പെരിന്തൽമണ്ണ ബൈപ്പാസ് ജംഗ്ഷനിൽ ട്രാഫിക് സിഗ്നല്‍ പ്രവർത്തിച്ചതോടെ  ഗതാഗതകുരുക്ക് രൂക്ഷമായി

Perinthalmanna Radio
Date: 23-01-2025

പെരിന്തൽമണ്ണ: ഗതാഗത കുരുക്ക് രൂക്ഷമായ പെരിന്തൽമണ്ണ ബൈപ്പാസ് ജംഗ്ഷനിൽ അവസ്ഥ കൂടുതൽ ദുഷ്കരമാക്കി ട്രാഫിക് സിഗ്നൽ ലൈറ്റുകൾ. ഗതാഗത നിയന്ത്രണത്തിനു ട്രാഫിക് ലൈറ്റുകൾ ആവശ്യമാണെങ്കിലും പെരിന്തൽമണ്ണ ആയിഷ ബൈപ്പാസ് ജംഗ്ഷനിൽ ട്രാഫിക് ലൈറ്റുകൾ തെളിഞ്ഞ ശേഷമാണ് കുരുക്ക് വർധിച്ചത്. ഇന്ന് രാവിലെ മുതലാണ് ബൈപ്പാസ് ജംഗ്ഷനിൽ ട്രാഫിക് സിഗ്നലുകൾ പ്രവർത്തിച്ച് തുടങ്ങിയത്. പെരിന്തൽമണ്ണയിൽ നിന്ന് അങ്ങാടിപ്പുറം ഭാഗത്തേക്ക് പോകുന്ന വാഹനങ്ങൾ മുന്നോട്ട് നീങ്ങാതെ ഏറെനേരം റോഡിൽ സിഗ്നൽ കാത്ത് കിടന്നു. ഇന്നലെ വരെ  ജംഗ്ഷനിൽ ട്രാഫിക് നിയന്ത്രിച്ചിരുന്നത് ട്രാഫിക് പോലീസ് ആയിരുന്നു. ഓരോ റോഡിലേയും തിരക്കിന് അനുസരിച്ചായിരുന്നു  ട്രാഫിക് പോലീസ് വാഹനങ്ങളെ കടത്തി വിട്ടിരുന്നത്. ബൈപ്പാസ് റോഡിൽ നിന്നും അങ്ങാടിപ്പുറം ഭാഗത്തേക്കും പെരിന്തൽമണ്ണ ടൗണിൽ നിന്നും അങ്ങാടിപ്പുറം ഭാഗത്തേക്കുള്ള വാഹനങ്ങളെ ഒരേ സമയം കടത്തി വിട്ടായിരുന്നു ട്രാഫിക് പോലീസ് തിരക്കുള്ള സമയത്ത് ഗതാഗത കുരുക്ക് നിയന്ത്രിച്ചിരുന്നത്.

എന്നാൽ ട്രാഫിക് സിഗ്നൽ പ്രവർത്തിച്ച് തുടങ്ങിയ ഇന്നു മുതൽ  വാഹനങ്ങളുടെ നീണ്ട നിര സിഗ്നൽ കാത്ത് കിടപ്പാണ്. ഇത് കൂടുതലും ബാധിച്ചത് പെരിന്തൽമണ്ണ ടൗൺ ഭാഗത്ത് നിന്നും വരുന്ന വാഹനങ്ങളെയാണ്. ബൈപ്പാസ് ജംഗ്ഷനിൽ നിന്നും തുടങ്ങിയ വാഹനങ്ങളുടെ നീണ്ട നിര ചില സമയങ്ങളിൽ പഴയ മുനിസിപ്പാലിറ്റി വരെ എത്തി. പൊതുവെ തിരക്കേറിയ  വൈകുന്നേര സമയങ്ങളില്‍ ഇനി ഗതാഗത കുരുക്ക് രൂക്ഷമായേക്കും.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/Kw2z7JE7mRXJuiFDiLrY8H
——————————————–
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ