Perinthalmanna Radio
Date: 04-02-2023
പെരിന്തൽമണ്ണ: നിയോജക മണ്ഡലം കാത്തിരുന്ന സ്വപ്ന പദ്ധതികളുടെ പൂർത്തീകരണം ഉൾപ്പെടെ 17 പദ്ധതികൾക്ക് ബജറ്റിൽ 100 രൂപ വീതം ടോക്കൺ മണിയിൽ ഒതുങ്ങി. അതേ സമയം 3 പദ്ധതികൾക്ക് ബജറ്റിൽ 5 കോടി രൂപ വകയിരുത്തി. തേലക്കാട് ജിഎൽപി സ്കൂൾ കെട്ടിടം (1 കോടി), അമ്മിനിക്കാട് ഒടമല പാറൽ റോഡ് നവീകര ണം (3 കോടി), ആലിപ്പറമ്പ് കുടുംബാരോഗ്യ കേന്ദ്രം കെട്ടിട നിർമാണം (1 കോടി) എന്നിവയ്ക്കാണ് തുക അനുവദിച്ചത്. ഇവയ്ക്ക് 20 ശതമാനം തുകയായ 1 കോടി രൂപയാണ് ഉൾപ്പെടുത്തിയിട്ടുള്ളത്. നജീബ് കാന്തപുരം എം.എൽ.എ. സമർപ്പിച്ച 20 പദ്ധതി നിർദേശങ്ങളിൽപ്പെട്ടതാണ് ഈ മൂന്നെണ്ണം. ബാക്കി 17 എണ്ണത്തിന് 100 രൂപ വീതം വകയിരുത്തി ബജറ്റിൽ ഉൾപ്പെടുത്തിയിട്ടുണ്ട്. ആകെ 157.60 കോടി രൂപ അടങ്കൽ വരുന്ന പദ്ധതി നിർദേശങ്ങളാണ് സമർപ്പിച്ചിരുന്നത്.
രാമഞ്ചാടി, വെട്ടിച്ചുരുക്ക് കുടിവെള്ളപദ്ധതി പ്രദേശത്ത് റെഗുലേറ്റർ നിർമിക്കുന്നതിന് (25 കോടി), കൊടികുത്തിമല ടൂറിസം കേന്ദ്രം വികസനം (10 കോടി), വ്യവസായ പാർക്ക് (10 കോടി), ഇൻഡോർ സ്റ്റേഡിയം അടക്കമുള്ള സ്പോർട്സ് കോംപ്ലക്സ് (13 കോടി), ഏലംകുളം -മാട്ടായ പറയൻതുരുത്ത് പാലം (എട്ടുകോടി), ഓരാടം പാലം -മാനത്തുമംഗലം ബൈപ്പാസ് നിർമാണം (15 കോടി) തുടങ്ങിയവയായിരുന്നു പ്രധാന പദ്ധതി നിർദേശങ്ങൾ. ബജറ്റിൽ കൂടുതൽ തുക ലഭ്യമാവുമെന്ന് പ്രതീക്ഷിച്ചിരുന്നുവെന്നും ഇടംനേടിയ മറ്റ് പ്രവൃത്തികൾ കൂടി നേടിയെടുക്കുന്നതിന് ശ്രമം നടത്തുമെന്നും എം.എൽ.എ. പറഞ്ഞു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/BuEppF2WClmF172FMFIJJx
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ