വെള്ളിലയിൽ പുലിയെ കണ്ട സംഭവം; വനംവകുപ്പ് പരിശോധന നടത്തി

Perinthalmanna Radio
Date: 07-11-2023

മങ്കട : വെള്ളിലയിൽ പുലിയെ കണ്ടെന്ന സംശയത്തെ തുടർന്ന് വനം വകുപ്പ് അധികൃതർ സ്ഥലം സന്ദർശിച്ചു. ക്രഷറിലേക്ക് മെറ്റൽ എടുക്കാൻ പോവുകയായിരുന്ന ലോറി ഡ്രൈവറാണ് പുലി റോഡ് മുറിച്ച് കിടക്കുന്നത് കണ്ടത്. വെള്ളില കടുക്ക സിറ്റിക്കും വ്യൂ പോയിന്റിനും ഇടയിലുള്ള റബർ തോട്ടത്തിൽ നിന്നു തെങ്ങിൻ തോപ്പിലേക്ക് റോഡ് മുറിച്ച് കിടക്കുന്നതായി കണ്ടതായാണ് കടന്നമണ്ണ സ്വദേശിയായ ഷബീർ പറഞ്ഞത്.

വാർഡംഗം പി. ജംഷീറിന്റെ നേതൃത്വത്തിൽ നാട്ടുകാർ നൽകിയ പരാതിയിൽ തിങ്കളാഴ്ച പുലിയുടെ കാൽപ്പാടുകൾ പരിശോധിച്ചു. ഇവ പുലിയുടേതാണെന്ന് സ്ഥിരീകരിച്ചാൽ ക്യാമറ സ്ഥാപിക്കാനാണ് തീരുമാനം. പരിശോധനയ്ക്ക് ബീറ്റ് ഫോറസ്റ്റ്‌ ഓഫീസർമാരായ രഞ്ജിത്ത്, ധന്യരാജ്, ഫോറസ്റ്റ് വാച്ചർ ഉണ്ണികൃഷ്ണൻ, ഡ്രൈവർ അനീഷ് ബാബു, വാർഡ് അംഗം പി. ജംഷീർ എന്നിവർ നേതൃത്വം നൽകി.
………………………………………..
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/EebnOh7UX6U4OzkN4Y860b
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ