പെരിന്തൽമണ്ണയിലും അങ്ങാടിപ്പുറത്തും ദേശീയ പാതയിലെ കുഴികൾ അടച്ചു

Perinthalmanna Radio
Date: 08-12-2025

പെരിന്തൽമണ്ണ: ദേശീയ പാതയിൽ പെരിന്തൽമണ്ണയിലെയും അങ്ങാടിപ്പുറത്തേയും അപകടകരമായ കുഴികൾ അധികൃതർ പൂർണ്ണമായും അടച്ചു. മാസങ്ങൾക്ക് മുമ്പ് പാതയിലെ പ്രധാന കുഴികൾ അടച്ചതോടെ തന്നെ രൂക്ഷമായ അങ്ങാടിപ്പുറത്തെ ഗതാഗതക്കുരുക്ക് വലിയ തോതിൽ കുറഞ്ഞിരുന്നു.

എന്നാൽ ഇതിന് ശേഷം റോഡിന്റെ വിവിധ ഭാഗങ്ങളിൽ വീണ്ടും രൂപപ്പെട്ട കുഴികളാണ് കഴിഞ്ഞ ദിവസം അടച്ചത്. മേൽപാലത്തിലെ കുഴികളും അടച്ചു. മഴയും ഭാരവാഹനങ്ങളുടെ അമിത ഗതാഗതവും മൂലമാണ് പാതയുടെ പല ഭാഗങ്ങളിലും വീണ്ടും കുഴികൾ രൂപപ്പെട്ടിരുന്നത്. ഇതോടെ യാത്രക്കാർക്ക് വീണ്ടും ദുരിതമുണ്ടാവുകയും അപകടസാധ്യത വർധിക്കുകയുമായിരുന്നു. ഈ കുഴികളാണ് കഴിഞ്ഞ ദിവസം അടിയന്തരമായി അറ്റകുറ്റപ്പണികൾ നടത്തി അടച്ചത്.

കുഴികൾ അടച്ചതോടെ നിലവിൽ യാത്ര വീണ്ടും സുഗമമായതായി നാട്ടുകാർ പറഞ്ഞു. എന്നാൽ താൽക്കാലിക അറ്റകുറ്റപ്പണിക്ക് പകരം സ്ഥിരമായ റോഡ് പുനർനിർമാണം നിർബന്ധമാണെന്ന ആവശ്യം ശക്തമായി തുടരുകയാണ്.

………………………………………..

കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദർശിക്കുക

—

പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/IbXFMLBaqir9pII6VKVLor?mode=wwt

—

®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ

—