹിക്കും. നൂറ് വർഷത്തോളം പഴക്കമുണ്ടായിരുന്ന സ്കൂൾ കെട്ടിടം ജീർണാവസ്ഥയിലായതിനാൽ വിദ്യാഭ്യാസ വകുപ്പ് പ്രവേശനാനുമതി നൽകിയിരുന്നില്ല.  സ്കൂളിന്റെ പഴയ എട്ട് ക്ലാസ് മുറികൾ, കംപ്യൂട്ടർ ലാബ്, ലൈബ്രറി, സ്റ്റാഫ് റൂം, എച്ച്.എം. റൂം തുടങ്ങി മുഴുവൻ ഭാഗവും എയർകണ്ടീഷൻ ചെയ്താണ് കെട്ടിടം നിർമാണം പൂർത്തിയാക്കിയത്. പതിനായിരത്തോളം സ്ക്വയർ ഫീറ്റ് ഉള്ള ഗ്രൗണ്ട് ഫ്ലോറിന് പുറമെ  രണ്ടു നിലകളിലായാണ് സമ്പൂർണ്ണമായും എയർകണ്ടീഷൻ ക്ലാ...

Perinthalmanna RadioDate: 13-10-2025 പെരിന്തൽമണ്ണ: സ്വകാര്യ ലോഡ്ജിൽ മുറി നൽകാത്തതിനാൽ വൈരാഗ്യത്തിൽ ജീവനക്കാരനെ കയ്യേറ്റം ചെയ്ത സംഭവത്തിൽ രണ്ടു പേരെ പെരിന്തൽമണ്ണ പോലീസ് അറസ്റ്റ് ചെയ്തു. കഴിഞ്ഞ 10ന് രാത്രി 11 മണിയോടെയായിരുന്നു സംഭവം.പെരിന്തൽമണ്ണ ബൈപ്പാസ് റോഡിലുള്ള സ്വകാര്യ ലോഡ്ജിൽ എത്തിയ യുവാക്കൾ മുറി ആവശ്യപ്പെട്ടപ്പോൾ റൂം ലഭ്യമല്ലെന്ന് പറഞ്ഞതിനെ തുടർന്ന് ജീവനക്കാരനെ മർദ്ദിക്കുകയും സമീപത്ത് നിർത്തിയിരുന്ന വാഹനങ്ങൾക്ക് മുകളിൽ കയറി പരിഭ്രാന്തി സൃഷ്ടിക്കുകയും ചെയ്തു. ഇതോടെ പ്രദേശത്ത് ഭീതിയുണ്ടായി.സംഭവത്തിൽ കക്കൂത്ത് സ്വദേശി കിഴക്കേക്കര മുഹമ്മദ് ജംഷീർ (30), അങ്ങാടിപ്പുറം പുതുക്കുടി അബ്ദുറഹ്മാൻ (24) എന്നിവരെയാണ് പോലീസ് അറസ്റ്റ് ചെയ്തത്. കേസിൽ മറ്റൊരു പ്രതിയെ കൂടി പിടികൂടാനുണ്ട്.ലോഡ്ജ് ജീവനക്കാരനായ അസം സ്വദേശി അനറുൽ ഇസ്ലാം നൽകിയ പരാതിയുടെ അടിസ്ഥാനത്തിലാണ് കേസ് രജിസ്റ്റർ ചെയ്തത്. പെരിന്തൽമണ്ണ സി.ഐ...

Perinthalmanna RadioDate: 13-10-2025 പെരിന്തൽമണ്ണ ∙ കാറിന്റെ ബോണറ്റിനുള്ളിൽ മണിക്കൂറുകളോളം കുടുങ്ങിക്കിടന്ന പൂച്ചയെ രക്ഷിച്ച് അഗ്നിരക്ഷാ സേന. യൂത്ത് കോൺഗ്രസ് ജില്ലാ ഭാരവാഹിയുടെ വിവാഹത്തിൽ പങ്കെടുക്കാൻ ഒറ്റപ്പാലത്തുനിന്ന് നിലമ്പൂരിലേക്കു പോകുകയായിരുന്ന ഒറ്റപ്പാലം സ്വദേശികളായ അഭിരാമും ആഷിഖും. ഡിസിസി ജനറൽ സെക്രട്ടറി ഇ.പി.രാജീവിനെ കൂടെ കൂട്ടുന്നതിനുവേണ്ടി പെരിന്തൽമണ്ണയിൽ എത്തിയപ്പോഴാണ് കാറിനകത്തുനിന്ന് അസ്വാഭാവിക ശബ്ദം ശ്രദ്ധിക്കുന്നത്. കാർ നിർത്തി നടത്തിയ പരിശോധനയിലാണ് ബോണറ്റിൽ കുടുങ്ങിയ പൂച്ചയെ കണ്ടെത്തിയത്.തുടർന്ന് പെരിന്തൽമണ്ണ അഗ്നിരക്ഷാസേനാ നിലയത്തിൽ വിവരം അറിയിച്ചു. ഉടൻതന്നെ സ്ഥലത്തെത്തിയ അഗ്നിരക്ഷാ സേനാംഗങ്ങൾ പൂച്ചയെ രക്ഷപ്പെടുത്തി. എൻജിന്റെ ഭാഗങ്ങൾക്കിടയിൽ ഞെരുങ്ങിക്കിടന്നിരുന്ന പൂച്ചയെ വളരെ ശ്രദ്ധയോടെയാണ് പരുക്കേൽക്കാതെ രക്ഷപ്പെടുത്തിയത്.എൻജിന്റെ ചൂടേറ്റ് കിലോമീറ്ററുകൾ ബോണറ്റിനുള്ളിൽ...

Perinthalmanna RadioDate: 13-10-2025 മലപ്പുറം ∙ തദ്ദേശ തിരഞ്ഞെടുപ്പിലെ സംവരണ വാർഡുകൾ നിർണയിക്കാനുള്ള നറുക്കെടുപ്പിന് ഇന്നു തുടക്കം.പഞ്ചായത്തുകളിലെ സംവരണ വാർഡുകളാണ് ഇന്ന് നറുക്കിട്ട് തീരുമാനിക്കുക. നിലമ്പൂർ, വണ്ടൂർ, മലപ്പുറം, വേങ്ങര ബ്ലോക്കുകൾക്ക് കീഴിലുള്ള പഞ്ചായത്തുകളിലെ വാർഡുകളാണ് ഇന്നു നിർണയിക്കുക.രാവിലെ 10 മുതൽ കലക്ടറേറ്റ് കോൺഫറൻസ് ഹാളിലാണ് നറുക്കെടുപ്പ്. പഞ്ചായത്തുകളിലെ നറുക്കെടുപ്പ് 16വരെ തുടരും. നഗരസഭകളിലെ നറുക്കെടുപ്പ് 16ന് തദ്ദേശ ഭരണ വകുപ്പ് ജില്ലാ ജോയിന്റ് ഡയറക്ടറുടെ ഓഫിസിൽ നടക്കും. ബ്ലോക്ക് പഞ്ചായത്തുകളിലേത് 18നും ജില്ലാ പഞ്ചായത്തിന്റേത് 21നും കലക്ടറേറ്റ് കോൺഫറൻസ് ഹാളിൽ നടക്കും. പകുതി സീറ്റുകൾ വനിതാ സംവരണമാണ്. കഴിഞ്ഞ 2 തവണയും സംവരണ വാർഡുകളായിരുന്നവയെ ഒഴിവാക്കിയാകും നറുക്കെടുപ്പ്.കഴിഞ്ഞ തവണ വനിതാ സംവരണമായിരുന്ന വാർഡിനെ ഇത്തവണ അതേ വിഭാഗത്തിൽ ഉൾപ്പെടുത്തില്ല. വാർഡ് പുനർനിർണയത്തിനു...

Perinthalmanna RadioDate: 12-10-2025 പെരിന്തൽമണ്ണ: പൾസ് പോളിയോ ദിനമായ ഇന്ന് (ഞായർ) അഞ്ചു വയസിൽ താഴെയുള്ള കുട്ടികൾക്കുള്ള പോളിയോ തുള്ളി മരുന്ന് വിതരണത്തിന്റെ ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് എം.കെ. റഫീഖ നിർവഹിച്ചു. പെരിന്തൽമണ്ണ ജില്ലാ ആശുപത്രിയിലാണ് ജില്ലാതല ഉദ്ഘാടനം നടന്നത്.കുഞ്ഞുങ്ങളോടുള്ള സ്നേഹ വാത്സല്യങ്ങൾക്കൊപ്പം  ആരോഗ്യസുരക്ഷക്കും നാം ബാധ്യസ്ഥരാണെന്നും ഭാവി തലമുറയെ സ്ഥിരവൈകല്യത്തിൽ നിന്നും മുക്തമാക്കുന്ന ഈ ഉദ്യമം ഫല പ്രാപ്തിയിൽ എത്തിക്കുന്നതിന് ഒരേ മനസ്സോടെ പ്രവർത്തിക്കണമെന്നും  എം കെ  റഫീഖ പറഞ്ഞു. ഹരിത പ്രോട്ടോകോൾ പാലിച്ചുകൊണ്ടുള്ള ഉദ്ഘാടന ചടങ്ങിൽ മെഡിക്കൽ ഓഫീസർ ഡോ.ആര്‍.രേണുക അധ്യക്ഷയായി.സ്റ്റേറ്റ് കോൾഡ് ചെയിൻ ഓഫീസർ എം.ആർ.ജയൻ മുഖ്യപ്രഭാഷണം നടത്തി. സംസ്ഥാന നിരീക്ഷകൻ കെ അബ്ദു ഷുക്കൂർ, ജില്ലാ ആർ സി എച്ച് ഓഫീസർ ഡോ. എൻ എൻ പമീലി, ഐ.എം.എ. ജില്ലാ ചെയർപേഴ്സൺ ഡോ. ...

Perinthalmanna RadioDate: 12-10-2025 സംസ്ഥാനത്ത് ഇന്നും വ്യാപക മഴയെന്ന് കാലാവസ്ഥാ വകുപ്പിന്റെ മുന്നറിയിപ്പ്. പത്തനംതിട്ട, ഇടുക്കി, പാലക്കാട്, മലപ്പുറം, വയനാട് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. കേരള കർണാടക ലക്ഷദ്വീപ് തീരങ്ങളിൽ മത്സ്യബന്ധനത്തിന് ഏർപ്പെടുത്തിയ വിലക്ക് തുടരുകയാണ്.തെക്കുകിഴക്കൻ അറബിക്കടലിനും അതിനോട് ചേർന്ന വടക്കൻ കേരളതീരത്തിനും മുകളിലായി ചക്രവാതച്ചുഴി നിലനിൽക്കുന്നതാണ് മഴയ്ക്ക് കാരണം. ഒക്ടോബർ 11 മുതൽ 15 വരെ കേരളത്തിലും മാഹിയിലും ഒറ്റപ്പെട്ടയിടങ്ങളിൽ ഇടിയോടുകൂടിയ നേരിയ മഴയ്ക്ക് സാധ്യതയുണ്ട്.മഴയോടൊപ്പം മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ കാറ്റ് വീശാനും സാധ്യതയുണ്ടെന്നും ആളുകൾ ജാഗ്രത പാലിക്കണമെന്ന അറിയിപ്പും കാലാവസ്ഥ വകുപ്പ് പുറപ്പെടുവിച്ചിട്ടുണ്ട്. ---------------------------------------------®Perinthalmanna Radioവാർത്തകൾ ഇനി നിങ്ങളുടെ വിരൽതുമ്പിൽ ...

Perinthalmanna RadioDate: 12-10-2025 കീഴാറ്റൂർ: പൂന്താനത്തിന്‍റെ ജൻമദേശമായ കീഴാറ്റൂരില്‍ നിർമിച്ച പൂന്താനം സാംസ്കാരിക നിലയത്തിന്‍റെ ഉദ്ഘാടനം 20 ന് നടക്കും.രാവിലെ 11 ന് മന്ത്രി പി.എ. മുഹമ്മദ് റിയാസ് സാംസ്കാരിക നിലയം നാടിനു സമർപ്പിക്കും. ഇതിനായി സംഘാടക സമിതി രൂപീകരിച്ചു.യോഗം ഡിടിപിസി സെക്രട്ടറി പി. വിപിൻചന്ദ്ര ഉദ്ഘാടനം ചെയ്തു. സ്മാരക സമിതി പ്രസിഡന്‍റ് മാങ്ങോട്ടില്‍ ബാലകൃഷ്ണൻ അധ്യക്ഷനായിരുന്നു. സെക്രട്ടറി വി. ജ്യോതിഷ്, വാർഡ് മെംബർ ബിന്ദു മാത്യു, കീഴാറ്റൂർ അനിയൻ, പി. നാരായണനുണ്ണി, പി.കെ. അബ്ദുള്‍ നാസർ, കെ. ജയപ്രകാശ്, എസ്. സിന്ധു, എം.ടി. മുഹമ്മദ് ഹനീഫ, പി.എസ്. വിജയകുമാർ തുടങ്ങിയവർ പ്രസംഗിച്ചു.പൂന്താനം സ്മാരക സമിതി പുന:പ്രസിദ്ധീകരിച്ച പൂന്താനത്തിന്‍റെ ജ്ഞാനപ്പാന, സന്താനഗോപാലം എന്നിവയുടെ പ്രകാശനം, കവി സദസ്, കലാപരിപാടികള്‍, തിരുവാതിരകളി മത്സരം തുടങ്ങിയവയും ഉണ്ടായിരിക്കും. ..........................

Perinthalmanna RadioDate: 12-10-2025 പെരിന്തൽമണ്ണ:  ചരിത്രമുറങ്ങുന്ന അങ്ങാടിപ്പുറം തിരുമാന്ധാംകുന്ന് അൽപാക്കുളം നവീകരിക്കാൻ പദ്ധതിയുമായി പെരിന്തൽമണ്ണ ബ്ലോക്ക് പഞ്ചായത്ത്. നിർമാണ ഉദ്ഘാടനം പെരിന്തൽമണ്ണ ബ്ലോക്ക് പഞ്ചായത്ത് പ്രസിഡന്റ് എ.കെ.മുസ്തഫ നിർവഹിച്ചു. പ്രധാനമന്ത്രി കൃഷി സിഞ്ചായി യോജന പദ്ധതി പ്രകാരം 55 ലക്ഷം രൂപ ചെലവഴിച്ചാണ് കുളം പുനരുദ്ധരിക്കുക. അങ്ങാടിപ്പുറത്തെ പ്രധാന ജലസ്രോതസ്സുകൽ ഒന്നാണ് അൽപാക്കുളം. പിഎംകെഎസ്‌വൈ പദ്ധതിയുടെ അവസാന ഘട്ടത്തിലേക്ക് കടക്കുന്നതിന്റെ ഭാഗമായി ബാക്കി വരുന്ന വികസന ക്ഷേമ പ്രവൃത്തികൾ കൂടി അടുത്ത മൂന്നു മാസത്തിനകം പൂർത്തിയാകത്തക്ക വിധം പുരോഗമിക്കുകയാണെന്ന് ബ്ലോക്ക് പഞ്ചായത്ത് പ്രസിഡന്റ് പറഞ്ഞു. അങ്ങാടിപ്പുറം പഞ്ചായത്തിൽ ഇതിനകം 7 കോടിയോളം രൂപ പിഎംകെഎസ്‌വൈ പദ്ധതി പ്രകാരം പെരിന്തൽമണ്ണ ബ്ലോക്ക് പഞ്ചായത്ത് ചെലവഴിച്ചു കഴിഞ്ഞതായും അദ്ദേഹം പറഞ്ഞു. അങ്ങാടിപ്പുറത്തെ അ...

Perinthalmanna RadioDate: 11-10-2025 മലപ്പുറം: ഇലക്ട്രിക് വാഹനങ്ങൾ വർദ്ധിച്ചുവരുന്ന സാഹചര്യത്തിൽ ജില്ലയിലെ ഓരോ നിയോജക മണ്ഡലങ്ങളിലും ഫാസ്റ്റ് ചാർജ്ജിംഗ് സ്റ്റേഷൻ സ്ഥാപിക്കാനുള്ള പദ്ധതിയുമായി കെ.എസ്.ഇ.ബി. സ്റ്റേഷനുകൾക്ക് വേണ്ടിയുള്ള സ്ഥല ലഭ്യത, ബഡ്ജറ്റ് ഉൾപ്പെടെ സ്ഥാപിക്കാനുള്ള വിശദമായ കരട് രേഖ സമർപ്പിക്കാൻ കെ.എസ്.ഇ.ബി വിതരണ വിഭാഗം ഡയറക്ടർ ഫീൽഡ് ഓഫീസർമാർക്ക് നിർദ്ദേശം നൽകിയിട്ടുണ്ട്. എം.എൽ.എ ഫണ്ട് കൂടി പ്രയോജനപ്പെടുത്തിയാണ് ചാർജ്ജിംഗ് സ്റ്റേഷൻ സ്ഥാപിക്കുക. എം.എൽ.എയുമായി ബന്ധപ്പെട്ട് അനുയേജ്യമായ സ്ഥലം കണ്ടെത്താനാണ് നിർദ്ദേശം. ആദ്യഘട്ടത്തിൽ ഓരോ നിയോജക മണ്ഡലങ്ങളിലും ഒരു ചാർജ്ജിംഗ് സ്‌റ്റേഷൻ സ്ഥാപിക്കാനാണ് ലക്ഷ്യമിടുന്നത്.നിലവിൽ ജില്ലയിൽ കെ.എസ്.ഇ.ബിയുടെ മൂന്ന് ഫാസ്റ്റ് ചാർജ്ജിംഗ് സ്റ്റേഷനുകൾ സ്ഥാപിച്ചിട്ടുണ്ട്. മലപ്പുറം, പൊന്നാനി, തിരൂർ എന്നിവിടങ്ങളിലെ സബ് സ്റ്റേഷനുകളോട് ചേർന്നാണ് ഇവ. സമീപ ജില്...

Perinthalmanna RadioDate: 11-10-2025 മലപ്പുറം: വീടുകളിലും സ്ഥാപനങ്ങളിലും നിന്ന് ഹരിത കർമ്മ സേനാംഗങ്ങൾ ശേഖരിച്ചത് 3,669.7 കിലോ ഇ-മാലിന്യം. ആകെ 33,117 രൂപയാണ് പുനരുപയോഗിക്കാൻ സാദ്ധ്യമായ ഇ-മാലിന്യങ്ങൾക്ക് പൊതുജനങ്ങൾക്ക് പ്രതിഫലമായി നൽകിയത്. ജില്ലയിലെ 12 നഗരസഭകളിലെ 344 വാർഡുകളിൽ നിന്നാണ് ഇ-മാലിന്യം ശേഖരിച്ചത്. പെരിന്തൽമണ്ണ, പൊന്നാനി നഗരസഭകളിൽ നിന്നും ശേഖരിച്ച ഇ-മാലിന്യങ്ങൾ എത്രയെന്ന് കണക്കാക്കിയിട്ടില്ല. ഏറ്റവും കൂടുതൽ ശേഖരിച്ചത് നിലമ്പൂർ നഗരസഭയിൽ നിന്നാണ്, 1,390.3 കിലോ. കുറവ് ശേഖരിച്ചത് കൊണ്ടോട്ടി നഗരസഭയിൽ നിന്നാണ്, അഞ്ച് കിലോ. ജില്ലയിൽ ലഭിച്ചവയിൽ കൂടുതലും ടെലിവിഷനുകളാണ്.ശുചിത്വ മിഷൻ, ഹരിതകേരള മിഷൻ, കുടുംബശ്രീ മിഷൻ എന്നിവയുടെ പിന്തുണയോടെ അതത് നഗരസഭകളുടെ നേതൃത്വത്തിലാണ് ജൂലായ് 15 മുതൽ പദ്ധതി ആരംഭിച്ചത്. ഓരോ വസ്തുവിനും അവയുടെ തൂക്കത്തിനനുസരിച്ച് ക്ലീൻ കേരള കമ്പനി നിശ്ചയിച്ച പ്രകാരമുള്ള തുക ഹ...