ഇന്ന് ലോക റേഡിയോ ദിനം; ഓര്‍മയുണ്ടോ കാതോര്‍ത്തിരുന്ന ആ കാലം?

Perinthalmanna Radio
Date: 13-02-2025

ഇന്ന് ലോക റേഡിയോ ദിനം. 1946 ഫെബ്രുവരി 13-നാണ് ഐക്യരാഷ്ട്ര സഭ റേഡിയോ പ്രക്ഷേപണം ആരംഭിച്ചത്. 1923ലാണ് ഇന്ത്യയില്‍ ആദ്യമായി റേഡിയോ ശബ്ദിച്ചു തുടങ്ങിയത്.

മലയാളികള്‍ക്ക് റേഡിയോ എന്നാല്‍ ഗൃഹാതുരമായ ഓര്‍മകളാണ്. ചൂടുചായക്കൊപ്പം റേഡിയോ കേട്ട് ഒരു ദിവസം തുടങ്ങിയിരുന്ന കാലമുണ്ടായിരുന്നു മലയാളികള്‍ക്ക്. മുറിയുടെ ഒരു കോണിലുള്ള റേഡിയോക്ക് മുന്നില്‍ കൗതുകത്തോടെ വാര്‍ത്തകളും പാട്ടുകളും കേട്ടിരുന്ന മനോഹരമായ കാലത്തിന്റെ ഓര്‍മകളാണ് ലോക റേഡിയോ ദിനം ഉണര്‍ത്തുന്നത്. നിത്യജീവിതത്തിലെ തിരക്കുകള്‍ക്കിടയിലും റേഡിയോ കേട്ടിരുന്ന മലയാളിയുടെ ഘടികാരവും റേഡിയോ ആയിരുന്നു.

അന്നത്തെ കാലത്ത് റേഡിയോയിൽ കേട്ടിട്ടുള്ള ഓരോ പരിപാടികളും  വാർത്ത വായിച്ചിരുന്നവരുടെ ശബ്ദം പോലും അവർക്ക് സുപരിചിതമായിരുന്നു. റേഡിയോയിലെ അന്നത്തെ ഫുട്ബോൾ, ക്രിക്കറ്റ് കമന്റ്രികളും സിനിമ, നാടക ശബ്ദരേഖയും ശ്രോതാക്കൾക്ക് വലിയ ആവേശം തന്നെയായിരുന്നു. ഇന്ന് റേഡിയോ ഉപയോഗിക്കുന്നവരുടെ എണ്ണം വളരെ കുറവാണ്. ടെലിവിഷനും, മൊബൈൽ ഫോണും എല്ലാം കടന്നു വന്നപ്പോള്‍ റേഡിയോ ആരും ഉപയോഗിക്കാതെയായി.

പുതിയ തലമുറക്ക് ആകശവാണി പ്രാദേശിക വാർത്തകൾ പരിചയപ്പെടുത്താൻ തുടങ്ങിയ പെരിന്തൽമണ്ണ റേഡിയോ വാട്സാപ്പ് ഗ്രൂപ്പുകളിലൂടെ ഇന്നും കാല് ലക്ഷത്തിലധികം  ആളുകള്‍ ആകശവാണി വാർത്തകൾ ആസ്വദിക്കുന്നു.

തിരക്കുപിടിച്ച ജീവിതത്തിനിടയിൽ ആകാശവാണി വാർത്ത പ്രക്ഷേപണം റേഡിയോ യിലൂടെ കേൾക്കാൻ കഴിയാത്തവർക്ക് അവരുടെ ഒഴിവു സമയങ്ങളിൽ ഇവ കേൾക്കാൻ അവസരം ഒരുക്കുകയാണ് പെരിന്തൽമണ്ണ റേഡിയോ.

റേഡിയോ വാർത്തകൾ നിങ്ങള്‍ക്കും വാട്സാപ്പിൽ ലഭിക്കാന്‍ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്ത് പെരിന്തൽമണ്ണ റേഡിയോ വാട്സാപ്പ് ഗ്രൂപ്പിൽ ചേരുക.

https://chat.whatsapp.com/Kw2z7JE7mRXJuiFDiLrY8H
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ