സ്വകാര്യ ബസുകളുടെ പണിമുടക്കിലും അങ്ങാടിപ്പുറത്ത് രൂക്ഷമായ ഗതാഗതക്കുരുക്ക്

Perinthalmanna Radio
Date: 26-06-2025

പെരിന്തൽമണ്ണ: അങ്ങാടിപ്പുറം വഴി സർവീസ് നടത്തുന്ന സ്വകാര്യ ബസുകൾ അനിശ്ചിത കാലത്തേക്ക് പണിമുടക്കിയിട്ടും അങ്ങാടിപ്പുറത്തെ ഗതാഗതക്കുരുക്ക് രൂക്ഷമായി തുടരുകയാണ്. രാവിലെ മുതൽ തുടങ്ങിയ രൂക്ഷമായ
ഗതാഗത കുരുക്കിൽ സ്കൂൾ വാഹനങ്ങൾ, സ്വകാര്യ വാഹനങ്ങൾ, ചരക്കുവാഹനങ്ങൾ തുടങ്ങി എല്ലാ തരത്തിലുള്ള വാഹനങ്ങളും കുടുങ്ങി. മേൽപാലത്തിന് സമീപത്തെ റോഡിലെ കുഴികളാണ് പാതയിലെ ഗതാഗത കുരുക്ക്  രൂക്ഷമാക്കുന്നത്.

മേൽപാലം പരിസരത്തെ കുണ്ടും കുഴിയുമുള്ള ഭാഗത്ത് കട്ട പതിക്കുന്നതിനു മാസങ്ങൾക്കു മുൻപ് അനുമതിയായതാണ്. ടെൻഡർ നടപടികളും പൂർത്തിയായിട്ട് ഏറെ നാളായി. മഴ ശക്തമാകുന്നതു വരെയും പ്രവൃത്തി ആരംഭിക്കാൻ സാധിക്കാതിരുന്നതിനു കാരണം ബന്ധപ്പെട്ട അധികൃതരുടെ അലംഭാവമാണെന്നാണ് ആക്ഷേപം. ഗതാഗതക്കുരുക്കിന് ആക്കം കൂട്ടുന്നതല്ലാതെ കുരുക്കഴിക്കാൻ കാര്യക്ഷമമായ ഒരു നടപടിയും ബന്ധപ്പെട്ട അധികൃതരുടെ ഭാഗത്തുനിന്ന് ഉണ്ടാകുന്നില്ലെന്നാണ് ആക്ഷേപം.

———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ