മങ്കട സിഎച്ച് സെന്ററിന് മുപ്പത് ലക്ഷം രൂപ കൈമാറി

Perinthalmanna Radio
Date: 23-09-2023

മങ്കട: മങ്കടയിൽ നിർമ്മിക്കുന്ന സി എച്ച് സെന്ററിന് വേണ്ടി റിയാദ് മങ്കട നിയോജക മണ്ഡലം കെഎംസിസി കമ്മിറ്റി സ്വരൂപ്പിച്ച മുപ്പത് ലക്ഷം രൂപ കൈമാറി. പാണക്കാട് വെച്ച് നടന്ന ചടങ്ങിൽ ആദരണീയനായ സയ്യിദ് സ്വാദിഖലി ശിഹാബ് തങ്ങളാണ് ഫണ്ട് മങ്കട സി എച്ച് സെന്റർ ഭാരവാഹികൾക്ക് കൈമാറിയത്.

നിർമ്മാണം പൂർത്തിയാവുന്ന സി എച്ച് സെന്റർ അത്യാധുനിക സൗകര്യങ്ങളോടെയാണ് വിഭാവനം ചെയ്തിട്ടുള്ളത്. ഡയാലിസിസ്, ഫിസിയോ തെറാപ്പി, ഫാർമസി, ഹൈട്ടക് മെഡിക്കൽ ലബോറട്ടറി, ആംബുലൻസ് സർവ്വീസ് തുടങ്ങി പാവപ്പെട്ട രോഗികൾക്ക് ആവശ്യമായ എല്ലാ സേവനങ്ങളും ഉറപ്പ് നൽകുന്ന മങ്കട സി എച്ച് സെന്റർ ആരോഗ്യ രംഗത്തും ജീവ കാരുണ്യ രംഗത്തും വലിയ മാതൃകയാവുകയാണ്. അത്യാധുനിക മെഡിക്കൽ ലബോറട്ടറിയുടെ പൂർണ്ണമായ സജ്ജീകരണം റിയാദ് കമ്മിറ്റിയാണ് ഏറ്റെടുത്തിട്ടുള്ളത്.
സെന്ററിന്റെ നിർമ്മാണാരംഭം മുതൽ റിയാദ് മങ്കട മണ്ഡലം കെഎംസിസി കമ്മിറ്റിയും സി എച്ച് സെന്റർ റിയാദ് ചാപ്റ്റർ കമ്മിറ്റിയും അകമഴിഞ്ഞ പിന്തുണ നൽകി വരികയാണ്.

ചടങ്ങിൽ നിയോജക മണ്ഡലം എം എൽ എ മഞ്ഞളാകുഴി അലി, മലപ്പുറം ജില്ലാ സെക്രട്ടറി ഉമ്മർ അറക്കൽ, മങ്കട മണ്ഡലം പ്രസിഡണ്ട്
കുന്നത്ത് മുഹമ്മദ്, മണ്ഡലം ജനറൽ സെക്രട്ടറി  അഡ്വ: കുഞ്ഞാലി, മണ്ഡലം ട്രഷറർ ഹനീഫ പെരിഞ്ചീരി, സൗദി നാഷണൽ കമ്മിറ്റി സെക്രട്ടറിയേറ്റ് അംഗങ്ങളായ ഉസ്മാനലി പാലത്തിങ്ങൽ, തെന്നല മൊയ്‌തീൻകുട്ടി, റിയാദ് മലപ്പുറം ജില്ലാ കെഎംസിസി പ്രസിഡണ്ട് മുഹമ്മദ് വേങ്ങര, റിയാദ് മങ്കട മണ്ഡലം കെഎംസിസി പ്രസിഡണ്ട് നജ്മുദ്ദീൻ മഞ്ഞളാംകുഴി, മണ്ഡലം ഭാരവാഹികളായ അലിക്കുട്ടി തൈക്കാടൻ, ഫാറൂഖ് തിരൂർക്കാട്, റഫീഖ് പൂപ്പലം റിയാദ് കെഎംസിസി മങ്കട മണ്ഡലത്തിന് കീഴിലുള്ള വിവിധ പഞ്ചായത്ത് ഭാരവാഹികളും പ്രവർത്തകരും  പങ്കെടുത്തു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണ റേഡിയോ ഇപ്പോൾ വാട്‌സാപ്പ് ചാനലിലും ലഭ്യമാണ്

താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്ത് നിങ്ങൾക്കും ചാനലുകൾ ഫോളോ ചെയ്യാം

———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/Kg2gYKAQbPR4xhGJ117pqW
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ