Perinthalmanna Radio
Date: 19-05-2023
പെരിന്തൽമണ്ണ: താലൂക്കിലെ റേഷൻ കടകളിൽ ഈ മാസം ആട്ടപ്പൊടി കടലാസിൽ മാത്രം. അധികൃതർ ഇതു സംബന്ധിച്ച് നൽകിയ അറിയിപ്പിലും ഉപഭോക്താക്കൾക്ക് മൊബൈൽ ഫോണിൽ ലഭിക്കുന്ന സന്ദേശത്തിലും മുൻഗണനേതരം- സബ്സിഡി (നീല)ക്കാർക്കും മുൻഗണനേതരം (വെള്ള) കാർഡുകാർക്കും 2 കിലോഗ്രാം ആട്ട ലഭിക്കുമെന്ന് പറയുന്നുണ്ട്.
എന്നാൽ റേഷൻ കടകളിലൊന്നും ആട്ടപ്പൊടി ഇത്തവണ ലഭിച്ചിട്ടില്ല. മൊബൈലിൽ എത്തുന്ന അറിയിപ്പ് കണ്ട് കടകളിൽ എത്തുന്നവർ വെറും കയ്യോടെ മടങ്ങുകയാണ്. കഴിഞ്ഞ മാസവും 2 കിലോഗ്രാം ആട്ടപ്പൊടി പ്രഖ്യാപനത്തിൽ ഉണ്ടായിരുന്നെങ്കിലും താലൂക്കിലെ ചില കടകളിൽ 1 കിലോഗ്രാം മാത്രമാണ് ലഭിച്ചത്. ആറു മാസത്തിലേറെയായി ഈ വിഭാഗങ്ങൾക്ക് ആട്ടപ്പൊടി ലഭിച്ചിരുന്നില്ല. ഗോതമ്പിന്റെ ലഭ്യത കുറവ് മൂലം ആട്ടപ്പൊടി ഒഴിവാക്കിയിരുന്നു.
കഴിഞ്ഞ മാസം മുതലാണ് പുനസ്ഥാപിച്ച് അറിയിപ്പ് എത്തിയത്. എന്നാൽ എല്ലാം രേഖകളിലേ ഉള്ളൂവെന്ന് മാത്രം.
മുൻഗണനേതര വിഭാഗത്തിൽ വൈദ്യുതീകരിച്ച വീടുകൾക്ക് മുന്നു മാസത്തിലൊരിക്കൽ അര ലിറ്ററും വൈദ്യുതീകരിക്കാത്ത വീടുകൾക്ക് 6 ലീറ്ററും മണ്ണെണ്ണ ലഭിക്കുമെന്നും മൊബൈൽ സന്ദേശത്തിലുണ്ട്. എന്നാൽ ഈ വിഭാഗത്തില് നിലവിൽ മണ്ണെണ്ണ നൽകുന്നില്ല.
അതേ സമയം ഈ മാസം ആട്ട പൊടി പോളിസിയിൽ ഉണ്ടെങ്കിലും അലോട്ട്മെന്റ് ലഭിച്ചിട്ടില്ലെന്ന് താലൂക്ക് സപ്ലൈ ഓഫിസ് അധികൃ തർ ലഭിച്ചു. കഴിഞ്ഞ മാസം അലോട്ട്മെന്റിൽ നേരിയ കുറവ് വന്നതിനാലാണ് ചിലർക്ക് ആട്ടപ്പൊടിയുടെ ലഭ്യതയിൽ കുറവ് ഉണ്ടായതെന്നും അധികൃതർ പറഞ്ഞു.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/D0DhxRdTjOQ5CuMBUmEPjg
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ