Perinthalmanna Radio
Date: 28-08-2025
പെരിന്തല്മണ്ണ: പെരിന്തല്മണ്ണ നഗരസഭ കുടുംബശ്രീ സിഡിഎസിന്റെ ഓണം വിപണന മേള കോടതിപ്പടിയില് ആരംഭിച്ചു. നഗരസഭാ ചെയർമാൻ പി.ഷാജി പൊതുപ്രവർത്തകൻ എം. രാധാകൃഷ്ണന് ഓണക്കിറ്റ് വിതരണം ചെയ്താണ് മേള ഉദ്ഘാടനം ചെയ്തത്. വൈസ് ചെയർപേഴ്സണ് നസീറ അധ്യക്ഷത വഹിച്ചു. കുടുംബശ്രീയുടെ 20 ലധികം സംരംഭകരാണ് മേളയില് പങ്കെടുക്കുന്നത്.
കുടുംബശ്രീ സംരംഭകരുടെ തനത് ഭക്ഷ്യവിഭവങ്ങള്, ജൈവ പച്ചക്കറി, പൂക്കള്, മസാലപ്പൊടികള്, ചിപ്സ്, ക്ലീനിംഗ് ഉത്പന്നങ്ങള് തുടങ്ങി വൈവിധ്യമാർന്ന ഉത്പന്നങ്ങള് ലഭ്യമാണ്. സ്ത്രീകളുടെ സാന്പത്തിക, സാമൂഹിക ഉന്നമനം ലക്ഷ്യമിട്ട് കുടുംബശ്രീ ആരംഭിച്ച സംരംഭങ്ങള്ക്ക് കൂടുതല് വരുമാനവും പൊതുവിപണിയില് കുടുംബശ്രീ ഉത്പ്പന്നങ്ങള് ലഭ്യമാക്കുകയുമാണ് ലക്ഷ്യം.
കുടുംബശ്രീ അംഗങ്ങളുടെ വീടുകളില് നിന്ന് ശേഖരിച്ച സാരികള് കൊണ്ട് തയാറാക്കിയ തുണി സഞ്ചികള് മേളയില് സൗജന്യമായി നല്കും. ചടങ്ങില് സ്റ്റാൻഡിംഗ് കമ്മിറ്റി ചെയർമാൻ കെ. ഉണ്ണികൃഷണൻ, കുടുംബശ്രീ ഉപസമിതി കണ്വീനർമാരായ എ. വസന്തകുമാരി, സി. ഉഷ, കെ.ടി. അനീഷ, എൻയുഎല്എം സിറ്റി മിഷൻ മനേജർ സുബൈറുല് അവാൻ,
ബ്ലോക്ക് കോ ഓർഡിനേറ്റർമാരായ ഒ. സ്മിത, കെ. രമ്യ, പി. ജിനി, ജീന വിജയൻ, എംഇ കണ്സള്ട്ടന്റ് ഡി. രജനി, സിഡിഎസ് മെംബർമാർ, സംരംഭകർ എന്നിവർ സംബന്ധിച്ചു. കുടുംബശ്രീ സിഡിഎസ് ചെയർപേഴ്സണ് പി.കെ. സീനത്ത് സ്വാഗതവും ഉപജീവന വികസന ഉപസമിതി കണ്വീനർ കെ. ശ്രീജ നന്ദിയും പറഞ്ഞു. സെപ്റ്റംബർ നാല് വരെ മേള ഉണ്ടായിരിക്കും.
———————————————
Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ