മങ്കട ടൗണിലും  പരിസരങ്ങളിലും കുരങ്ങുകളുടെ വിളയാട്ടം

Perinthalmanna Radio
Date: 31-08-2024

മങ്കട: ടൗണില്‍ മേലെ അങ്ങാടിയില്‍ കൂട്ടില്‍ റോഡിലും പരിസരങ്ങളിലും കുരങ്ങുകളുടെ വിളയാട്ടം. കഴിഞ്ഞ ഏതാനും ദിവസങ്ങളിലായി ഇടക്കിടെ ഈ ഭാഗത്തേക്ക് കുരങ്ങുകള്‍ ഇറങ്ങി വരുന്നു. കെട്ടിടത്തിന്റെ മുകളിലും വൈദ്യുതി ലൈനുകളിലുമാണ് കറക്കം. നാട്ടുകാർക്ക് കൗതുകമെന്നതിലുപരി വ്യാപാരികള്‍ക്ക് ഇവ ഭീഷണിയാണ്.

ഏതാനും മാസങ്ങള്‍ക്കു മുമ്പ് മങ്കട പെട്രോള്‍ പമ്പ് പരിസരങ്ങളില്‍ കുരങ്ങിന്റെ ശല്യം ഉണ്ടായിരുന്നു. കടകളില്‍നിന്ന് സാധനങ്ങള്‍ എടുത്തു കൊണ്ടു പോകുന്നതായി പരാതിയുണ്ടായിരുന്നു.

മങ്കട പാലക്കത്തടത്തും ഈയിടെയായി റോഡരികില്‍ കുരങ്ങുകളുടെ സാന്നിധ്യമുണ്ട്. ടൗണിന്റെ പിറകുവശത്തുള്ള കുന്നിലെ ഉപവനങ്ങളില്‍ നിന്നാണ് കുരങ്ങുകള്‍ എത്തുന്നത് എന്നാണ് നിഗമനം. എന്നാല്‍, ചുരത്തില്‍ നിന്നും മറ്റും ചരക്കുലോറികളിലൂടെ പ്രദേശത്ത് കുരങ്ങുകള്‍ എത്തുന്നതായും നാട്ടുകാർ പറയുന്നു.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/Le59EJtlZge2SmuDB0TtUF
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ