പെൺകൂട്ടായ്മയിൽ നിർമ്മിച്ച കുളം കൗതുകമാകുന്നു

Perinthalmanna Radio
Date: 04-02-2023

മേലാറ്റൂർ: ഗ്രാമപ്പഞ്ചായത്തിലെ എട്ടാം വാർഡിൽ പെൺകൂട്ടായ്മയിൽ നിർമ്മിച്ച കുളം കൗതുകമാകുന്നു. ചെമ്മാണിയോട് അപ്പേങ്ങൽ വാസുദേവന്റെ മണ്ണാർക്കോട് പാടത്ത് തൊഴിലുറപ്പ് പദ്ധതിയിൽ ഉൾപ്പെടുത്തിയാണ് കുളം നിർമ്മിച്ചത്. കാർഷികാവശ്യത്തിന് വെള്ളം എടുക്കുന്നതിനായാണ് കുളം തീർത്തത്. 2021-22, 2022-23 വാർഷിക പദ്ധതിയിൽ ഉൾപ്പെടുത്തി 1,14,243 രൂപ ചെലവിൽ എട്ടു മീറ്റർ നീളത്തിലും എട്ടു മീറ്റർ വീതിയിലുമാണ് കുളം നിർമ്മിച്ചിട്ടുള്ളത്.

333 തൊഴിൽദിനങ്ങൾ പ്രയോജനപ്പെടുത്തിയാണ് കുളത്തിന്റെ നിർമാണം പൂർത്തിയാക്കിയത്. ആലപ്പുഴയിൽനിന്നെത്തിച്ച കയർഭൂവസ്ത്രംകൊണ്ടാണ്‌ കുളത്തിന്റെ ചുറ്റുഭാഗത്തിനും സംരക്ഷണം ഒരുക്കിയത്. എൻ.ആർ.ഇ.ജി.എസ്. അസി. എൻജിനീയർ വി. അരുൺകൃഷ്ണൻ, ഓവർസിയർ ഷിനി രാമദാസ്, തൊഴിലുറപ്പ് പദ്ധതി എട്ടാം വാർഡ് മേറ്റ് പ്രജിത എന്നിവരുടെ നേതൃത്വത്തിൽ 15-ഓളം സ്ത്രീതൊഴിലാളികളാണ് കുളത്തിന്റെ നിർമാണത്തിനായി സജീവമായി രംഗത്തുണ്ടായിരുന്നത്. ചുറ്റുഭാഗത്തും ചെടികൾ നട്ടുപിടിപ്പിച്ച് മോടി കൂട്ടുന്ന പണി കൂടി ഇനി തീരാനുണ്ട്.
…………………………………………
കൂടുതൽ വാർത്തകൾക്ക് www.perinthalmannaradio.com എന്ന ഞങ്ങളുടെ വെബ്സൈറ്റ് സന്ദര്‍ശിക്കുക
———————————————-
പെരിന്തൽമണ്ണയിലേയും പരിസര പ്രദേശങ്ങളിലേയും വാർത്തകൾ വാട്സാപ്പിൽ   ലഭിക്കാൻ താഴെ കാണുന്ന ലിങ്കിൽ ക്ലിക് ചെയ്യുക

https://chat.whatsapp.com/BuEppF2WClmF172FMFIJJx
———————————————
®Perinthalmanna Radio
വാർത്തകൾ ഇനി നിങ്ങളുടെ വിരൽതുമ്പിൽ