Perinthalmanna Radio
Date 01-11-2023
വീണ്ടുമൊരു കേരള പിറവി കൂടെ വന്നെത്തിയിരിക്കുകയാണ്. കേരള സംസ്ഥാനം രൂപംകൊണ്ടിട്ട് 67 വര്ഷം തികയുന്നു. 1956 നവംബര് 1 നാണ് മലബാര്, കൊച്ചി, തിരുവിതാംകൂര് പ്രദേശങ്ങള് ഒത്തു ചേര്ന്ന് മലയാളികളുടെ സംസ്ഥാനമായി കേരളം രൂപം കൊള്ളുന്നത്. കേരള സംസ്ഥാനം രൂപവത്കരിച്ച നവംബര് ഒന്നാണ് കേരളപ്പിറവി എന്നറിയപ്പെടുന്നത്.
1947-ല് ഇന്ത്യ ബ്രിട്ടീഷുകാരില് നിന്നും സ്വതന്ത്രമായ ശേഷം, ഐക്യകേരളത്തിനു വേണ്ടിയുള്ള പ്രക്ഷോഭങ്ങള് ശക്തിപ്പെട്ടു. 1956 – ലെ സംസ്ഥാന പുനഃസംഘടന നിയമമാണ് ഈ പുനഃസംഘടനക്കും പല സംസ്ഥാന രൂപീകരണങ്ങള്ക്കും വിഭജനത്തിനു ആധാരം. ഭാഷാടിസ്ഥാനത്തില് സംസ്ഥാനങ്ങളെ പുന:സംഘടിപ്പിക്കാനുള്ള ഇന്ത്യാ ഗവണ്മെന്റിന്റെ തീരുമാന പ്രകാരം തിരുവിതാംകൂര്, കൊച്ചി രാജ്യങ്ങള് മദ്രാസ് പ്രസിഡന്സിയുടെ മലബാര് പ്രദേശങ്ങള് ഇങ്ങനെ മലയാളം പ്രധാന ഭാഷയായ പ്രദേശങ്ങളെല്ലാം കൂട്ടിച്ചേര്ത്തുകൊണ്ട് 1956 നവംബര് ഒന്നിന് കേരളം എന്ന സംസ്ഥാനം രൂപീകരിക്കുകയായിരുന്നു.
ഏവർക്കും പെരിന്തൽമണ്ണ റേഡിയോയുടെ കേരളപിറവി ആശംസകൾ
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ