Perinthalmanna Radio
Date: 09-10-2024
സംസ്ഥാനത്തെ മുന്ഗണനാ പട്ടികയില് ഉള്പ്പെട്ടിട്ടുള്ള റേഷന്കാർഡ് അംഗങ്ങളുടെ മസ്റ്ററിംഗ് നടപടികള് ഒക്ടോബർ 25 വരെ ദീർഘിപ്പിച്ച് നല്കുന്നതായി ഭക്ഷ്യ പൊതുവിതരണ വകുപ്പ് മന്ത്രി ജി.ആർ.അനില് നിയമസഭയെ അറിയിച്ചു.
മുന്ഗണനാ വിഭാഗത്തിലെ മഞ്ഞ, പിങ്ക് കാർഡംഗങ്ങള്ക്ക് മസ്റ്ററിംഗ് നടത്താനായി സർക്കാർ നിശ്ചയിച്ചിട്ടുള്ള സമയപരിധി അവസാനിച്ച സാഹചര്യത്തില് ധാരാളം ആളുകള് മസ്റ്ററിംഗ് പൂർത്തിയാക്കാനുള്ളതിനാല് സമയപരിധി ദീർഘിപ്പിച്ച് നല്കണമെന്ന് ആവശ്യപ്പെട്ട് ഇ.കെ.വിജയന് എം.എല്.എ നല്കിയ ശ്രദ്ധക്ഷണിക്കല് നോട്ടീസിന് മറുപടി പറയുകയായിരുന്നു മന്ത്രി.
സെപ്റ്റംബര് 18ന് ആരംഭിച്ച് ഒക്ടോബർ എട്ടിന് അവസാനിക്കുന്ന വിധത്തിലാണ് ഷെഡ്യൂള് തയ്യാറാക്കിയിരുന്നത്. മുന്ഗണാകാർഡിലെ 20 ശതമാനത്തോളം അംഗങ്ങള്ക്ക് വിവിധ കാരണങ്ങളാല് മസ്റ്ററിംഗില് പങ്കെടുക്കാന് കഴിഞ്ഞിട്ടില്ല. മുന്ഗണനാകാർഡില് ഉള്പ്പെട്ടിട്ടുള്ള മുഴുവന് പേർക്കും മസ്റ്ററിംഗില് പങ്കെടുക്കുവാനുള്ള അവസരം ഒരുക്കുവാനാണ് സർക്കാർ ഉദ്ദേശിക്കുന്നത്.
തൊഴില് ആവശ്യാർത്ഥം വിദേശത്ത് താമസിക്കുന്നവർക്ക് NRK Status (നോണ് റസിഡന്റ് കേരള) നല്കി കാർഡില് നിലനിർത്താനാണ് ഉദ്ദേശിക്കുന്നത്. അവർക്ക് അടിയന്തിരമായി മസ്റ്ററിംഗ് ചെയ്യാനായി സംസ്ഥാനത്ത് എത്തേണ്ടതില്ല. അതിനോടൊപ്പം മുന്ഗണനാ പട്ടികയിലുള്ള മുഴുവന് അംഗങ്ങളുടെയും മസ്റ്ററിംഗ് നടപടികള് പൂർത്തിയാക്കുന്നതിന് രണ്ടു മാസത്തെ സമയം ദീർഘിപ്പിച്ചു നല്കണമെന്ന് ആവശ്യപ്പെട്ടുകൊണ്ട് കേന്ദ്ര സർക്കാരിന് കത്ത് നല്കുകയും ചെയ്യുമെന്നും മന്ത്രി അറിയിച്ചു. 19,84,134 AAY(മഞ്ഞ) കാർഡ് അംഗങ്ങളില് 16,09,794 പേരും (81.13%) 1,33,92,566 PHH (പിങ്ക്) കാർഡ് അംഗങ്ങളില് 1,06,59,651 പേരും (79.59%) മസ്റ്ററിംഗ് പൂർത്തിയാക്കി.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/Le59EJtlZge2SmuDB0TtUF
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ