അങ്ങാടിപ്പുറം മേൽപ്പാലത്തിന്റെ കൈവരിയിൽ ലോറി ഇടിച്ചു

Perinthalmanna Radio
Date: 21-01-2026

പെരിന്തൽമണ്ണ: അങ്ങാടിപ്പുറം മേൽപ്പാലത്തിൽ നിയന്ത്രണം വിട്ട ലോറി കൈവരിയിലിടിച്ച് അപകടം. ചൊവ്വാഴ്ച രാത്രി 12:45-ഓടെയായിരുന്നു സംഭവം. ഇതര സംസ്ഥാനത്ത് നിന്നുള്ള ലോറിയാണ് അപകടത്തിൽപ്പെട്ടത്. ഇടിയുടെ ആഘാതത്തിൽ തകർന്ന ലോറി ക്യാബിനുള്ളിൽ കുടുങ്ങിപ്പോയ ഡ്രൈവറെ  പുറത്തെത്തിച്ചു. വിവരമറിഞ്ഞ് സ്ഥലത്തെത്തിയ മലപ്പുറം ജില്ലാ ട്രോമാ കെയർ പെരിന്തൽമണ്ണ സ്റ്റേഷൻ യൂണിറ്റ് പ്രവർത്തകർ രക്ഷാ പ്രവർത്തനത്തിന് നേതൃത്വം നൽകി. യൂണിറ്റ് ലീഡർ ജബ്ബാർ ജൂബിലിയുടെ നേതൃത്വത്തിൽ ഫവാസ് മങ്കട, സുമേഷ് വലമ്പൂർ, സുബീഷ് പരിയാപുരം, സനൂപ് തട്ടാരക്കാട്, നിസാം മാനത്ത് മങ്കലം എന്നിവരടങ്ങുന്ന സംഘമാണ് ഗതാഗതം നിയന്ത്രിക്കാനും രക്ഷാപ്രവർത്തനങ്ങൾക്കും മുന്നിട്ടിറങ്ങിയത്.
പിന്നീട് പെരിന്തൽമണ്ണ പോലീസ് സ്ഥലത്തെത്തുകയും രണ്ട് ക്രെയിനുകൾ ഉപയോഗിച്ച് അപകടത്തിൽപ്പെട്ട ലോറി നീക്കം ചെയ്യുകയും ചെയ്തതോടെ  മേൽപ്പാലത്തിലൂടെയുള്ള ഗതാഗതം പൂർണ്ണ തോതിൽ പുനഃസ്ഥാപിച്ചു.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ