അങ്ങാടിപ്പുറം മേൽപ്പാലത്തിൽ ബസ് കുടുങ്ങി; ദേശീയ പാതയിൽ കുരുക്കോടുകുരുക്ക്

Perinthalmanna Radio
Date: 18-12-2022

അങ്ങാടിപ്പുറം: മേൽപ്പാലത്തിലേക്ക് കയറിയ ബസ് പാലത്തിനു മുകളിൽവെച്ച് തകരാറായി. ബസ് പാലത്തിൽ നിർത്തിയിടേണ്ടിവന്നത് കാരണം അങ്ങാടിപ്പുറവും പെരിന്തൽമണ്ണയും രൂക്ഷമായ ഗതാഗതക്കുരുക്കിലകപ്പെട്ടു. യാത്രക്കാർ ഏറെനേരം വലഞ്ഞു.

ശനിയാഴ്ച ഉച്ചയ്ക്ക് 2.45-നാണ് അങ്ങാടിപ്പുറം ഭാഗത്തുനിന്ന് പെരിന്തൽമണ്ണയിലേക്ക് പോകുകയായിരുന്ന സ്വകാര്യ ബസ് പാലത്തിന് നടുവിൽ തകരാറിലായത്. ഇതോടെ വാഹനങ്ങളുടെ നീണ്ട നിരതന്നെ രൂപപ്പെട്ടു.

പെരിന്തൽമണ്ണയിലേക്ക് പോകുന്ന വശത്തെ വാഹനങ്ങളാണ് കുരുക്കിൽപ്പെട്ടത്. തളി ജങ്ഷൻ മുതൽ പെരിന്തൽമണ്ണ വരെ വാഹനങ്ങൾ നീങ്ങാനാകാതെ നിർത്തിയിടേണ്ടിവന്നു.

ട്രാഫിക് പോലീസ് സ്ഥലത്തെത്തി ഗതാഗതം നിയന്ത്രിച്ചു. യാത്രക്കാരും നാട്ടുകാരും ചേർന്ന് ബസ് തള്ളി പാലത്തിൽനിന്ന് ഇറക്കിയാണ് ഗതാഗതക്കുരുക്ക് ഒഴിവാക്കിയത്.

പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/FI3ej2Q2HPOAVXXzE9Z7oK

®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ