രാജ്യത്ത് പ്രതിദിന കോവിഡ് കേസുകൾ പതിനായിരം കടന്നു

Perinthalmanna Radio
Date: 13-04-2023

ന്യൂഡല്‍ഹി: രാജ്യത്ത് പ്രതിദിന കോവിഡ് കേസുകൾ പതിനായിരം കടന്നു. കഴിഞ്ഞ 24 മണിക്കൂറിനുള്ളില്‍ 10,158 പേര്‍ക്ക് രോഗം സ്ഥിരീകരിച്ചു. നിലവില്‍ 44,998 പേരാണ് കോവിഡ് ബാധിച്ച് ചികിത്സയിലുള്ളത്. പ്രതിദിന പോസിറ്റിവിറ്റി നിരക്ക് 4.42 ശതമാനവും പ്രതിവാര പോസിറ്റിവിറ്റി നിരക്ക് 4.02 ശതമാനവുമാണ്.

കഴിഞ്ഞ ദിവസം 7830 കേസുകളാണ് രാജ്യത്ത് റിപ്പോര്‍ട്ട് ചെയ്തത്. 30 ശതമാനത്തോളം വര്‍ധനവാണ്‌ ഇന്ന് രോഗികളുടെ എണ്ണത്തിലുണ്ടായിരിക്കുന്നത്. നിലവിൽ രാജ്യത്ത് റിപ്പോര്‍ട്ട് ചെയ്തിരിക്കുന്ന മൊത്തം കേസുകളുടെ എണ്ണം 4,42,10,127 ആയി. ആകെ കോവിഡ് രോഗികളുടെ 0.10 ശതമാനമാണ് ആക്ടീവ് കേസുകള്‍. രോഗമുക്തി നിരക്ക് 98.71 ശതമാനം. 1.19 ശതമാനമാണ് മരണനിരക്ക്.

അടുത്ത 10-12 ദിവസത്തേക്ക് കോവിഡ് കേസുകൾ വർധിക്കുമെന്നും അതിനുശേഷം കുറയുമെന്നുമാണ് ആരോഗ്യമന്ത്രാലയം വ്യക്തമാക്കുന്നത്. ഇതിനിടെ, കോവിഷീല്‍ഡ് വാക്‌സിന്‍ നിര്‍മാണം പുനരാരംഭിച്ചതായി സെറം ഇന്‍സ്റ്റിറ്റ്യൂട്ട് സി.ഇ.ഒ അദാര്‍ പൂനവാല അറിയിച്ചു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/E2dEC1CYZr68WrVmzEEgSL
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ