Perinthalmanna Radio
Date: 24-04-2025
ദേശീയപാത-66 ന്റെ ആറുവരിപ്പാതയില് ഇരുചക്ര വാഹനങ്ങള് ഓടിക്കാനാകില്ല. അവര്ക്കിനി സര്വീസ് റോഡ് തന്നെ രക്ഷ.
നിലവില് എക്സ്പ്രസ് ഹൈവേകളില് ഇരുചക്ര വാഹനങ്ങള്ക്ക് പ്രവേശനമില്ല. സര്വീസ് റോഡിലൂടെയാണ് യാത്ര. എന്നാല് കേരളത്തില് ബൈപ്പാസുകളില് ഉള്പ്പെടെ പല സ്ഥലത്തും സര്വീസ് റോഡില്ല. അത്തരം സ്ഥലങ്ങളില് പഴയ റോഡ് വഴി പോയി വീണ്ടും സര്വീസ് റോഡിലേക്ക് കടക്കണം. എന്നാല്, പാലങ്ങളില് സര്വീസ് റോഡില്ല. പുഴ കടക്കാന് വേറെ വഴിയുമില്ല. അതിനാല് അവിടെ ഇരുചക്ര വാഹനങ്ങളെയും അനുവദിക്കാന് ധാരണയായിട്ടുണ്ട്.
അതേ സമയം 60 മീറ്ററിലെ ആറുവരിപ്പാത 45 മീറ്ററിലേക്ക് ചുരുങ്ങിയപ്പോള് ഏറ്റവും കൂടുതല് ഞെരുങ്ങിയത് സര്വീസ് റോഡാണ്. ഇരുചക്ര വാഹനം ഉള്പ്പെടെ വേഗം കുറഞ്ഞ വണ്ടികള് ആറുവരിപ്പാതയിലെ ഏറ്റവും ഇടതു വശത്തെ ലൈനിലൂടെ അനുവദിക്കാമെന്ന നിര്ദേശം സര്ക്കാറിന് മുന്നിലുണ്ട്.
………………………………………..
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ