മുഖ്യമന്ത്രിക്കു നേരെ പെരിന്തൽമണ്ണയിൽ കരിങ്കൊടി പ്രതിഷേധം

Perinthalmanna Radio
Date: 16-05-2023

പെരിന്തൽമണ്ണ: മുഖ്യമന്ത്രി പിണറായി വിജയന് നേരെ പെരിന്തൽമണ്ണയിൽ യൂത്ത് ലീഗിന്‍റെ കരിങ്കെ‍ാടി പ്രതിഷേധം. പെരിന്തൽമണ്ണ കെഎസ്ആർടിസി ഡിപ്പോ സമീപത്ത് വെച്ചാണ് പെരിന്തൽമണ്ണയിലെ യൂത്ത് ലീഗ് പ്രവർത്തകർ കരിങ്കൊടി കാണിച്ചത്. പെരിന്തൽമണ്ണ അർബൻ കോ- ഓപ്പറേറ്റീവ് ബാങ്ക് ഉദ്ഘാടനം കഴിഞ്ഞ് മടങ്ങവെയാണ് സംഭവം. ഷിഫ കൺവെൻഷൻ സെൻ്ററിൽ അടുത്ത പരിപാടിക്കായി മുഖ്യമന്ത്രി ഇതു വഴി യാത്ര ചെയ്യുന്നുണ്ടെന്ന് അറിഞ്ഞ പ്രവർത്തകർ മുൻകൂട്ടി ഈ പ്രദേശത്ത് തമ്പടിച്ചിരുന്നു. തുടർന്ന് 11:30 ഓടെയാണ് കരിങ്കൊടി കാട്ടിയത്. താനൂർ ബോട്ട് അപകടത്തിൽ കുറ്റക്കാരെ മുഖ്യമന്ത്രി സംരക്ഷിക്കുക ആണെന്നും എ.ഐ ക്യാമറയിലെ അഴിമതിയിൽ  മുഖ്യമന്ത്രിക്കും വലിയ പങ്ക് ഉണ്ടെന്നും ഇതിൽ പ്രതിഷേധിച്ചാണ് കരിങ്കൊടി പ്രതിഷേധം സംഘടിപ്പിച്ചത്.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/D0DhxRdTjOQ5CuMBUmEPjg
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ