അങ്ങാടിപ്പുറം സ്‌റ്റേഷൻ്റെ വികസന സ്വപ്നങ്ങള്‍ക്ക് പുത്തന്‍ പ്രതീക്ഷ പകർന്ന് അമൃത് ഭാരത് പദ്ധതി

Share to

Perinthalmanna Radio
Date: 10-02-2023

അങ്ങാടിപ്പുറം:  കേന്ദ്രത്തിന്റെ അമൃത് ഭാരത് സ്‌റ്റേഷൻ പദ്ധതിയിൽ വികസന പ്രതീക്ഷയർപ്പിച്ച് അങ്ങാടിപ്പുറം റെയിൽവേ സ്‌റ്റേഷൻ. 10 കോടി രൂപയുടെ തുടർ വികസന പദ്ധതികൾ നടപ്പാക്കുമെന്നാണ് കേന്ദ്രം പ്രഖ്യാപിച്ചിട്ടുള്ളത്.  ഭാവി വികസനം കൂടി മുൻകൂട്ടി കണ്ടുകൊണ്ട് റെയിൽവേ സ്‌റ്റേഷന്റെ സമഗ്ര മാസ്‌റ്റർ പ്ലാൻ തയാറാക്കി ഘട്ടം ഘട്ടമായി വികസന പദ്ധതികൾ നടപ്പാക്കുന്നതാണ് അമൃത് ഭാരത് പദ്ധതി. തിരഞ്ഞെടുക്കപ്പെട്ട സ്‌റ്റേഷനുകളിൽ ഓരോന്നിലും 10 കോട‌ി രൂപ വീതമുള്ള തുടർ വികസന പദ്ധതികളാണ് നടപ്പാക്കുക.

നിലവിൽ നടന്നു കൊണ്ടിരിക്കുന്ന വികസന പ്രവർത്തനങ്ങളുടെ തുടർച്ചയായി ദീർഘകാലാടിസ്ഥാനത്തിലുള്ള വികസനമാണ് സ്‌റ്റേഷനിൽ നടപ്പാക്കുക. ഫ്ലാറ്റ്ഫോം നവീകരണം, റോഡ് വീതി കൂട്ടൽ, ആവശ്യമില്ലാത്ത ഘടനകൾ നീക്കൽ, സൈനേജുകൾ, പാർക്കിങ് ഏരിയ, വൈദ്യുത വിളക്കുകൾ തുടങ്ങിയവ പദ്ധതിയുടെ ഭാഗമാണ്. രണ്ടാമത്തെ എൻട്രി സ്‌റ്റേഷൻ കെട്ടിടവും സർക്കുലേറ്റിങ് ഏരിയയും സ്‌റ്റേഷന്റെ ആവശ്യങ്ങൾക്കനുസരിച്ച് മെച്ചപ്പെടുത്തും. ഹൈലെവൽ പ്ലാറ്റ്ഫോമുകൾ സജ്ജമാക്കാനും പദ്ധതി ലക്ഷ്യമിടുന്നുണ്ട്.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/BuEppF2WClmF172FMFIJJx
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ

Share to

Leave a Reply

Your email address will not be published. Required fields are marked *