സംസ്ഥാന ബജറ്റിൽ പ്രതീക്ഷയോടെ ഓരാടംപാലം- മാനത്തുമംഗലം ബൈപ്പാസ്

Perinthalmanna Radio
Date: 07-02-2025

പെരിന്തൽമണ്ണ : ഇന്ന് അവതരിപ്പിക്കുന്ന സംസ്ഥാന ബജറ്റിൽ വിവിധ പദ്ധതികളിൽ പ്രതീക്ഷയർപ്പിക്കുകയാണ് പെരിന്തൽമണ്ണക്കാർ. ബജറ്റിൽ ഉൾപ്പെടുത്തുന്നതിനായി നജീബ് കാന്തപുരം എംഎൽഎ സമർപ്പിച്ച 20 പദ്ധതികളിൽ പെരിന്തൽമണ്ണയുടെ കാലങ്ങളായുള്ള സ്വപ്ന പദ്ധതിയായ ഓരാടംപാലം–മാനത്തുമംഗലം ബൈപാസുമുണ്ട്. സ്ഥലമെടുപ്പിനും മറ്റ് പ്രാഥമിക പ്രവർത്തനങ്ങൾക്കും വേണ്ടിയുള്ള 15 കോടി രൂപയുടെ പദ്ധതിയാണ് സമർപ്പിച്ചത്. വിവിധ റോഡുകളുടെ പുനരുദ്ധാരണം, പുലാമന്തോൾ–കൊളത്തൂർ റോഡ് നവീകരണം, തൂതപ്പുഴയിൽ ഏലംകുളം പറയൻതുരുത്ത്–മാട്ടായ പാലം, പെരിന്തൽമണ്ണ–തൂത റോഡ് നവീകരണം രണ്ടാംഘട്ടം, പെരിന്തൽമണ്ണ, പുലാമന്തോൾ, താഴേക്കോട്, കരിങ്കല്ലത്താണി, വെട്ടത്തൂർ, മേലാറ്റൂർ നഗരനവീകരണം, എളാട് മപ്പാട്ടുകര–പള്ളിക്കടവ് പാലം, വെട്ടത്തൂർ പൂങ്കാവനം ഡാമിനോട് ചേർന്ന് ഉദ്യാന പാർക്ക്, നിയോജക മണ്ഡലത്തിലെ മുഴുവൻ പഞ്ചായത്തുകളിലും ബഡ്‌സ് സ്‌കൂളുകൾ, മിനി സിവിൽ സ്‌റ്റേഷനു മുകളിൽ ആധുനിക സൗകര്യങ്ങളോടെ ഇരുനില കെട്ടിടം, ജില്ലാ ആശുപത്രി അടിസ്ഥാന സൗകര്യ വികസനം, സ്‌പോർട്‌സ് കോംപ്ലക്‌സ്, രാമഞ്ചാടി ലിഫ്‌റ്റ് ഇറിഗേഷൻ പദ്ധതിയിൽ പള്ളത്ത് കടവിൽ റഗുലേറ്റർ കം ബ്രിജ്, കൊടികുത്തിമല ഇക്കോ ടൂറിസം കേന്ദ്രത്തിന്റെ സമഗ്ര വികസനം, സബ് ജയിലിൽ സന്ദർശകർക്കുള്ള വിശ്രമകേന്ദ്രവും സൂപ്രണ്ട് ക്വാർട്ടേഴ്‌സും വാഹനവും, വിവിധ സർക്കാർ സ്‌കൂളുകളുടെ അടിസ്ഥാന സൗകര്യ വികസനം, രാമഞ്ചാടി വെട്ടിചുരുക്ക് ശുദ്ധജല പദ്ധതിയുടെ പദ്ധതി പ്രദേശങ്ങളിൽ റഗുലേറ്റർ–വിയർ സ്ഥാപിക്കുന്നതിനായി വെള്ളിയാർ പുഴയിൽ എടയാറ്റൂർ–മൊടാട്ടക്കടവ് വിസിബി കം ബ്രിജ് സൈഡ് പ്രൊട്ടക്‌ഷനും എഫ്‌ആർ‌പി ഷട്ടറും സ്ഥാപിക്കൽ തുടങ്ങിയ പദ്ധതികളാണ് ബജറ്റിൽ ഉൾപ്പെടുത്തുന്നതിനായി സമർപ്പിച്ചിട്ടുള്ളതെന്ന് എംഎൽഎ പറഞ്ഞു.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/Kw2z7JE7mRXJuiFDiLrY8H
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ