
Perinthalmanna Radio
Date: 24-05-2023
ബസ് സർവീസ് നിർത്തിയുള്ള സമരത്തിനില്ലെന്ന് ബസ് ഓപറേറ്റേഴ്സ് ഫെഡറേഷൻ. പകരം അനിശ്ചിതകാല നിരാഹാര സമരം നടത്താനാണ് ഫെഡറേഷന്റെ തീരുമാനം. ബസ് ഓപറേറ്റേഴ്സ് ഫെഡറേഷൻ സംസ്ഥാന പ്രസിഡന്റ് കെ.കെ. തോമസ് നിരാഹാരം ആരംഭിക്കും. സമരം പ്രഖ്യാപിച്ച ബസ്സുടമകളുടെ സംഘടനയ്ക്കല്ല ശക്തി, യഥാർഥ സംഘടന ബസ് ഓപറേറ്റേഴ്സ് ഫെഡറേഷനാണെന്നും ഭാരവാഹികൾ പറഞ്ഞു.
ബസ് ഓപറേറ്റേഴ്സ് അസോസിയേഷൻ നേരത്തേ ഗതാഗത മന്ത്രിയുമായുള്ള ചർച്ചയ്ക്കു ശേഷം സ്വകാര്യ ബസുകൾ സമരം നടത്തുമെന്ന് അറിയിച്ചിരുന്നു. എന്നാൽ, സമരത്തിനില്ലെന്നാണ് ബസ് ഓപറേറ്റേഴ്സ് ഫെഡറേഷന്റെ നിലപാട്. തൃശ്ശൂരിൽ ചേർന്ന സമരപ്രഖ്യാപന കൺവൻഷനിലാണ് തീരുമാനം പ്രഖ്യാപിച്ചത്.
ഇതിനകം തന്നെ ബസ് ജീവനക്കാർ ഉൾപ്പെടെയുള്ളവർ രൂക്ഷമായ സാമ്പത്തിക പ്രതിസന്ധിയിലൂടെയാണ് കടന്നുപോകുന്നത്. അതിനാൽത്തന്നെ സർവീസ് നിർത്തിവച്ചൊരു സമരത്തിന് ഫെഡറേഷൻ തയ്യാറല്ലെന്നും അവർ പറഞ്ഞു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/D0DhxRdTjOQ5CuMBUmEPjg
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ