Perinthalmanna Radio
Date: 31-03-2026
പെരിന്തൽമണ്ണ:* നഗരത്തിലെ പ്രധാന പാതകളിലൊന്നായ ജൂബിലി റോഡിന്റെ പുനരുദ്ധാരണ പ്രവർത്തനങ്ങളിൽ സുപ്രധാന ഘട്ടമായ ലെവലിങ് പ്രവൃത്തികൾക്ക് തുടക്കമായി. റോഡ് പൂർണ്ണമായും ബി.എം.ബി.സി. (BMBC) നിലവാരത്തിലേക്ക് ഉയർത്തുന്നതിന്റെ മുന്നോടിയായാണ് നിലവിലെ പ്രവൃത്തികൾ നടക്കുന്നത്. പകൽ സമയങ്ങളിൽ ബസ്സുകൾ ഉൾപ്പെടെയുള്ള വാഹനങ്ങളുടെ ഗതാഗതം തടസ്സപ്പെടുത്താതെ, രാത്രിയിൽ മാത്രമാണ് നിലവിൽ നിയന്ത്രണം ഏർപ്പെടുത്തിയിരിക്കുന്നത്.
മാർച്ച് 29 മുതൽ ഏപ്രിൽ 2 വരെ രാത്രി വൈകുന്നേരം 7 മണി മുതൽ രാവിലെ 6 മണി വരെയാണ് ഈ പാതയിലൂടെയുള്ള വാഹന ഗതാഗതം പൂർണ്ണമായും നിരോധിച്ചിരിക്കുന്നത്. നവീകരണ പ്രവർത്തനങ്ങൾ വേഗത്തിൽ പൂർത്തിയാക്കുന്നതിന്റെ ഭാഗമായാണ് രാത്രി കാലങ്ങളിൽ പ്രവൃത്തികൾ ക്രമീകരിച്ചിരിക്കുന്നത്. യാത്രക്കാർ ഈ സമയക്രമം ശ്രദ്ധിക്കണമെന്നും ബദൽ പാതകൾ ഉപയോഗിക്കണമെന്നും പെരിന്തൽമണ്ണ നഗരസഭ മുൻസിപ്പൽ എൻജിനീയർ അറിയിച്ചു.
നിലവിൽ റോഡിലെ പൊടിശല്യവും യാത്രാ ദുരിതവും കാരണം വലിയ പ്രയാസം നേരിടുന്ന നാട്ടുകാർക്ക്, ലെവലിങ് പ്രവൃത്തികൾ ആരംഭിക്കുന്നത് ആശ്വാസകരമാണ്. എത്രയും വേഗത്തിൽ ബി.എം.ബി.സി. പ്രവൃത്തികൾ കൂടി പൂർത്തിയാക്കി റോഡ് പൂർണ്ണ സജ്ജമാക്കണമെന്നാണ് പ്രദേശവാസികളുടെ ആവശ്യം.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ