റോക്കറ്റ് വേഗത്തിൽ വിമാന ചാർജ്ജ്; പ്രവാസികൾ പ്രതിസന്ധിയിൽ

Perinthalmanna Radio
Date: 27-03-2023

മലപ്പുറം: കേരളത്തിലെയും ഗൾഫിലെയും സ്‌കൂൾ അവധിയും വിഷു, പെരുന്നാൾ ആഘോഷങ്ങളും ലക്ഷ്യമിട്ട് ടിക്കറ്റ് നിരക്ക് മൂന്നിരട്ടിയിലധികം വർദ്ധിപ്പിച്ച് വിമാന കമ്പനികളുടെ കൊള്ള. ഇക്കാര്യത്തിൽ ഇന്ത്യൻ,​വിദേശ കമ്പനികൾ ഒരുപോലെ മത്സരിക്കുകയാണ്. മേയ് അവസാനം വരെ ഉയർന്ന നിരക്കാണ്. യു.എ.ഇയിൽ സ്‌കൂളുകൾക്ക് വേനലവധി തുടങ്ങി. റംസാൻ നോമ്പിന് നാട്ടിലെത്തുന്നവരുടെ എണ്ണവും കൂടി. ദുബായ് – കേരള സെക്ടറിൽ ശരാശരി 10,​000 രൂപയ്ക്കുള്ളിൽ ലഭിച്ചിരുന്ന ടിക്കറ്രുകളുടെ നിരക്കിപ്പോൾ 30,​000 രൂപ വരെയായി. മറ്റ് ഗൾഫ് രാജ്യങ്ങളിലേക്കും സമാനമായ വർദ്ധനവുണ്ട്.

താരതമ്യേനെ ടിക്കറ്റ് നിരക്ക് കുറവുള്ള എയർഇന്ത്യ വേനൽകാല ഷെഡ്യൂളിന്റെ ഭാഗമായി കോഴിക്കോട്ടേക്കുള്ള ദുബായ്, ഷാർജ സർവീസുകൾ ഇന്നലെ മുതൽ അവസാനിപ്പിച്ചത് പ്രതിസന്ധി വർദ്ധിപ്പിക്കും. 256 പേർക്ക് സഞ്ചരിക്കാവുന്ന ദുബായ് – കൊച്ചി ഡ്രീംലൈനർ സർവീസ് മാർച്ച് 10ന് അവസാനിപ്പിച്ച് പകരം 170 പേർക്ക് സഞ്ചരിക്കാവുന്ന ചെറിയ വിമാനമാണ് ഏർപ്പെടുത്തിയത്. എയർഇന്ത്യയുടെ റൂട്ടുകളിൽ എയർഇന്ത്യ എക്സ്പ്രസ് സർവീസ് നടത്തുമെങ്കിലും സീറ്റുകളുടെ കുറവ് പരിഹരിക്കപ്പെടില്ല.

*ഏപ്രിൽ ആദ്യ ആഴ്ചയിലെ എയർ ഇന്ത്യ എക്സ്പ്രസ് നിരക്ക്*

അബുദാബി – കോഴിക്കോട് 18,500
കോഴിക്കോട് – അബുദാബി 32,000
ബഹ്റൈൻ – കോഴിക്കോട് 15,000
കോഴിക്കോട് – ബഹ്റൈൻ 35,200

കൊച്ചി – ദുബായ് 33,700
ദുബായ് – കൊച്ചി 12,600
കൊച്ചി – ദോഹ 42,200
ദോഹ – കൊച്ചി 17,900

കണ്ണൂർ – ജിദ്ദ 51,000
ജിദ്ദ – കണ്ണൂർ 29,000
കണ്ണൂർ – ഷാർജ 34,000
ഷാർജ – കണ്ണൂർ 12,400

തിരുവനന്തപുരം – ദമാം 45,000
ദമാം – തിരുവനന്തപുരം 22,800
തിരുവനന്തപുരം – ദുബായ് 32,900
ദുബായ് – തിരുവനന്തപുരം 20,000
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/E2dEC1CYZr68WrVmzEEgSL
———————————————
*®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ