Perinthalmanna Radio
Date: 28-12-2022
മലപ്പുറം ∙ നിർമാണച്ചുമതല കെ റെയിൽ ഏറ്റെടുത്തതോടെ കെഎസ്ആർടിസിയുടെ മലപ്പുറം ജില്ലാ ആസ്ഥാന യൂണിറ്റ് കെട്ടിടത്തിന്റെ പണി ജനുവരിയിൽ പുനരാരംഭിച്ചേക്കും. പി.ഉബൈദുല്ല എംഎൽഎയുടെ ഫണ്ടിൽ നിന്ന് അനുവദിച്ച 2 കോടി രൂപ ഉപയോഗിച്ച് താഴത്തെ ടെർമിനലിന്റെയും ഒന്നാം നിലയുടെയും പണികളാണ് ആദ്യഘട്ടത്തിൽ നടത്തുക.
ഇതിന്റെ പുതുക്കിയ എസ്റ്റിമേറ്റ് ഈ ആഴ്ച തന്നെ കെ റെയിൽ കൈമാറുമെന്നാണ് ധാരണ.ചുമതലയേറ്റെടുത്ത ശേഷം കെ റെയിൽ തയാറാക്കിയത് 2.14 കോടി രൂപയുടെ എസ്റ്റിമേറ്റ് ആണ്. എന്നാൽ 23ന് കെ റെയിൽ, കെഎസ്ആർടിസി ഉദ്യോഗസ്ഥർ എന്നിവർ ചേർന്ന് യൂണിറ്റിൽ നടത്തിയ പരിശോധനയ്ക്കിടെ ഇത് 2 കോടി രൂപയിൽ തന്നെ നിജപ്പെടുത്താൻ തീരുമാനിച്ചിരുന്നു.
സെപ്റ്റിക് ടാങ്ക്, മാലിന്യക്കുഴി തുടങ്ങിയ ചില കാര്യങ്ങൾ കൂടി അധികമായി ഉൾപ്പെടുത്താൻ കെഎസ്ആർടിസി നിർദേശിച്ചു. ചില കാര്യങ്ങളിൽ ചെലവു ചുരുക്കാനും നിർദേശം നൽകി.പുതുക്കിയ എസ്റ്റിമേറ്റ് ഒരാഴ്ചയ്ക്കകം തന്നെ നൽകാനും ധാരണയായി. പുതുക്കിയ എസ്റ്റിമേറ്റ് ലഭിച്ചാൽ ഉടൻ ഭരണാനുമതി നൽകും. തുടർന്ന് ടെൻഡർ വിളിക്കാനും പണി തുടങ്ങാനുമാകുമെന്നാണ് ഉദ്യോഗസ്ഥർ പറയുന്നത്.മന്ത്രി ആന്റണി രാജുവും ഇക്കാര്യത്തിൽ പ്രത്യേക താൽപര്യം കാണിക്കുന്നതിനാൽ കാര്യങ്ങൾ വേഗത്തിലാകുമെന്നാണ് പ്രതീക്ഷ.
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക
https://chat.whatsapp.com/BYcevSuLs0dH5STbBgvWwr
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ