Perinthalmanna Radio
Date: 29-04-2023
മലപ്പുറം: ടിക്കറ്റിതര വരുമാനം വർധിപ്പിക്കാൻ കെ.എസ്.ആർ.ടി.സി. സ്വന്തം കൂറിയർ സർവീസ് തുടങ്ങുന്നു. ആദ്യഘട്ടത്തിൽ സംസ്ഥാനത്തെ 55 ഡിപ്പോകളിലാണ് സേവനമുണ്ടാകുക. ജില്ലയിലെ നാലു ഡിപ്പോകളാണ് ഇതിൽ ഉൾപ്പെടുക.
ഡിപ്പോ ടു ഡിപ്പോ എന്ന നിലയിലായിരിക്കും സേവനം. 24 മണിക്കൂറിനകം സാധനങ്ങളും കവറുകളുമാണ് ആദ്യമെത്തിക്കുക. കോയമ്പത്തൂർ, തെങ്കാശി, െബംഗളൂരു, മൈസൂരു, നാഗർകോവിൽ എന്നിവിടങ്ങളിലേക്കും സേവനം ലഭ്യമാക്കും. രണ്ടുമാസത്തിനകം സർവീസ് തുടങ്ങാനാണ് ലക്ഷ്യമിടുന്നത്.
2015-ൽ കെ.എസ്.ആർ.ടി.സി. മുഖേന സ്വകാര്യകമ്പനികൾ കൂറിയർ സർവീസ് തുടങ്ങിയിരുന്നെങ്കിലും അധികം മുൻപോട്ടു പോയില്ല. പുതിയ സർവീസ് കെ.എസ്.ആർ.ടി.സി.യുടെ പൂർണ നിയന്ത്രണത്തിലാകും.
ഡിപ്പോകളിൽ രണ്ടു തരം സർവീസുകളാണ് ലഭിക്കുക. മലപ്പുറം ഡിപ്പോയിൽ 24 മണിക്കൂർ സേവനമുണ്ടാകും.
പെരിന്തൽമണ്ണ, പൊന്നാനി, നിലമ്പൂർ എന്നീ ഡിപ്പോകളിൽ രാവിലെ ഒൻപത് മുതൽ രാത്രി ഒൻപത് വരെ 12 മണിക്കൂറും. ഡിപ്പോകളിൽ ഇതിനായി ഫ്രണ്ട് ഓഫീസ് ഒരുക്കും.
കൂറിയർ കൊണ്ടുപോകുന്ന ബസുകളിലെ ജീവനക്കാർക്ക് ഇൻസെന്റീവും പരിഗണനയിലുണ്ട്.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/D0DhxRdTjOQ5CuMBUmEPjg
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ