Perinthalmanna Radio
Date: 09-04-2026
പെരിന്തൽമണ്ണ: സംസ്ഥാന നിയമസഭാ തെരഞ്ഞെടുപ്പിന്റെ ഭാഗമായി മലപ്പുറം ജില്ലയിൽ വോട്ടെടുപ്പ് ആവേശകരമായി പുരോഗമിക്കുന്നു. വെയിൽ കനക്കുന്നതിനിടയിലും വോട്ടർമാരുടെ വലിയ പങ്കാളിത്തമാണ് ജില്ലയിലുടനീളം ദൃശ്യമാകുന്നത്. രാവിലെ 11 മണി വരെയുള്ള കണക്കുകൾ പ്രകാരം ജില്ലയിൽ ആകെ 32.00% പോളിംഗ് രേഖപ്പെടുത്തി.
ജില്ലാ ശരാശരിയേക്കാൾ ഉയർന്ന പോളിംഗ് ശതമാനമാണ് പെരിന്തൽമണ്ണ മണ്ഡലത്തിൽ ദൃശ്യമാകുന്നത്. രാവിലെ 11 മണി പിന്നിടുമ്പോൾ 33.75% വോട്ടർമാർ പെരിന്തൽമണ്ണയിൽ തങ്ങളുടെ വോട്ടവകാശം വിനിയോഗിച്ചു കഴിഞ്ഞു. മണ്ഡലത്തിലെ മിക്ക പോളിംഗ് സ്റ്റേഷനുകളിലും രാവിലെ മുതൽ തന്നെ വോട്ടർമാരുടെ നീണ്ട നിര ദൃശ്യമാണ്.
മണ്ഡലം തിരിച്ചുള്ള കണക്കുകൾ (11 AM വരെ):
ജില്ലയിൽ 11 മണി വരെ രേഖപ്പെടുത്തിയ മണ്ഡലം തിരിച്ചുള്ള പോളിംഗ് ശതമാനം താഴെ പറയുന്ന പ്രകാരമാണ്. മഞ്ചേരി മണ്ഡലത്തിലാണ് നിലവിൽ ഏറ്റവും ഉയർന്ന പോളിംഗ് (34.04%) രേഖപ്പെടുത്തിയിരിക്കുന്നത്.
മണ്ഡലം പോളിംഗ് ശതമാനം
മഞ്ചേരി 34.04 %
ഏറനാട് 33.59 %
നിലമ്പൂർ 33.86 %
പെരിന്തൽമണ്ണ 33.75 %
കൊണ്ടോട്ടി 33.67 %
മലപ്പുറം 33.43 %
വണ്ടൂർ 32.79 %
വള്ളിക്കുന്ന് 32.21 %
മങ്കട 31.96 %
തവനൂർ 31.75 %
താനൂർ 31.47 %
കോട്ടയ്ക്കൽ 30.57 %
തിരൂരങ്ങാടി 30.18 %
തിരൂർ 29.69 %
പൊന്നാനി 29.54 %
വേങ്ങര 29.47 %
ജില്ലയിൽ വോട്ടെടുപ്പ് സമാധാനപരമായാണ് പുരോഗമിക്കുന്നത്. ഉച്ചസമയത്തെ ചൂട് പരിഗണിച്ച് വോട്ടർമാർ നേരത്തെ തന്നെ ബൂത്തുകളിൽ എത്തുന്ന കാഴ്ചയാണ് രാവിലെ കണ്ടത്. വൈകുന്നേരത്തോടെ പോളിംഗ് ശതമാനം ഇനിയും ഉയരുമെന്നാണ് വിലയിരുത്തൽ.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ