Perinthalmanna Radio
Date: 14-06-2023
മലപ്പുറം: ജില്ലയിൽ ഹയർ സെക്കൻഡറി അധിക ബാച്ച് വന്നതിലൂടെ വർധിക്കുക 910 സീറ്റ്. സയൻസ് വിഭാഗത്തിൽ 780, ഹ്യുമാനിറ്റീസിൽ 130 എന്നിങ്ങനെ സീറ്റാണു വർധിക്കുക. സ്ഥിരം ബാച്ചുകൾ, 30% മാർജിനൽ വർധന, കഴിഞ്ഞ വർഷം അനുവദിച്ച 31, ഈ വർഷത്തെ 14 അധിക ബാച്ചുകൾ അടക്കം ജില്ലയിൽ സർക്കാർ, എയ്ഡഡ് സ്കൂളുകളിൽ പ്ലസ് വൺ പഠനത്തിന് ഉണ്ടാകുക 57,606 സീറ്റുകളാണ്. അപേക്ഷ കൊടുത്തവരുടെ കണക്കു പ്രകാരം നിലവിൽ 23,158 പേർ പുറത്താകും. പ്രവേശനം ലഭിക്കുന്നവർക്ക് ഒരു ക്ലാസിൽ 65 പേർ ഞെങ്ങി ഞെരുങ്ങി ഇരുന്നു പഠിക്കേണ്ട അവസ്ഥയാണ്. അൺ എയ്ഡഡ് സ്കൂളുകളിൽ പണം കൊടുത്തു പഠിക്കാൻ 10,150 സീറ്റുകൾ ലഭിക്കും. എന്നാൽ 13,008 പേർക്കു സമാന്തര സ്ഥാപനങ്ങളെ ആശ്രയിക്കേണ്ടി വരും.
കോട്ടയത്തു നിന്ന് നാലും തിരുവനന്തപുരത്തു നിന്ന് മൂന്നും പാലക്കാട്ടു നിന്ന് രണ്ടും കോഴിക്കോട്, കൊല്ലം, ആലപ്പുഴ, പത്തനംതിട്ട, തൃശൂർ ജില്ലകളിൽ നിന്ന് ഒന്നും വീതം ബാച്ചുകളാണ് മലപ്പുറത്തേക്ക് മാറ്റിയത്.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/BYcevSuLs0dH5STbBgvWwr
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ