Perinthalmanna Radio
Date: 06-06-2023
ഗതാഗത നിയമ ലംഘനങ്ങള്ക്ക് പിഴയീടാക്കാന് സ്ഥാപിച്ച എ.ഐ ക്യാമറ രണ്ടാംദിനം കണ്ടെത്തിയത് 49,317 നിയമലംഘനങ്ങള്. ചൊവ്വാഴ്ച വൈകീട്ട് അഞ്ചു വരെയുള്ള കണക്കുകളാണിത്. തിരുവനന്തപുരത്താണ് ഏറ്റവും കൂടുതല് നിയമ ലംഘനങ്ങള് കണ്ടെത്തിയത് (8454 എണ്ണം). കുറവ് ആലപ്പുഴയിലും (1252 എണ്ണം)
കൊല്ലം (6301), പത്തനംതിട്ട (1772), കോട്ടയം (2425), ഇടുക്കി (1844), എറണാകുളം (5427), തൃശ്ശൂര് (4684), പാലക്കാട് (2942), മലപ്പുറം (4212), കോഴിക്കോട് (2686), വയനാട് (1531), കണ്ണൂര് (3708), കാസര്കോട് (2079) എന്നിങ്ങനെയാണ് മറ്റുജില്ലകളില് ചൊവ്വാഴ്ച കണ്ടെത്തിയ നിയമലംഘനങ്ങള്.
എ.ഐ ക്യാമറകള് പിഴചുമത്തിത്തുടങ്ങിയ തിങ്കളാഴ്ച രാവിലെ എട്ട് മണിമുതല് വൈകീട്ട് അഞ്ചു വരെ 28,891 നിയമ ലംഘനങ്ങളാണ് കണ്ടെത്തിയിരുന്നത്. രണ്ടു ദിവസത്തെ കണക്കുകള് പരിഗണിച്ചാലും നിയമ ലംഘനത്തില് മുന്കാലത്ത് ഉണ്ടായിരുന്നതിനേക്കാള് കാര്യമായ കുറവുണ്ടായെന്ന സൂചനയാണ് ലഭിക്കുന്നത്. കഴിഞ്ഞ ഏപ്രിലില് എ.ഐ. ക്യാമറകളുടെ ഔദ്യോഗിക ഉദ്ഘാടനം നടക്കുന്നതിനു മുന്പുള്ള ദിവസം 4.5 ലക്ഷവും ഉദ്ഘാടന ദിവസം 2.8 ലക്ഷവുമായിരുന്ന നിയമ ലംഘനങ്ങളുടെ എണ്ണം.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/FI3ej2Q2HPOAVXXzE9Z7oK
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ