നിലമ്പൂർ- ഷൊർണൂർ പാത; രണ്ട് ട്രെയിൻ സർവീസുകൾ റദ്ദാക്കി

Perinthalmanna Radio
Date: 09-02-2024

അങ്ങാടിപ്പുറം: പാലക്കാട് റെയിൽവേ ഡിവിഷനിലെ വിവിധ സെക്ഷനുകളിൽ എൻജിനീയറിങ് ജോലികളുടെ പ്രവൃത്തിയുടെ ഭാഗമായി നിലമ്പൂർ – ഷൊർണൂർ പാതയിൽ രണ്ട് സർവിസുകൾ പൂർണമായി റദ്ദാക്കി. രാവിലെ 5.30 ന് നിലമ്പൂരിൽ നിന്നുള്ള ട്രെയിൻ നമ്പർ 06470 നിലമ്പൂർ- ഷൊർണൂർ എക്സ്പ്രസും രാവിലെ ഒൻപതിന് ഷൊർണൂരിൽ നിന്നുള്ള ട്രെയിൻ നമ്പർ 06467 ഷൊർണൂർ- നിലമ്പൂർ എക്സ്പ്രസുമാണ് ഈ മാസം 17, 18, 24, 25 തീയതികളിൽ റദ്ദാക്കിയത്.

കൂടാതെ നിലമ്പൂരിലേക്കുള്ള രാജ്യറാണി എക്സ്പ്രസിൻ്റെ സമയത്തിലും മാറ്റം വരുത്തിയിട്ടുണ്ട്. കൊച്ചു വേളിയിൽ നിന്നും നിലമ്പൂരിലേക്കുള്ള 16349 കൊച്ചുവേളി – നിലമ്പൂർ രാജ്യറാണി എക്സ്പ്രസ് ഈ മാസം 16, 17, 23, 24 തിയ്യതികളിൽ രാത്രി 8.50ന് പകരം രാത്രി 10.30നാണ് കൊച്ചു വേളിയിൽ നിന്നും പുറപ്പെടുക.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/Dh50VB5MWGy5FkMpa4yo09
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ