Perinthalmanna Radio
Date: 05-07-2025
പെരിന്തൽമണ്ണ: കോഴിക്കോട് – പാലക്കാട് ദേശീയ പാതയിലെ അങ്ങാടിപ്പുറം മേൽപാലത്തിന് സമീപത്തെ റോഡിൻ്റെ നവീകരണ പ്രവർത്തികൾ പൂർത്തിയായതായി മഞ്ഞളാംകുഴി അലി എം.എൽ.എ അറിയിച്ചു. നാളെ, ഞായറാഴ്ച (ജൂലൈ 6) രാവിലെ 11 മണി മുതൽ മേൽപാലം ഭാഗികമായി ഗതാഗതത്തിനായി തുറക്കപ്പെടും. ആദ്യ ഘട്ടത്തിൽ ചെറിയ വാഹനങ്ങൾക്കായിരിക്കും പ്രവേശനം അനുവദിക്കുക.
റോഡില് പതിച്ച ഇൻ്റർലോക്ക് കട്ടക്ക് ബലമേറുന്നതിനായി ജൂലൈ 11 വരെ ഭാരവാഹനങ്ങൾക്ക് പൂർണ നിരോധനം തുടരും. എല്ലാ നിർമാണ പ്രവർത്തികളും വിജയകരമായി പൂർത്തിയാക്കിയതായും, കാല താമസമില്ലാതെ മേൽപാലം തുറക്കാനുള്ള ശ്രമം ഫലപ്രദമായതായും എം.എൽ.എ അറിയിച്ചു.
ജൂലൈ 11-ാം തീയതി മുതൽ മേൽപാലം പൂർണമായും ഗതാഗതത്തിനായി തുറക്കുമെന്ന് അധികൃതർ അറിയിച്ചു. ഈ തീയതി മുതൽ എല്ലാ തരത്തിലുള്ള വാഹനങ്ങൾക്കുമുള്ള ഗതാഗതം സാധ്യമാകും.
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ