Perinthalmanna Radio
Date: 18-06-2025
പെരിന്തൽമണ്ണ: പെരിന്തൽമണ്ണയിലെ സ്വകാര്യ ബസ്സ്റ്റാൻഡായ മൂസക്കുട്ടി സ്റ്റാൻഡിലേക്ക് പട്ടാമ്പി റോഡിൽ നിന്ന് ഇറങ്ങുന്ന കവാടം ചൊവ്വാഴ്ച വൈകീട്ട് വീശിയടിച്ച ശക്തമായ കാറ്റിൽ തകർന്നു വീണു. ആളുകൾ കുറവുള്ള സമയമായതിനാൽ വലിയ അപകടമാണ് ഒഴിവായത്. പെരിന്തൽമണ്ണ അഗ്നിരക്ഷാ യൂണിറ്റ് എത്തിയാണ് കവാടം നീക്കം ചെയ്ത് ഗതാഗതം പുനഃ സ്ഥാപിച്ചത്. മഴയൊപ്പം ശക്തമായ കാറ്റ് പതിവായതോടെ നഗരത്തിലെ കെട്ടിടങ്ങൾക്കു മുകളിലെ വലിയ പരസ്യ ബോർഡുകൾ ഉൾപ്പെടെ വലിയ അപകട ഭീഷണിയാണ് ഉയർത്തുന്നത്. അനുമതി ഉള്ളതും ഇല്ലാത്തതും ഉൾപ്പെടെ നിരവധി ഭീമൻ പരസ്യ ബോർഡുകളാണ് നഗരത്തിലുള്ളത്. ഈ വിഷയത്തിൽ നഗരസഭാ അധികൃതർ അടിയന്തര പരിശോധന നടത്തണമെന്ന് ബസ് യാത്രക്കാരുടെ കൂട്ടായ്മ ആവശ്യപ്പെട്ടു.
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ