Perinthalmanna Radio
Date: 19-06-2023
പെരിന്തൽമണ്ണ: വായന വാരാചരണത്തിന്റെ ഭാഗമായി ജി എം എൽ പി കക്കൂത്ത് സ്കൂളിൽ രക്ഷിതാക്കൾക്കും വിദ്യാർത്ഥികൾക്കുമായി ഓപ്പൺ ലൈബ്രറി സൗകര്യമൊരുക്കി. പുസ്തകങ്ങൾ എല്ലാവർക്കും കാണത്തക്ക വിധത്തിൽ സ്കൂളിലെ ചുമരിൽ തയ്യാറാക്കിയ പ്രത്യേകം സ്റ്റാൻഡുകളിൽ പ്രദർശിപ്പിക്കുകയും വിദ്യാർത്ഥികൾക്കും രക്ഷിതാക്കൾക്കും പുസ്തകങ്ങൾ നോക്കി തെരഞ്ഞെടുത്തു വായിക്കുന്നതിനുള്ള അവസരം ലഭ്യമാക്കുകയും ചെയ്യുന്ന സ്കൂൾ ഓപ്പൺ ലൈബ്രറി, പെരിന്തൽമണ്ണ സബ് കലക്ടർ ശ്രീധന്യ ഐ.എ.എസ് വിദ്യാർത്ഥികളായ സമയ, നന്ദന, എം ടി എ പ്രസിഡന്റ് ഷെറീന എന്നിവർക്ക് പുസ്തകം നൽകി ഉൽഘാടനം ചെയ്തു. സ്കൂൾ യുട്യൂബ് ചാനൽ ഫേസ്ബുക് പേജ് എന്നിവയുടെ ഉൽഘാടനം പെരിന്തൽമണ്ണ മുനിസിപ്പൽ വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ മൻസൂർ നെച്ചിയിൽ നിർവഹിച്ചു. സ്കൂൾ വാർഷിക കലണ്ടറിന്റെ പ്രകാശനം വാർഡ് കൗൺസിലർ ശ്രീമതി സീനത്ത് നിർവഹിച്ചു. പി ടി എ പ്രസിഡന്റ് അൻഷാദ് അധ്യക്ഷനായി. കെ ആർ രവി, രവി പി, ചേക്കു, ഹമീദ് എന്നിവർ പ്രസംഗിച്ചു. സ്കൂൾ ഹെഡ്മാസ്റ്റർ സി. ഷാജിമോൻ സ്വാഗതവും സ്റ്റാഫ് സെക്രട്ടറി റീന ജലാൽ നന്ദിയും പറഞ്ഞു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/FXWqNeniWKuCY5QVi7FWIs
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ