പണിമുടക്ക് അവസാനിപ്പിച്ച്‌ ഡോക്ടര്‍മാര്‍; ഓര്‍ഡിനന്‍സ് കൊണ്ടു വരുമെന്ന് സര്‍ക്കാര്‍ ഉറപ്പ്

Perinthalmanna Radio
Date: 12-05-2023

പെരിന്തൽമണ്ണ: കൊട്ടാരക്കരയിലെ ഡോക്ടർ കൊല്ലപ്പെട്ടതിലുള്ള പ്രതിഷേധത്തിനിടെ ഭാര്യക്കും കുട്ടിക്കും ചികിത്സ തേടിയെത്തിയ യുവാവുമായി ഉന്തും തള്ളുമുണ്ടായ സംഭവത്തിൽ യുവാവിനെതിരേ പരാതി.

ജില്ലാ ആശുപത്രി ആർ.എം.ഒ.യും ആശുപത്രിയിലെ സെക്യൂരിറ്റി ജീവനക്കാരനും ഐ.എം.എ.യുമാണ് പെരിന്തൽമണ്ണ പോലീസിൽ പരാതി നൽകിയത്. സെക്യൂരിറ്റി ജീവനക്കാരനെ അസഭ്യം പറയുകയും ആശുപത്രിയുടെ പ്രവർത്തനം തടസ്സപ്പെടുത്തിയതായുമാണ് പരാതി. ബുധനാഴ്ച ഉച്ചയ്ക്ക്‌ പന്ത്രണ്ടരയ്ക്കായിരുന്നു സംഭവം.

പനി ബാധിച്ച രണ്ടുവയസുള്ള മകനെയും ശാരീരികപ്രശ്‌നങ്ങളുള്ള ഭാര്യയെയും ഡോക്ടറെ കാണിക്കാനാണ് ആലുവ സ്വദേശി കാത്താംപുറത്ത് നൗഫൽ ആശുപത്രിയിലെത്തിയത്. ഡോക്ടർമാരുടെ പ്രതിഷേധത്തിനുശേഷമുള്ള വിശദീകരണയോഗത്തിനിടയിൽ സെക്യൂരിറ്റി ജീവനക്കാർ മോശമായി പെരുമാറിയെന്നാരോപിച്ച് നൗഫലുമായി വാക്കുതർക്കമുണ്ടായി.

ജീവനക്കാർ നൗഫലിനെ മാറ്റാൻ ശ്രമിച്ചു. ഇതിനിടെ ചില ഡോക്ടർമാരും ജീവനക്കാരും ചേർന്ന് നൗഫലിനെ ഉന്തിത്തള്ളി പുറത്തേക്ക് കൊണ്ടുപോകുകയായിരുന്നു. സെക്യൂരിറ്റി ജീവനക്കാരും ഡോക്ടർമാരും തന്നെ െെകയേറ്റം ചെയ്തതായി നൗഫൽ ബുധനാഴ്ച പോലീസിൽ പരാതി നൽകിയിരുന്നു. എന്നാൽ രണ്ട് പരാതികളിലും പോലീസ് കേസെടുത്തിട്ടില്ല.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/D0DhxRdTjOQ5CuMBUmEPjg
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ