Perinthalmanna Radio
Date: 20-12-2022
പട്ടിക്കാട്: ജില്ലയിൽ സെവൻസ് ഫുട്‌ബോൾ ആവേശത്തിന് ആരവമുയർന്നു. ജില്ലയിലെ ഏറ്റവും പഴക്കമേറിയ ഫുട്‌ബോൾ ടൂർണമെന്റുകളിലൊന്നായ കാദറലി അഖിലേന്ത്യാ സെവൻസ് ഫുട്‌ബോളിന് തിങ്കളാഴ്ച പട്ടിക്കാട് ഗവ. ഹൈസ്കൂൾ മൈതാനത്ത് തുടക്കമായി. ഉദ്ഘാടന മത്സരത്തിൽ ലിൻഷ മണ്ണാർക്കാട് ലക്കി സോക്കർ കോട്ടപ്പുറത്തെ പരാജയപ്പെടുത്തി(സ്കോർ 3-1). ചൊവ്വാഴ്ച ജവഹർ മാവൂരും എ.വൈ.സി. ഉച്ചാരക്കടവും തമ്മിലാണ് മത്സരം. പി. അബ്ദുൾഹമീദ് എം.എൽ.എ. ഉദ്ഘാടനംചെയ്തു. നജീബ് കാന്തപുരം എം.എൽ.എ. മുഖ്യതിഥിയായിരുന്നു. പച്ചീരി ഫാറൂഖ്,എ.കെ. മുസ്തഫ, എ.ഡി.എം. മെഹറലി, ബി. രതീഷ്, ഡോ. ഷാജി അബ്ദുൾ ഗഫൂർ, മണ്ണിൽ ഹസ്സൻ, ഉസ്മാൻ താമരത്ത്, അസീസ് പട്ടിക്കാട്, റഷീദ് ആലായൻ, സുബ്രഹ്മണ്യൻ, ഡോ. നിലാർ മുഹമ്മദ്, ജമീല ചാലിയതൊടി, കെ.ടി. അഫ്സൽ, സി.എം. മുസ്തഫ, ഇക്ബാൽ, സൂപ്പർ അഷ്റഫ്, റോയൽ മുസ്തഫ, വി. രാജേഷ്, മാങ്ങൊട്ടിൽ ബാലകൃഷ്ണൻ, മേലാറ്റൂർ എസ്. ഐ. സനീഷ് തുടങ്ങിയവർ പങ്കെടുത്തു. കേരളത്തിൽ 39 ടൂർണ്ണമെൻറുകൾക്കാണ് ഈ വർഷം സെവൻസ് ഫുട്ബാൾ അസോസിയേഷന്റെ അംഗീകാരം ലഭിച്ചിട്ടുള്ളത്. ജില്ലയിലെ മൂന്നാമത്തെ ടൂർണ്ണമെൻറാണ് പട്ടിക്കാട് നടക്കുന്നത്.
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/FI3ej2Q2HPOAVXXzE9Z7oK
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ