Perinthalmanna Radio
Date: 27-11-2023
പെരിന്തല്മണ്ണ: ജോലിക്കിടെ സ്വകാര്യ ബസില് നിന്നു വീണു മരിച്ച കണ്ടക്ടറുടെ കുടുംബത്തെ സഹായിക്കാന് 73 ബസുകള് സഹായ ഓട്ടം നടത്തി സ്വരൂപിച്ചത് 18,88,610 രൂപ. പെരിന്തല്മണ്ണ ബസ് സ്റ്റാന്ഡില് നിന്നു വിവിധ ഭാഗങ്ങളിലേക്ക് സര്വീസ് നടത്തുന്ന ബസുകള് കഴിഞ്ഞ 23ന് ശേഷം വിവിധ ദിവസങ്ങളിലാണ് സഹായ ഓട്ടം നടത്തിയത്. സ്കൂള് വിദ്യാർഥികൾ അടക്കമുള്ള ഒട്ടുമിക്ക യാത്രക്കാരും ഫുൾ ചാർജും അവരുടെ വിഹിതവും ചേർത്താണ് സഹായം നല്കിയത്.
പെരിന്തല്മണ്ണ മണ്ണാര്ക്കാട് റൂട്ടിലോടുന്ന പി.എം.എസ് ബസിലെ കണ്ടക്ടറായിരുന്ന നാട്ടുകല് സ്വദേശി മലപ്പുറം തലയപ്പാടിയന് ഫൈസല് ബാബു (38) ആണ് ജോലിക്കിടെ ബസില് നിന്നു റോഡിലേക്കു തെറിച്ചുവീണു മരിച്ചത്.
കഴിഞ്ഞ 14 ന് രാവിലെ പെരിന്തല്മണ്ണ മൂസക്കുട്ടി സ്മാരക ബസ് സ്റ്റാന്ഡിലേക്ക് പോകുമ്പോള് പെരിന്തല്മണ്ണ നഗരത്തില് പട്ടാമ്പി റോഡില് വെച്ചാണ് സംഭവം. ഉടന് ആശുപത്രിയില് പ്രവേശിപ്പിച്ചെങ്കിലും പിറ്റേന്ന് മരണപ്പെട്ടു. ഭാര്യയും മൂന്നു മക്കളുള്ളതാണ് ഫൈസല് ബാബുവിന്റെ കുടുംബം.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/EebnOh7UX6U4OzkN4Y860b
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ