Perinthalmanna Radio
Date: 06-05-2023
കൊണ്ടോട്ടി: കരിപ്പൂർ വിമാനത്താവളത്തിലെ റൺവേ റീകാർപെറ്റിങ്ങിന്റെ രണ്ടാംഘട്ടം പൂർത്തിയാകുന്നു. മൂന്നു പാളികളായുള്ള ടാറിങ്ങിന്റെ രണ്ടാംപാളിയുടെ ടാറിങ്ങാണ് പൂർത്തിയായത്. ക്വാറി -ക്രഷർ സമരവും പ്രതികൂല കാലാവസ്ഥയും കാരണം നിലച്ച ടാറിങ് പ്രവൃത്തി കഴിഞ്ഞ ദിവസം പുനരാരംഭിച്ചു. മൂന്നാമത്തെ പാളി ടാറിങ് മൂന്നാഴ്ചയ്ക്കകം പൂർത്തിയാക്കാനാണു ശ്രമം. ക്വാറി സമരത്തിന് ശേഷം മെറ്റൽ ലഭ്യത കുറഞ്ഞിട്ടുണ്ട്. നേരത്തെ 30 -40 ലോഡ് മെറ്റൽ വന്നിരുന്നത് ഇപ്പോൾ 10 -15 ലോഡ് ആയി കുറഞ്ഞതായി കരാർ കമ്പനിയധികൃതർ പറഞ്ഞു. മേയ് 30-നുള്ളിൽ റീ കാർപെറ്റിങ് പ്രവൃത്തികൾ പൂർത്തിയാക്കാനാണ് ലക്ഷ്യമിടുന്നത്. ടാറിങ്ങിനൊപ്പം റൺവേയുടെ വശങ്ങളിൽ മണ്ണിട്ടു നികത്തിൽ, റൺവേ സെൻട്രൽ ലൈൻ ലൈറ്റ് സ്ഥാപിക്കൽ തുടങ്ങിയ പ്രവൃത്തികളും ഇതോടൊപ്പമുണ്ട്. മൊത്തം 56 കോടി രൂപയുടെ പ്രവൃത്തികളാണ് പുരോഗമിക്കുന്നത്.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/D0DhxRdTjOQ5CuMBUmEPjg
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ