Perinthalmanna Radio
Date: 06-02-2026
വളാഞ്ചേരി: മലപ്പുറം – പാലക്കാട് ജില്ലകളെ തമ്മിൽ ബന്ധിപ്പിക്കുന്ന തിരുവേഗപ്പുറ പാലത്തിന് സമാന്തരമായി തൂതപ്പുഴയ്ക്ക് കുറുകെ പുതിയ പാലം നിർമ്മിക്കുന്നതിന് സംസ്ഥാന സർക്കാർ അഞ്ചു കോടി രൂപ അനുവദിച്ചു. ധനമന്ത്രി നിയമസഭയിൽ ബജറ്റുമായി ബന്ധപ്പെട്ട മറുപടി പ്രസംഗത്തിലാണ് ഈ തുക പ്രഖ്യാപിച്ചത്.
നിലവിലുള്ള തിരുവേഗപ്പുറ പാലം ആരംഭിക്കുന്ന കൊടുമുടിയിൽ നിന്നു തന്നെയാണ് പുതിയ പാലവും നിർമ്മിക്കുക. പദ്ധതിക്കായി പൊതുമരാമത്ത് വകുപ്പ് തയ്യാറാക്കിയ എസ്റ്റിമേറ്റ് പ്രകാരം 25 കോടി രൂപ ആവശ്യപ്പെട്ട് ആബിദ് ഹുസൈൻ തങ്ങൾ എംഎൽഎ കഴിഞ്ഞ ബജറ്റിൽ പ്രൊപ്പോസൽ നൽകിയിരുന്നു. എന്നാൽ അന്ന് നൂറ് രൂപയുടെ ടോക്കൺ തുക മാത്രമാണ് അനുവദിച്ചിരുന്നത്.
നിലവിലെ പാലത്തിന്റെ അപകടാവസ്ഥ കണക്കിലെടുത്ത് അടിയന്തരമായി ഫണ്ട് അനുവദിക്കണമെന്ന് ആവശ്യപ്പെട്ട് ആബിദ് ഹുസൈൻ തങ്ങൾ എംഎൽഎ ധന മന്ത്രിയെ നേരിൽ കണ്ട് കത്ത് നൽകിയിരുന്നു. ഇതിനെ തുടർന്നാണ് ഇപ്പോൾ അഞ്ചു കോടി രൂപ അനുവദിച്ചു കൊണ്ടുള്ള പ്രഖ്യാപനം ഉണ്ടായത്. കൂടാതെ പട്ടാമ്പി എംഎൽഎ മുഹമ്മദ് മുഹസിനും സമാന്തര പാലം വേണമെന്ന ആവശ്യം സബ്മിഷനിലൂടെ ഉന്നയിച്ചിരുന്നു. പുതിയ പാലം യാഥാർത്ഥ്യമാകുന്നതോടെ മേഖലയിലെ യാത്രാക്ലേശത്തിന് വലിയ പരിഹാരമാകും.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ