കരുവാരക്കുണ്ടിൽ മലവെള്ളപ്പാച്ചിൽ: മണ്ണിടിച്ചിലെന്ന് സംശയം

Perinthalmanna Radio
Date: 11-08-2024

മലപ്പുറം: കരുവാരക്കുണ്ട് മേഖലയിൽ ശക്തമായ മഴയും മല വെള്ളപ്പാച്ചിലും. ഒലി പുഴയിൽ മിനിറ്റുകൾ കൊണ്ട് ജലനിരപ്പ് ഉയർന്നത് ആശങ്കയ്ക്ക് വഴിവെച്ചു. ഉച്ച കഴിഞ്ഞ് 2:30 മണിയോടെ പെയ്ത അതി ശക്തമായ മഴയിൽ പുഴയിലെ ജലനിരപ്പ് ക്രമാതീതമായി വർധിക്കുകയായിരുന്നു. ശക്തമായ മല വെള്ളപ്പാച്ചിലിൽ മരങ്ങളും ചില്ലകളും ഒഴുകി വരുകയും പുഴയിലെ ജലനിരപ്പ് മാമ്പറ്റ പാലത്തിനു മുകളിലേക്ക് ഉയരുകയുമായിരുന്നു.
പാലത്തിന് സമീപത്തുള്ള രണ്ട് വീടുകളിലെ ആളുകളെ ബന്ധുവീടുകൾ ഉൾപ്പെടെയുള്ള സുരക്ഷിത സ്ഥാനത്തേക്ക് മാറ്റി. മറ്റുള്ളവർക്ക് ജാഗ്രതാ നിർദേശവും നൽകിയിട്ടുണ്ട്. പെട്ടന്ന് ജലനിരപ്പുയർന്നതിന് കാരണം മണ്ണിടിച്ചിലാണോയെന്ന് സംശയിക്കുന്നതായി നാട്ടുകാർ പറഞ്ഞു. ഉദ്യോഗസ്ഥർ കൂടുതൽ പരിശോധന നടത്തുന്നുണ്ട്.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/LGNq30ypgbfIwG3hGCsoS1
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ