നിർമാണത്തിന് കോടികൾ പൊടിച്ചിട്ടും മേലാറ്റൂർ- പുലാമന്തോൾ റോഡ് തകർച്ചയിൽ
Perinthalmanna Radio Date: 10-09-2025 പെരിന്തൽമണ്ണ ∙ ജില്ലയിലൂടെ കടന്നു പോകുന്ന പ്രധാന സംസ്ഥാന പാതയായ പെരുമ്പിലാവ്–നിലമ്പൂർ പാതയിലെ യാത്രാദുരിതം എന്നു തീരും? കഴിഞ്ഞ അഞ്ചു വർഷത്തോളമായി ഈ പാതയെ ദുരിതത്തിലാക്കുന്നത്, നിർമാണത്തിനു കോടികൾ പൊടിച്ച മേലാറ്റൂർ–പുലാമന്തോൾ റോഡിലെ തരികിട നവീകരണമാണ്.ഒരു കിലോമീറ്റർ റോഡിന്റെ നവീകരണത്തിനു നാലര കോടിയിലേറെ രൂപയാണ് അനുവദിച്ചത്. 30.88 കിലോമീറ്റർ വരുന്ന റോഡിന് 144 കോടി രൂപയാണ് ആകെ അനുവദിച്ചത്. കോടികൾ പോയ വഴി കാണാനില്ലെങ്കിലും ജനം ദുരിതവഴിയിൽ തന്നെയാണ്.പാടേ തകർന്നുകിടന്ന റോഡിന്റെ ചില ഭാഗങ്ങളിൽ, ജനത്തിന്റെ കണ്ണിൽ പൊടിയിടാൻ ഇടക്കാലത്തു ചില ചെപ്പടിവിദ്യകൾ നടത്തിയതൊഴിച്ചാൽ പുലാമന്തോൾ മുതൽ മേലാറ്റൂർ വരെ പലയിടങ്ങളിലും റോഡ് പാടേ തകർന്ന നിലയിൽ തന്നെയാണ്.ജനം പരാതി പറഞ്ഞു മടുക്കുമ്പോൾ ക്വാറി വേസ്റ്റ് ഇട്ടു കുഴിയടയ്ക്കൽ മുറപോലെ നടക്കുന്നു.കട്ടുപ്പാറ പാലം ജംക്ഷനിലും പു...










