Perinthalmanna Radio
Date: 19-05-2023
ന്യൂഡല്ഹി: രാജ്യത്ത് 2000 രൂപയുടെ നോട്ടുകള് പിന്വലിച്ചു. റിസര്വ് ബാങ്ക് ഓഫ് ഇന്ത്യ(ആര്.ബി.ഐ) യുടേതാണ് തീരുമാനം. സെപ്റ്റംബര് 30 വരെ നോട്ടുകള് മാറ്റിയെടുക്കാമെന്ന് ആര്.ബി.ഐ വ്യക്തമാക്കിയിട്ടുണ്ട്. അതുവരെ നോട്ടുകളുടെ നിയമപ്രാബല്യം തുടരും. നിലവില് കൈവശമുള്ള 2000-ത്തിന്റെ നോട്ടുകള് ഉപയോഗിക്കുന്നതിന് തടസ്സമില്ലെന്നും അധികൃതര് അറിയിച്ചു.
എങ്കിലും 2000ത്തിന്റെ നോട്ടുകള് ഉപഭോക്താക്കള്ക്ക് നല്കുന്നത് നിര്ത്തണമെന്ന് ബാങ്കുകള്ക്ക് ആര്ബിഐ നിര്ദേശം നല്കിയെന്ന് വാര്ത്താ ഏജന്സി റിപ്പോര്ട്ടുചെയ്തു. 2000ത്തിന്റെ നോട്ടുകള് 20,000 രൂപയ്ക്കുവരെ ഒറ്റത്തവണ ബാങ്കുകളില്നിന്ന് മാറ്റാം. മെയ് 23 മുതല് ഇത്തരത്തില് മാറ്റിയെടുക്കാന് സാധിക്കും. 2023 സെപ്റ്റംബര് 30 വരെ 2000-ത്തിന്റെ നോട്ടുകള് നിക്ഷേപിക്കുന്നതിനും മാറ്റിയെടുക്കുന്നതിനും ബാങ്കുകള് സൗകര്യം ഒരുക്കും. 2018-ന് ശേഷം 2000 രൂപ നോട്ടുകള് അച്ചടിച്ചിട്ടില്ല. നോട്ടുകള് അച്ചടിച്ച ലക്ഷ്യം കൈവരിച്ചെന്നും ആര്.ബി.ഐ അറിയിച്ചു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/D0DhxRdTjOQ5CuMBUmEPjg
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ