Perinthalmanna Radio
Date: 06-04-2026
പെരിന്തൽമണ്ണ: മലപ്പുറം ജില്ലയുടെ കായിക ഭൂപടത്തിൽ പുതിയൊരു അധ്യായം കുറിച്ചുകൊണ്ട് പെരിന്തൽമണ്ണയിൽ നടന്ന പ്രഥമ കുതിരയോട്ട മത്സരം വൻ ജനപങ്കാളിത്തം കൊണ്ട് ശ്രദ്ധേയമായി. ദുബായ് പടിയിലെ സൂപ്പർ സോണിക് ക്ലബ്ബിന്റെ നേതൃത്വത്തിലാണ് പെരിന്തൽമണ്ണയിലെ പാടശേഖരങ്ങളിൽ വച്ച് ഈ വിപുലമായ മത്സരം സംഘടിപ്പിച്ചത്. കേരളത്തിന് പുറമെ തമിഴ്നാട്ടിൽ നിന്നുമുള്ള പ്രഗത്ഭരായ മത്സരാർത്ഥികൾ ഉൾപ്പെടെ അറുപതോളം കുതിരകളാണ് പോരാട്ടത്തിനിറങ്ങിയത്. സാധാരണയായി ഫുട്ബോളും ക്രിക്കറ്റും മാത്രം സജീവമായ മലപ്പുറത്തെ പാടവരമ്പുകളിൽ ഇതാദ്യമായാണ് ഇത്രയും വലിയൊരു കുതിരയോട്ട മത്സരം അരങ്ങേറുന്നത്. വിജയികൾക്കായി വൻതുകയുടെ ക്യാഷ് പ്രൈസുകളും ആകർഷകമായ ട്രോഫികളുമാണ് സംഘാടകർ നൽകിയത്. അവധിക്കാലം ആയതിനാൽ മറ്റു ജില്ലകളിൽ നിന്ന് പോലും നിരവധി കുടുംബങ്ങൾ മത്സരം കാണാനായി പെരിന്തൽമണ്ണയിലെത്തി. കടുത്ത വേനൽ ചൂടിനെപ്പോലും അവഗണിച്ചുകൊണ്ട് ആയിരക്കണക്കിന് ആളുകളാണ് പാടവരമ്പുകളിൽ തടിച്ചുകൂടിയത്.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————- പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ