കരിപ്പൂരിലും കണ്ണൂരിലും എയർ ഇന്ത്യ എക്സ്പ്രസ് ഹജ്ജ് സർവീസ് നടത്തും

Perinthalmanna Radio
Date: 17-04-2023

കൊണ്ടോട്ടി: സംസ്ഥാന ഹജ്ജ് കമ്മിറ്റിക്ക് കീഴിലുള്ള തീർഥാടകർക്കായി കോഴിക്കോട്, കണ്ണൂർ വിമാനത്താവളങ്ങളിൽനിന്നുള്ള ഹജ്ജ് സർവീസ് എയർ ഇന്ത്യ എക്സ്പ്രസിന്. 200 പേർക്കുവരെ സഞ്ചരിക്കാവുന്ന വിമാനമായിരിക്കും കരിപ്പൂരിലും കണ്ണൂരിലും ഉപയോഗിക്കുക.

ആദ്യമായാണ് എയർ ഇന്ത്യ എക്സ്പ്രസ് ഹജ്ജ് സർവീസ് നടത്തുന്നത്. എയർ ഇന്ത്യ എക്സ്പ്രസിന് കണ്ണൂരിലും കരിപ്പൂരിലും മാത്രമാണ് ഹജ്ജ് സർവീസ് കരാർ ലഭിച്ചത്. കൊച്ചിയിൽ നിന്ന് സൗദി എയർലൈൻസാണ് ഹജ്ജ് സർവീസ് നടത്തുക. 400 പേർ സഞ്ചരിക്കുന്ന വിമാനമാണ് കൊച്ചിയിൽ ഉപയോഗിക്കുക. കൊച്ചിക്കുപുറമേ മുംബൈ, ലഖ്നൗ, ഡൽഹി എന്നിവിടങ്ങളിലും സൗദി ഹജ്ജ് സർവീസ് നടത്തും. ഹൈദരാബാദ്, ബെംഗളൂരു എന്നിവിടങ്ങളിൽനിന്ന് വിസ്താരയും ജയ്പൂർ, ചെന്നൈ എന്നിവിടങ്ങളിൽ എയർ ഇന്ത്യയും കൊൽക്കത്തയിൽ ഫ്ലൈ അദീലും മറ്റു പത്തിടങ്ങളിൽനിന്ന് ഗോ ഫസ്റ്റും ഹജ്ജ് സർവീസ് നടത്തും.

കരിപ്പൂരിൽനിന്ന് 6,363 പേരെയും കണ്ണൂരിൽനിന്ന് 1,873 പേരെയും കൊച്ചിയിൽനിന്ന് 2448 പേരെയുമാണ് പ്രതീക്ഷിക്കുന്നത്. ജൂൺ ഏഴു മുതൽ 22 വരെയാണ് കേരളത്തിൽനിന്നുള്ള ഹജ്ജ് സർവീസ്. ജിദ്ദയിലേക്കാണ് തീർഥാടകർ പുറപ്പെടുക. ജൂലായ് 13 മുതൽ ഓഗസ്റ്റ് രണ്ട്‌ വരെ മദീനയിൽ നിന്നാണ് മടക്കം.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/E2dEC1CYZr68WrVmzEEgSL
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ