Perinthalmanna Radio
Date: 22-06-2025
തിങ്കാളാഴ്ച സംസ്ഥാന വ്യാപകമായി വിദ്യാഭ്യാസ ബന്ദിന് ആഹ്വാനം ചെയ്ത് എ ബി വി പി. സംഘടന സംസ്ഥാന സെക്രട്ടറിയെ ഗുണ്ടകളെ ഉപയോഗിച്ച് ആക്രമിച്ചെന്ന് ആരോപിച്ചാണ് നടപടി.സംസ്ഥാന സർക്കാർ പിഎം ശ്രീ പദ്ധതിയില് ഒപ്പ് വെക്കണമെന്ന് അവശ്യപ്പെട്ട് സംസ്ഥാന വ്യാപകമായി എ ബി വി പി നടത്തുന്ന സമരങ്ങളെ പാർട്ടി ഗുണ്ടകളെ ഉപയോഗിച്ച് അടിച്ചമർത്താനാണ് പൊതുവിദ്യാഭ്യാസ മന്ത്രി വി ശിവൻകുട്ടി ശ്രമിക്കുന്നതെന്നും സംഘടന കുറ്റപ്പെടുത്തി.
കഴിഞ്ഞ ദിവസം രാത്രിയില് തിരുവനന്തപുരം തമ്ബാനൂരില് എ ബി വി പി സംസ്ഥാന സെക്രട്ടറിക്ക് നേരെ ഉണ്ടായ അക്രമണം ഇതിന് ഉദാഹരണമാണ്. 50 ഓളം വരുന്ന പാർട്ടി ഗുണ്ടകള് പോലീസിന് മുന്നില് വച്ചാണ് അതിക്രൂരമായ അക്രമം അഴിച്ച് വിട്ടത്. അക്രമത്തില് പ്രതികളായ ഗുണ്ടകളെ അറസ്റ്റ് ചെയ്യാതെ സംരക്ഷിക്കുകയാണ് ഇപ്പോഴും കേരള പോലീസ്. ഇതില് പ്രതിഷേധിച്ചും സംസ്ഥാനത്തുടനീളം എ ബി വി പി സമരങ്ങള്ക്കെതിരെ നടക്കുന്ന പോലീസ് അതിക്രമങ്ങളിലും പ്രതിഷേധിച്ച് തിങ്കളാഴ്ച സംസ്ഥാന വ്യാപകമായി എ ബി വി പി വിദ്യാഭ്യാസ ബന്ദിന് ആഹ്വാനം ചെയ്യുകയാണ്. കേരളത്തിലെ സാധാരണക്കാരായ സ്കൂള് വിദ്യാർത്ഥികള്ക്ക് അവരുടെ പഠനനിലവാരം കൂടുതല് മെച്ചപ്പെടുത്തുവാനും ആനുകൂല്യങ്ങള് ലഭിക്കുവാനും സാധിക്കുന്ന കേന്ദ്രസർക്കാർ പദ്ധതിയായ “പി. എം. ശ്രീ” യില് ഒപ്പ് വയ്ക്കും വരെ എ ബി വി പി സമരം തുടരും’, സംഘടന പ്രസ്താവനയില് അറിയിച്ചു.
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ