റിപ്പബ്ലിക് ദിനാഘോഷവും ഗാന്ധി പ്രതിമയുടെ അനാച്ഛാദനവും നടന്നു

Perinthalmanna Radio
Date: 26-01-2025

പെരിന്തൽമണ്ണ: പെരിന്തൽമണ്ണ സബ് കലക്ടർ ഓഫീസിൽ റിപ്പബ്ലിക് ദിനാഘോഷവും ഗാന്ധി പ്രതിമയുടെ അനാച്ഛാദനവും നടന്നു. റിപ്പബ്ലിക് ദിനാഘോഷത്തിൻ്റെ ഭാഗമായി സബ് കലക്ടർ അപൂർവ്വാ ത്രിപാഠി ഐഎഎസ് പതാക ഉയർത്തി. പെരിന്തൽമണ്ണ സർവ്വീസ് സഹരണ ബാങ്ക് നിർമ്മിച്ചു നൽകിയ ഗാന്ധി പ്രതിമ ജില്ലാ കലക്ടർ വി ആർ.വിനോദ് ഐഎഎസ് അനാച്ഛാദനം ചെയ്തു. പെരിന്തൽമണ്ണ സബ് കലക്ടർ ഓഫീസിൽ നടന്ന ചടങ്ങിൽ ഒറ്റപ്പാലം സബ് കലക്ടർ മിഥുൻ പ്രേംരാജ് ഐഎഎസ് മുഖ്യാതിഥിയായി പങ്കെടുത്തു. പെരിന്തൽമണ്ണ സർവ്വീസ് സഹരണ ബാങ്ക് പ്രസിഡൻ്റ് ഫാറൂക്ക് പച്ചീരിയെയും ഗാന്ധി പ്രതിമയുടെ ശില്പി കേരള ഗ്രാമവികസന സാനിറ്റേഷൻ സൊസൈറ്റി ശില്പിയായ ചേരാസ് രവിദാസിനും കലക്ടർ പൊന്നാട അണിയിച്ചു.

ചടങ്ങിൽ സബ് കലക്ടർ ഓഫീസിലെ സീനിയർ സൂപ്രണ്ട് പ്രസിൽ കെ.കെ, സൂപ്രണ്ടുമാരായ ബാസ്റ്റിൻ വി.വി, പ്രീതി സി.ബി സരിതകുമാരി കെ അനിൽ എ.വി, പെരിന്തൽമണ്ണ താസിൽദാർ ഹാരിസ് കപൂർ, എൽ. ആർ താസിൽദാർ വേണു ഗോപാൽ എ എന്നിവരും പങ്കെടുത്തു. സബ് കലക്ടർ അപൂർവ്വാ ത്രിപാഠിയും ജില്ലാ കലക്ടർ വി.ആർ. വിനോദും റിപ്പബ്ലിക് സന്ദേശങ്ങൾ നേർന്നു.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/Kw2z7JE7mRXJuiFDiLrY8H
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ