പെരിന്തൽമണ്ണ കാദറലി ക്ലബ്ബിൻ്റെ ഫുട്ബോൾ കോച്ചിംഗ് ക്യാമ്പ് സമാപിച്ചു

Perinthalmanna Radio
Date: 12-05-2025

പെരിന്തൽമണ്ണ: കാദറലി ക്ലബ്ബിൻ്റെ നേതൃത്വത്തിൽ ഒരു മാസക്കാലം പിടിഎം ഗവൺമെൻ്റ് കോളേജ് മൈതാനിയിൽ നീണ്ടു നിന്ന കുട്ടികൾക്കുള്ള ഫുട്ബോൾ കോച്ചിംഗ് ക്യാമ്പ് സമാപിച്ചു. 20 വയസ്സിന് താഴെയുള്ള നൂറോളം വരുന്ന കുട്ടികൾക്കാണ് പരിശീലനം നൽകി വന്നിരുന്നത്. താഴെക്കോട് പിടിഎം എച്ച്സിലെ കെ ഷബീർ അലിയുടെ നേതൃത്വത്തിൽ ആയിരുന്നു പരിശീലനം നൽകിയിരുന്നത്. അവധിക്കാല സമയത്ത് എല്ലാ വർഷവും ഖാദറലി ക്ലബ്ബ് ഇത്തരത്തിൽ ഫുട്ബോൾ കോച്ചിംഗ് ക്യാമ്പ് സംഘടിപ്പിക്കാറുണ്ട്. പിടിഎം ഗവൺമെൻറ് കോളേജ് മൈതാനിയിൽ നടന്ന സമാപന ചടങ്ങിന്റെ ഉദ്ഘാടനം നഗരസഭാ അധ്യക്ഷൻ പി ഷാജി നിർവഹിച്ചു. ക്യാമ്പിൽ പങ്കെടുത്ത മുഴുവൻ വിദ്യാർത്ഥികൾക്കും ജേഴ്സി വിതരണം ചെയ്ത് കൊണ്ടാണ് പരിപാടി ഉദ്ഘാടനം ചെയ്തത്. ക്ലബ്ബ് പ്രസിഡണ്ട്

സി മുഹമ്മദലി അധ്യക്ഷത വഹിച്ചു. സെക്രട്ടറി പച്ചീരി ഫാറൂഖ് ലഹരി വിരുദ്ധ പ്രതിജ്ഞ ചൊല്ലി കൊടുത്തു. ട്രഷറർ മണ്ണിൽ ഹസ്സൻ, എച്ച് മുഹമ്മദ് ഖാൻ, സി എച്ച് മുസ്തഫ, യൂസഫ് രാമപുരം, പാറയിൽ കരീം, പി പി നാസർ, അബ്ദുൽ ഖാദർ എന്ന അബ്ബാ , കുറ്റീരി ഹസ്സൻ , ഇ കെ നവാസ് തുടങ്ങിയവർ പങ്കെടുത്തു.

®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ